|
مشكلة مع القطط
السلام عليكم ورحمة الله وبركاته
هذا أول موضوع لي في هذا المنتدى الرائع:) الموضوع أنا عندي بسة كانت تخاف مني والسبب مجهول كانت تخاف حتى لو جبت قطعة لحم ماتجي عندي بعدين جابت 4 صغار والصغار يخافون مني علشان أمهم تخاف مني ماأعرف وش الحل وش أسوي معهم علشان مايخافون مني والمشكلة أن البسة كسلانة ماتحب تترحك كثير بس جالسة في مكانها اللا اذا انا جيت تخاف وتهرب أبغى حل بسرعة مع العلم أن أمهم للحين تخاف مني .................................................... وشكرا :) |
رد: مشكلة مع القطط
هلا أخوي نور المنتدى .... سالفتك سالفة غريييييبة أنت تعال عندها ولمسها مع راسها وخل حركتك بطيئه علشان ما تخاف وأنت حطلها الأكل خلها تشوفك والأشياء الي تخوفها كثير لا تسويها أنت مثل الترويش أكثر القطط تخاف خل واحد ثاني يروشها علشان ما تخاف منك زيادة .. وعن عيالها لمسهم كثير علشان يتعودون وهم صغار ... وان شاء الله الاخوان يفيدونك زيادة :) ...
|
رد: مشكلة مع القطط
اقتباس:
نسيت أقول أنها متوحشة والله اني أبغى ألمسها تجي تخربشني وتعضني والله يدي كلها جروح منها وكل ماشافتني تطلع أصوات غريبة ماأدري وش السالفة:( بس زمااااااااااان كانت اليفة وتلعب وتترحك كثير وماتخاف ولا تعض ولاتخربش أتوقع مالها أي حل |
رد: مشكلة مع القطط
لا اخوي ان شاء اله لها حل
بس انا مب مال هاي السوالف بلتوفيق ^^ |
رد: مشكلة مع القطط
حاول تقدم لهم الاكل وتعاملهم بلطف وماتخلي احد من الاطفال يخوفهم
وتجنب التخويف والحركات السريعه وانشالله ترجع زي ماكانت بالتوفيق |
رد: مشكلة مع القطط
هي قطه شوارع؟؟ اختي تاكدي مايسوي هالحلاكات الا قطط الشوارع
انا خبيره بالقطط وهي من متى عندك؟ |
رد: مشكلة مع القطط
اقتباس:
ثانيا أنا ماجبتها من الشارع واحد خويي عنده حيوانات كثيرة طيور دجاج قطط كلاب قلتله عطني وحدة زينة وعطاني ذي بس أول ماأخذتها كانت كثيرة الحركة وأتوقع انه ماخذها من الشارع |
رد: مشكلة مع القطط
هل تجلس معهم وقت كافي؟؟
*حاول تقضي معهم على الأقل من ساعتين الى ثلاث ساعات يومياً وبمجرد جلوسك بهدوء مع الوقت راح يعرفون أنك مو مصدر تهديد بالنسبه لهم *قدم لهم مكافئات أو أكل عادي مثل السمك أو الدجاج بشرط توكلهم من يدك .. وبرفق وهدوء أمسح عليهم الهدوء وتجنب الأزعاج وقت جلوسك معهم ضروري علشان تكسبهم بالتوفيق :) |
رد: مشكلة مع القطط
شووف
اقعد معها ومع العيال في غرفه وحده مقفووله عليكم انتوا بس انت لاتسووي شي ابداا بس اللهم اقعد على الارض وبيدك كوره صغيره واجلس قلبها بيدك ولووحها على خفيف عالارض عشان ينجذبون لها ولصووتها عاادي اخذ لاب توب واجلس هناااك او اقرا كتاب المهم تقضي معهم وقت طويل اكثر من سااعه انت طنشهم عادي ماكانهم موجوديين وشوي شووي بيعرفون انك مابتسووي لهم شي و هم ان شاءالله يتقربون منك واذا بدؤوا يتقربوون انت اجلس اكلهم بيدك وبعدين اكلهم بيد واليد الثانيه امسح عليهم وشوي شوي بتصيرون حبايب ان شاءالله وعلى فكره بقولك على ميزه بالقطط وعن تجربه .. انت اذا تلاحقها وتمسح عليها وهي ترفض .. بالعكس مراح تلين راح ترفضك اكثر .. بس انت طنشها هي راح تتقرب منك شوي شوي بالتوفيق |
رد: مشكلة مع القطط
انا كنت اسوي زي كلام سيسي
اول ما جبت قطوتي كانت خايف وبعد جالسه بالزاويه خليتها يومين على راحتها ما امسكها ولا شي ,, كنت اجيب الاب توب واجلس عليه وهي تروح وتجي وتشمشم حتى اذا جت تشمني ما اتحرك ولا المسها ولا شي واذا جيت اعطيها الاكل اجلس عندنها لما تخلص اكلها شوي شوي صارت ما تخاف والحين صارت لازقه فيني :D وين ما اروح وهي وراي :D |
| جميع الأوقات بتوقيت GMT +3. الساعة الآن 03:26 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو