منتديات تو زوو - وش رايكم؟؟

وعليكم السلام ورحمة الله وبركاته...

كيف الحال ياسبيرو ان شا لله طيب ......

بصراحه الطريقه ماقد جربتها .. انا احب اعلم طيوري الكلام مني انا شخصيا , لاكن انا ماراح اقولك هالطريقه زينه ولاشينه .. انا راح اوضح لك بعض الاشياء في طريقتك .....

(((انا ببغائي الافريقي للحين مايتكلم))) , ان شا لله يتكلم .. وتقدر تلاحظ بوادر الكلام اذا كان تصفيره كثيره مثلا . .. ولما يسمع صوت عالي يركز معاه ... وعمر الطير صغير ... كل هذي عوامل ممكن تكون مؤشر جيد لبدايه الكلام عند الببغاء.

(((وجربت طريقه الجوال وهي اسجل صوت كلمه ((بابا)) واحط خاصيه التكرار ))) , والله اذا كان الصوت واظح شي جيد , والتكرار يعلم الشطار زي مايقولون , لاكن انا عندي ملاحظه .... صدقني راح ترجع لطريقه تعليمه الكلام منك انت مباشره , الطيور هذي ذكيه ... لما يسمع الصوت جاي من الجوال يعرف انه من الجوال , وبعدها .....لما يسمع الصوت منك انت شخصيا راح يستنكره ومايتقبله في البدايه لانه ماتعود عليه , انا افضل انك تكلمه بصوت واظح ومرتفع من بعيد شوي او من ورا الباب .... لين ما يتعود على الصوت ........

(((واحطه في غرفه مظلمه واشغل الصوت احطه عنده يمكن باليوم ساعه ونصف .. )))
ياسبيرو الحين انت لما احطك في غرفه مظلمه وش الحاله الي تجيك !!! في الغالب تقوم تنعس وتكسل ويجيك النوم بعد .... نفس الشي بالنسبة للببغاء ياسبيرو ... الطيور تفكر بالغرائز المغروسه فيها ... فالظلام يعني لها النوم والراحه , لما انت تلخبط فيه وتحطها في ظلام شوي وفي النور شوي راح ينحاس مزاجها ..

اعتقد لما تشغل الجوال ساعة ونص عندها وهي في الظلام ... ماراح تعلمها الا التكلم في الظلام ويمكن تغرس الشي هذا فيها للابد ..اظف الى هذا حالة الخوف الي راح يسببها لها الصوت في الظلام وهي قد تعتقد انه وقت لنوم فعلا والراحه...

(((هاه وش رايكم حلوه الطريقه او ماتنفع ؟؟

يمكن لي خمس ايام اجرب ذي الطريقه)))

المثل يقول .. ""التجربه خير برهان"" ...
لاكن صدقوني يا احبابي ... هذي الحيوانات ليست مجال لتجارنا او تصحيح اخطائنا , بل يجب علينا ان نتأكد من طريقة التدريب , وممن اخذناها , وماهي نتائجها على الطائر , قبل ان نجرب الطريقه,,

اعتقد ان " خمس ايام " تكفي لتغيير الكثير من الاشياء في حياة الطائر , , ,
أيضا " خمس ايام " تكفي لتغيير الكثير الكثير في حياتنا , , ,

وفقكم الله,,,,,,,,,,,,,,,