|
ممكن مساعده من مربي الكناري
السلام عليكم انا ناوي اشتري هديه للوالد عباره عن طيور كناري لأنه كان عنده جوز قبل مده و كان مهتم فيهم و بعد فتره سافر و هو بالسفر ماتو الطيور .... انا محتاج نصيحتكم ابي نوع تغريده جميل و غير مزعج و سعره تقريباً بالكويت و ين القاه و الاحسن يكونون جوز و لا واحد و اذا واحد شنو الاحسن ذكر و لا نثيه و على فكره الوالد عنده خبره قليله جداً عن الكناري و اتمنى انكم تساعدوني....... وشكراً |
رد: ممكن مساعده من مربي الكناري
اخوي المتواج حالين في المحلات في الكويت هوا الهولندي بس ا شكالة حلوة والوانة احلة بس تغريد مو شي علي فكرة اذكر الكناري هوا اللذي يغر د النثية لا تغرد نادر تغرد النثية بس اتحصل يوم الجمعة برة الجبرات انواع كثيرة من الكناري بس كل واحد اوسعرة انصحك بسوري الانة كناري اسوري يتحمل جو الكويت وبسرعة يتكاثر وشكرا
|
رد: ممكن مساعده من مربي الكناري
شكراً اخوي حسن عالمساعده و تسلم عالمعلومات
و اذا عالجو مو مشكله راح يكون داخل البيت |
رد: ممكن مساعده من مربي الكناري
في بالسوق انواع مختلفه واذا تبي تغريد حلو بس موعالي خذلك وترسلايقر بـ40 الزوج وانتاجه زين مو صعب بس مشكلته لونه دايما يكون اصفر او اصفر × زيتي او تقدر تاخذ الهولندي عندك الوان واشكال وتغريدهم فوق المقبول هم سعرهم حولي 40 للزوج واخر خيار عندك هو السوري اقل من اسعارهم بشوي (ينو وقعدو على هالاسعار كله عشان فلونزا الطيور:eek: ) بس عندس نصيحه لا تاخذ يوز امقنزعين اثنينهم اخذ واحد امقنزه والثاني عادي هذا اذا اخترت شي فيه امقنزع
بالتوفيق والوالد يستاهل تحياتي .... |
رد: ممكن مساعده من مربي الكناري
تسلم اخوي mishary عالافاده الحلوه منك
عاد انا افكر بالووتر سلاجر بعد ما قريت جم موضوع عن الكناري و الله يعطيك العافيه |
رد: ممكن مساعده من مربي الكناري
انا محتار بين الووتر سلاجر و الامريكي و التمبرادور الاسباني
طبعاً اذا يحصلي روسي بيكون هو المطلوب |
رد: ممكن مساعده من مربي الكناري
السلاااااااام عليكم
الوالد يستاهل كل خير والله يطول بعمره خذ له ووتر سلاجر يكون محجل ومعه شهاده تغريد ( لضمان انه طاير مغرد ) وطابق الارقام الموجوده بالحجل مع الشهاده تجنباً للغش لأن الطير ابو شهاده هذا مغرد من الدرجه الاولى اذا تبي تغريد يفضل ذكر واحد عشان يغرد لأن وجود الانثى مع الذكر يسبب عدم تغريده واذا تبي انتاج طبعاَ معروف جوز والخيار لك بصراحه مافيه كناري مثل الووتر سلاجر تغريد عذب وغير مزعج والووتر سلاجر اذا كان اصفر يكون سلاله اصليه لأنه اشتهر بهذا اللون منذ القدم .. تحياتي |
رد: ممكن مساعده من مربي الكناري
الله يعطيك الف عافيه اخوي افدتني وايد بمعلوماتك
اقتباس:
لك مني جزيل الشكر |
رد: ممكن مساعده من مربي الكناري
المتوفر بالكويت ( الاسواق ) الوترسلاجر اما الامريكي والتمبرادو غير موجودين الا عند مربين غير معروفين و اما الروسي انسى الموضوع سعره وايد غالي بالكويت يعني تتكلم على 120 للزوج الغير منتج ( فروخ ) والمنتج والي تغريده حلو مايقل عن 280 دينار خلك على الوتر احسن :)
|
رد: ممكن مساعده من مربي الكناري
مشكوور اخوي mishary عالمتابعه و تسلم عالمعلومات
و بالنسبه للروسي اذا كان تغريده مثل اللي سمعته يستاهل هالسعر |
| جميع الأوقات بتوقيت GMT +3. الساعة الآن 09:50 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو