|
يرجى الدخول
السلام عليكم ورحمة الله وبركاته
شريت فرخ افريقي وقبل ما اشتريه قلت للريال اني ما اعرف ادربه وقالي انت خله كم يوم عندك و بعدين جيبه لي بدربه شريته وخليته عندي كم يوم عطيته للريال علشان يدربه وصار له 13 يوم عنده قال الريال ان طيرك عنيد ماتدرب عدل اليوم خذيته وابي اخليه على يدي بس مو عارف شلون اخاف ينتفني ابي البس قفاز بس يمكن يخاف من القفازات الاسئلة يخاف من القفازات ولا لا؟ لين ابي اخليه على يدي اول شي اطلعه وبعدين احطه ولا وهو في القفص اسف على الاطالة بس شاسوي |
رد: يرجى الدخول
مبارك عليك الفرخ يا احلى طير
قرات ان الببغاء يخاف من القفازات و الطاقيات وانا ببغائي يخاف حتى من المنديل ... وبالنسبه لسؤالك التاني ... ما عندي خبره كافية انا لحد الان ما قدرت اطلعو على يدي رغم صارلو 5 اشهر عندي |
رد: يرجى الدخول
dede مشكورة على الرد
|
رد: يرجى الدخول
وعليكم السلام ورحمة الله وبركاته
حياك الله اخوي ((((احلى طاير )))) الله يعينك يارب بس انا اشوف انت تدربه وشيل الخوف من قلبك ثاني شي هو فرخ لساعه صغير القفازات يخاف منها طبعا بس انت خلهكم اسبوع حط له الاكل وبس والماء ونضف له القفص ودربه بعدين بالتوفيق اخوي. |
رد: يرجى الدخول
وعليكم السلام ورحمة الله وبركاته انا ماانصحك تستخدم القفاز اولا لانه بيخوفه .. وثانيا اذا تعود على القفاز بتضطر تلبسه كل مره بطلعه اذا للحين ماتدرب وهو برع القفص حطه على يدك احتمال في محاولتك ادخال يدك داخل القفص عشان اطلعه يعضك دامه فرخ مايحتاي قفاز اقره المواضيع الي في المنتدى وايد بتفيدك وبالصبر ان شاءالله بيصير اليف |
رد: يرجى الدخول
فرخ عنيد والعناد صار مع بائع طيور يعني اتوقع اغلب اللي يبيعون الطيور هم اصحاب خبره في الترويض والتدريب سواء كان تدريب إنساني أو تدريب لا إنساني على العموم اخوي احلى طير اذا تقدر تخلي صورة الى الطير اللي شريته من المحل وحاول تكون الصورة واضحه وخاصة العين انتظرك |
رد: يرجى الدخول
السلام عليكم
اخوي احلى طير موجود عندك هنا في الموقع كيفية تدريب الببغاء الرمادي موضوع كامل وممتاز جداً ارجو الرجوع له والقراءة ومن ثم التطبيق وعليك با الصبر . |
رد: يرجى الدخول
وعليكم السلام ورحمة الله وبركاتة بصراحة عن تجربة كل شخص له طريقته الخاصة في تدريب الببغاء مع العلم اسهل تدريب هو طير الببغاء اخوي أحلى طير كلام عاشقة صحيح اترك القفاز ترى بعدين مايطلع على يدك غير بالقفاز تعلم انت كيف تدربة سواء طلوعة على يدك او غيرة خلة يتعود عليك انت وصدقني راح تتعود علية ويتعود عليك طريقتي مع كل الببغاوات : تلف فوطة على يدك ذراعك اليسرى بالكامل ويستحسن لون الفوطة مقارب للون لبسك الحالي . وتحلول تعرض ذراعك امامة من شان يطلع علية سواء كان على الارض او فوق قفصة تحاول تضايقة لكي يطلع فوق يدك وبعد مايطلع حاول تمسح رائسة او لمس منقارة اذا كان يعض <<< هذي الحركة تشغلة بعدم النزول من يدك وبعد ما يعتاد الطلوع على يدك حاول تطلع كف يدك وانزال ذراعك للاسفل وكف يدك للأعلى لأنة يحاول الطلوع للاعلى ليلامس يدك مباشرة وبعدها راح يعتاد بمجرد وضع يدك يضع رجله على يدك مباشرة واهم شي الصبر تحياتي لك |
رد: يرجى الدخول
yooyoo
عاشقة الطيور كاسكو البحرين يعقوب افريقي رحال الشرقية مشكورين على الرد اخوي كاسكو البحرين للاسف ما اعرف شلون اخلي الصورة بس بحاول ادربه بنفسي |
| جميع الأوقات بتوقيت GMT +3. الساعة الآن 10:35 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو