|
سؤال بخصوص عملية الاخصاء للذكر و الابره للانثى .. !
مرحبا اخواني شلونكم .. السؤال الاول عن عملية الاخصاء الي يسوونها للذكر عشان يوقف طلب زواج .. و يوقف اهم شي رش بول و انتوا بكرامه بالبيت .. ابي اعرف شلون يسويها الطبيب و كم مدتها و كم تكلف و شنو اعراضها و شنو مخاطرها ؟؟؟ .. السوال الثاني عن الابره الي تاخذها النثيه وقت ماتطلب الزواج .. شنو نظام هالابره هذي و كم مدتها اهم شي و كل متى اعطيها النثيه ؟؟؟ .. لان عندي انا ذكر و نثيه - اخوان - و صغار تو ابو شهرين و نص يعني لسه عليهم .. بس حبيت اعرف من الحين لاني مابيهم يتزاوجون من بعض بعدين .. ف ما ابي الذكر يوسخ بيتي و كمان ما ابي النثيه تعور راسي بصياحها .. ياريت تفيدوني .. و مشكورين مقدما .. |
رد: سؤال بخصوص عملية الاخصاء للذكر و الابره للانثى .. !
هذا موضووع عن طريقه العمليه
وترا العمليه سهله مو معقده مرره http://www.2zoo.com/vb/showthread.php?t=57383 عندنا المشرفه دومينك مخصيه قطهااا ومامره شفناها تشتكي من العمليه بالعكس قطهاا تغير للأفضل بعد العمليه تكلفتها اتوقع 400 ريال مو اكثر اما الابره للأنثى انا دورتها عشان بعطيها لقطوتي لان مابيها تحمل مره ثانيه بس ماحصلتهاا حصلت حبوب ويقول البيطري انها احسن من الابره الحبوب تستمر على حسب الانثى بعضهم شهر بعضهم شهر ونص او 3 شهور كل ماتجي دوره الشبق للأنثى تعطيها حبه وحده بسسسسس .. لو اكثر من حبه يجيها نزيف بس البيطري يقول ان كثره الحبوب تاثر على القطوة مع مرووور الايام مادري شنو شنو تسبب .. يمكن عقم .. يمكن التهاب .. لان مو انا اللي مكلمته موفق اخوووي |
رد: سؤال بخصوص عملية الاخصاء للذكر و الابره للانثى .. !
السلام عليكم ورحمة الله وبركاته انا كلش مالي خبره .. بس جفت في قناة Animal planet زوجين مسوين لجلبهم عملية الاخصاء والغلط الي غلطوه كان الجلب عمره ست شهور ولازم يبلغ على مااعتقد والغلط الثاني البيطري الي مسوي العمليه مخربه تخريب لكن الحمدلله لحقو عليه وودوه لمستشفى عندهم واكتشفو الخراب الي فيه والحمدلله عاش المقصد اسأل عن احسن بيطري اذا بتسوي للقطو الذكر عمليه .. عشان ماتخسره |
رد: سؤال بخصوص عملية الاخصاء للذكر و الابره للانثى .. !
مشكورين عالردود .. اختي - سيسي - بالنسبه للابره الي للانثى .. هذي تسبب لها العقم صح ؟؟ يعني ما تولد خير شر بعدها ؟؟ و الحبوب طيب ؟؟ كمان نفس الشي تسبب لها العقم ؟؟ و الا بس توقف فتره الشبق وبعدين ترجع لها الفتره عالشهر الياي ؟؟ اختي - عاشقة الطيور - بالنسبه للعمر هم لسه صغاااار عمرهم شهرين و ٣ اسابيع .. فمستحيل اسوي للذكر العمليه الا بعد مايكمل السنه و نفس الشي للانثى .. بس انا حبيت اسال من الحين عشان اتطمن لاني مابيهم يعورون راسي بعدين .. و بالنسبه للدكتور انا ضامنه ١٠٠ ٪ ( هو الدكتور البيطري للحيوانات الملكيه بالاردن ) فما منه خوف .. مشكورين عالردود مره ثانيه .. |
رد: سؤال بخصوص عملية الاخصاء للذكر و الابره للانثى .. !
السلام عليكم اللي اعرفه بالنسبه للذكر الأفضل تسويها له قبل البلوغ لأنه ممكن لو سويتها له بعد البلوغ يبقى يرش لكنه يكون عقيم ... يعني عقيم لكن لسا يطلب تزاوج .. هي عملية سهلة .. لما سألت البيطري قال لي تجيبينه صايم مدة 8 ساعات .. نسوي له العملية وتآخذيه البيت على طول .. البيطري هذا هنا في الرياض وقال لي انها تكلف 200 ريال بس .. لكن انا بعدين غيرت رأئي وماسويت له عملية |
رد: سؤال بخصوص عملية الاخصاء للذكر و الابره للانثى .. !
مساكين القطط تعدمون شهواتهم :( |
رد: سؤال بخصوص عملية الاخصاء للذكر و الابره للانثى .. !
لالالا الابره والحبوب مايسببون عقم
بس يمعنون عنها رغبه التزاوج مده معينه الابره تطول .. تقريبا 6 شهور اما الحبوب ممكن شهر او شهرين او ثلاثه او بينهم مو اكثر يعني |
رد: سؤال بخصوص عملية الاخصاء للذكر و الابره للانثى .. !
... مرحبااا ماعندي خلفيه عن الذكر لكن بقولك عن الانثى تعطى ابره عند بلوغهااااا يعني اول ماتطلع عليها اعرض الشبق وتختلف فترة البلوغ على حسب نوع القطة .. المهم مفعول الابرة يطول لمدة سته أشهــر .. يثبط الهرمون عند القطة .. طبعا من الخطاء تكرار الابرة بعد السته اشهر تسبب مشاكل للقطه وممكن تجيب عقم . وتحياتي لكم أنا وتوت |
رد: سؤال بخصوص عملية الاخصاء للذكر و الابره للانثى .. !
مرحبا انا من الاردن;)
في جمعه حمايه الحيوان بعمان بتقدر تسوي الهم عمليه وببلاش بدون فلوس بس لازم يكون البسه عمرها فوق 6 اشهر وعمليه الذكر بدها 10 دقائق والانثى تقريبا نص ساعه بعرف وحده عملت عمليه لذكرين عندهم وماشالله هيهم بالف خير بالتوفيق :D |
| جميع الأوقات بتوقيت GMT +3. الساعة الآن 09:13 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو