![]() |
سلسلة خبراتنا : الجوع
مرحبا مجددا واجتمعنا لطرح الجزء الثالث من السلسلة الجوع كل قطة لما تحس بالجوع تكون لها طريقة للتعبير عنها وانا عندي دمدم المفجوع ( اسم الله عليه ) اخترع الف طريقة وطريقة للتعبير عن جوعه :p دمدم متعود ياكل الوجبات الرئيسية الثلاث مع سناكس بينهم ( وهذي على المزاج ) الوجبات الرئيسية تكون لاشباعه والسناك لتحريك معدته بين الوجبات بالنسبة للوجبات الرئيسية الثلاث لو تأخرت عن موعدها دمدم شيسوي : انا عندي ثلاجة صغيرة في غرفتي احط فيها المعلبات المفتوحة لاكل دمدم وعندي صحن صغير للاكل في غرفتي دمدم لما يحس بالجوع واهوا عندي بالغرفة يا اما : 1- لو كنت انا نايمة ينط على سريري ويماوي ويلصق انفه بخدي علشان اقوم واحطله اكل . 2- اذا كنت مستيقظة يوقف عند صحنه ويماوي لما احطله اكل . 3- يروح للثلاجة ويرفع جسمه ويحاول يفتح الباب بايده ويماوي . بهالطريقة اعرف انه يوعان . تحت بالصالة عنده صحن ثاني، ونخزن المعلبات الصغيرة في خزانة المطبخ التحضيري والمعلبات الكبيرة المفتوحة بالثلاجة الداخلية . لما يحس بالجوع تحت يا اما : 1- لو كنا بعيدين عنه يركض ويوقف عند صحنه ويماوي لمن احد يحطله اكل . 2 اي شخص فينا يقوم من مكانه يبي يتحرك بالصالة دمدم يسبقه ويركض لعند صحنه ويوقف واهوا ساكت وينتظر الوجبه . 3- اي شخص يفتح الثلاجة دمدم يركض مثل الاهبل ويدخل راسه بالثلاجة ولو زفيناه او قلناله وخر يتم واقف بمكانه ما يتحرك . 4- اي واحد فينا يوقف عند المطبخ التحضيري بيسوي شي ياكله دمدم ينط على المطبخ التحضيري ويحط راسه بالصحن او الساندويتش او اي شي محضرينه . اما بالنسبة للسناك : مرات احنا نحس بالجوع فنقلي فرايز او نسوي ساندويتش او ناكل شي على الماشي دمدم لازم يذوق من اللي عندنا :p من الفرايز المقلي لازم نعطيه حبتين او 3 بعدين يتركنا ويسكت . من المرتديلا لازم نعطيه شريحتين . من الناجتس لازم ياخذ حبة وحدة بدون البقصمات من الروب بالمشمش لازم ياخذ مقدار ملعقتين شاي المهم لازم ياخذ شي عن خاطره:D ولآنه قليل ادب:cool: لما ارفع ايدي بحط اللقمة بفمي يرفع جسمه ويمد ايده ويطق ايدي يعني عطيني :cool: نبي مواقفكم ميرسي . . . |
رد: سلسلة خبراتنا : الجوع
خخخخخخخخخخ وناسه دمدم ربي يخليه لك بالنسبة عندي لكويني الي تسويه معاي طريقة وحده تجي وتجلس بحضني لو انا على كرسي لو جالس عالارض تجي من قدامي وتدخل راسها بين ايديني عشان اعطها من الي معاي لو كنت اكل شي اما الوجبه الرئيسية تجي وتوقف على رجولها وايدينها تتسند فيهم علي وتناوي لحد ماحطلها الصحن وننتظر بقية الاعضاء وتصرفات قطاوتهم |
رد: سلسلة خبراتنا : الجوع
مشكووووورة على الموضوع
والطرح المميز وانا للاسف دلوقتي قططي مو عايشه معاي يعني ما اقدر اقول تصرفاتهم |
رد: سلسلة خبراتنا : الجوع
هههه مشاء الله عليه ربي يحميلك دمدم
صراحة موضوع حلو ومثل ماعوتينا بمواضيعك الحلو انشاء الله لمن اشتر قطوة يديدة اشاركم |
رد: سلسلة خبراتنا : الجوع
موضوع حلو دومينيك .. دمدم يذكرني بقطط اختي .. نفس الحركات .. :)
قطوي حركاته مشابهه لحركات قططهم وقت الجوع .. انا دايماً أحط المعلبات و الأكل الجاف بالزاويه .. لما انسى أملي الصحون يروح الأخ للمؤونه و يجابلهم وجها لوجه لووول مادري ليش هالحركه حتى ما يحاول يبطلهم عارف انه الفكرة وصلت لي و احط له الأكل .. و الشي الثاني يروح عند الصحن و يقعد عنده و يطالعني هني أعرف انه محتاج للأكل .. و مع الأسف الحين أبداً ما ياكل الأكل المحضر بالبيت باستثناء الأسماك المطبوخة .. مشكلتي ما عودته على اكل البيت مع انه أفود له .. استغفر الله لما احط له قطعة ناجت أو نقانق يلعب فيها كرة قدم .. لوول و مشكوورة مره ثانيه دومينيك :) |
رد: سلسلة خبراتنا : الجوع
بصراحة أختي موضوع مميز ومفيد
وقطوك باين عليه متعلم صح الله يخليه لك تحياتي |
رد: سلسلة خبراتنا : الجوع
لوووول
حركات دمدم ماتخلص بالنسبه لعتوي باقيرا اذا ياع ...يقعد يتلصق فيني و يشمشم ويهي اذا كنت منبطح و يلحقني وين ماروح و يماوي كأنه يقول "عطني اكل ولا ماهدك" و عاد لاتشوفينه لمه يصيدني قاعد بالصاله و حاطلي صحن اكل اتعرفين (بوس ان بوتس) اللي بفلم شريك يوقف جدامي مثله و يعطيني ذيج العين البرييييييئه اللي صج يكسر خاطرج و لمه اعطيه شي و ماعجبه ..يدزه و يبدي يتحرش مثل دمدم P: "ادري ان عندك شي حلو ماتبي تعطينياه" --- عندي سؤال صغير عادي تعطين القط اكل معلبات بارده من الثلاجه ؟؟ |
رد: سلسلة خبراتنا : الجوع
شكرا كلكم على الافادات اما دلع القطاوة مايخلص :cool: ويذرد لووووووووول حتى دمدمو مرات يسوي جذي بس بالافندي عاد بسرعة اشيلها على باله كرة الشيطان لونلي واحلاته باقيرا اتخيل شكله واهوا يكسر الخاطر:p اي عادي تعطيه من الثلاجة دمدمو يموت على المعلبات باردة تصدق :confused: ميرسي . . . |
جميع الأوقات بتوقيت GMT +3. الساعة الآن 05:47 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو