|
عضو جديد لديه بعض الأسئلة!
مساء الخير على الجميع !
عندي بعض الأسئلة واتمنى من أحد الخبراء يفيدني ناوي اشتريلي كم قط وبالصدفة حصلت قطتين اخوات الأنثى رصاصي والذكر ابيض (عين زرقاء وعين صفراء) الواصح انه شيرازي بس مش بيور الأسئلة العمر 5 أسابيع فهل هذا سن مناسب وهل ستواجهني مشاكل ف تغذيتهم الذكر الأبيض يعاني من بقعة فوق عينه بسبب الفطريات فهل المشكله كبيرة وتستدعي صرف النظر عن الشراء (احدهم يقول عقم المنطقة بشوية ديتول ممزوج بالماء وسوف يعود الشعر للنمو) ماهو السن المثالي لبداية تحميم القطط لمن عنده خبرة بالأسعار بالسعودية ما هو السعر العادل وشكرا للجميع |
رد: عضو جديد لديه بعض الأسئلة!
هــــلا أخوي .. اول شي .. أهلا وسهلا فيك في منتدانا وان شاء الله تلاقي كل شي تبيه فيه :D ثانيا : بالنسبه للســن مناسب بس كل ما يكون اصــغر يكون أحســن يعني أخــذ لك من شهرين الى 3 اشهر هــذا السن انسب للتدريب وخصوصا للذكــور بالنسبه للفطريات لا لاتخذهم دام ان فيهم فطريات لان ممكن تنعدي منهم وممكن ان الذكــر يعادي النثيه بعد .. والفطريات ما اعتقــد انها تتعالج بالديتول الفطريات لها شامبو خــاص عشــان تروح وهذا تحصله بالبيطري .. انا قطوتي حاليا فيها فطريات .. واستخدم لها هالشامبو .. بس طبعا أخــذ الحذر اثناء تعاملي معاها عشان لا تعديني السن المناسب لتحميم القط من عــادي يعني من شهر و فوق ( على حسب علمي ) والاستحمام بالاسبوع مره بس نصيحتي لــك اذا بغيت تاخذ قط أخــذ واحــد صاحي ما فيه شي .. يعني اتأكد انه ما في مرض او مو مريــض .. وهذا يبين من الشكل .. أنا قطوتي لمن شريتها ماكان فيها شي .. بس امس وديتها الطبيب وطلع فيها فطريات .. والمشكله ما ادري شلون صار فيها جذي مع انها كانت سليمه وكنت مجيكه عليها بالطبيب لمن يابوها لي وبس ;) واي سؤال ثاني انا حــاضره <> <> <> أختك بينكي |
رد: عضو جديد لديه بعض الأسئلة!
مشكوره اختي Pink
على الرد الوافي السريع يبدولي انه فيه سواء فهم العمر خمس اسابيع مو شهور وهل ممكن يكون اللي فيها شي ثاني بحكم العمر الصغير ومو ضروري يكون فطريات |
رد: عضو جديد لديه بعض الأسئلة!
اوبس سوري قريتها غلط .. اذا 5 اسابيع هم بعد مناســب او وايــد زين اقتباس:
والله ما أعتــقد ان العمــر له علاقــه .. بس اذا كــانت البقعه خاليه من الشعر .. أكيــد فطريات او يمكن يكون مرض ثاني بس معــدي لان الامراض الجلديه ممكن تكون معديه والتغذيه .. الصغار ياكلون ويت فوود ودراي فود بس تأكد ان يكــون للkittens لكــن الويت فود افضل لهم لانهم صغار وترى الذكر نفس مواصفات قطوتي .. انا قطوتي بيضه وعين خضراء والعين الثانيه زرقاء :) |
رد: عضو جديد لديه بعض الأسئلة!
بالنسبة للعمر مناسب وبالنسبة للتغذية اكيد نظام القط الصغير يختلف عن القط الكبير
وبالنيبة للقط الثاني نصيحة لا تشتري والعمر المناسب للاستحمام اعتقد مثل ما تقول بينك الشهر وما فوق ان شاء الله كون افدتك بشء |
رد: عضو جديد لديه بعض الأسئلة!
اقتباس:
شكرا كثير PINK على سرعة تجاوبك واهتمامك واعتذر عن التأخر في الرد بسبب نقل الموضوع من ادارة المنتدى أخوك عبدالمحسن |
رد: عضو جديد لديه بعض الأسئلة!
اقتباس:
|
| جميع الأوقات بتوقيت GMT +3. الساعة الآن 12:33 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو