انا حزين و زعلان و كل شي بعد فيني واصل حدي زعل
 

حياكم الله جميعا كيفكم شباب والله وحشتونا وشرهان عليكم شدعوه ماحد سأل 3 شهور

نجي للموضوع

نعم انا حزين غصب عني فرطت في كلبي جاسي بعد تعب وتمرين وخساير وعلاقه اكثر من حميمه وبعد الطاعه لي و لافراد العائله فرطت في جاسي

تولاني جاري الي قبالي وبيني وبينه عرض الشارع يدعي ان كلبي مذيه ( طبعا هذي مبالغه منه ) لانه معانا ولا شفنا منه اي اذيه ...كل يومين ثلاثه يشوفني جاري يسأل مت تشيله ؟

على فكره نعيش في منطقه تقرب من مزارع النخيل .. ودائما موجوده كلاب جعريه مامنهم مضره ابدا .. بالعكس مسويه هيبه في المنطقه جارنا هذا أول ماسكن بيته راح البلديه يطالب بالتخلص من الكلاب >> وتجي البلديه وتسمم الكلاب وصارت مقتله عضيمه جراوه ميتين كبار و صغار ... نجي حق موضوعي اذاني جاري ليمن اهديت كلبي جاسي الى احد الاصدقاء .. واذا ذكرته قلبي يعورني عليه لاني عجزت ماحصلت له مكان ثاني ابدا


[CENTER]هذي صوره جاسي كان صديقي يصوره من نافذة المجلس ( طبعا كان ينبح عليه )


http://img.7m7.org/imgsept2007/fdgsd...3w37764132.jpg

رد: انا حزين و زعلان و كل شي بعد فيني واصل حدي زعل
 

والله شوف انا من ناحيتي .. كل جيراني أذوني .. وأمشي معاهم بالطيبه .. وأحاول أقنعهم انه ما منهم أذيه لهم .. الا اا طمرو بيتنا .. لكن اذا ركب راسه ولازم تشيل الكلب .. كلمتي وحده ..

" أنا احترمت جيرتك وتكلمت معك بأخلاق .. لكن انك تتعدى حدود الأخلاق وتتعدى على حرمتي وممتلكاتي الشخصية .. ما أسمح لك .. كلابي في بيتي .. ولا لهم شغل فيك ولو سمحت مالك شغل فيهم .. وأعلى ما في خيلك اركبه "

طبعا أنا مدرب كلابي انها ما تنابح الا على الغريب بغيابي .. وغير كذا سكتم بكتم .. بلا حس .. يعني أجلس بالأسابيع ما أسمع لهم الا صوت التودد والتلطف .. اللي يجي مثل البحه الخفيفه .. ويوم كانو صغار بعد .. لكن لما كبرو ولا لهم أي ذرة صوت ..

وغير كذا مدربهم على الولاء التام والطاعة العمياء .. والأكل .. ما ياخذونه الا مني انا أو من أمي .. وماخذ احتياط كامل ..

طبعا ما جاء الصيف .. الا وكثرت السرقات بشكل مو طبيعي في الجبيل الصناعية .. كل جيراننا انسرقت بيوتهم .. الا بيتنا عجزو الحرامية .. أو بالأحرى ما فكرو يسرقونه .. يكفيهم البيوت اللي ما فيها كلاب .. المشكلة ان أكثر البيوت اللي انسرقت بيوت فيها أنظمة إنذار ضد السرقات ..

فاااا ما انتصفت الإجازة الصيفية .. الا والجيران واحد واحد يطلبوني من عيال كلابي وبعضهم وصلها معي إلى عشر آلاف على البوبي .. بس وعدتهم خير اذا جاهم عيال .. وطبعا بحاول أوزع من عيالهم بعد ما أخذ نصيبي ..

طبعا في البيت عندي .. ذكر وأنثى جيرمن شيبرد .. هذولا حقيني أنا .. غير جوزين الدوبرمان حقين اخواني اللي أدربهم على الشراسه .. وحاط الدوبرمان في أقفاص ما يطلعون منها الا معي .. والجيرمن مفلوتين بس أربطهم وقت اللي يكون وقت تدريب الدوبرمانز ..

بيني وبينك .. الجيران لهم حق يخافون .. يعني لو طلع واحد من الكلاب وتفلّت على واحد من عيالهم بيروح فيها .. بس بنفس الوقت الواحد اذا ماخذ احتياطه .. ومدرب كلابه تمام .. ما يشيل هم .. الباب والقراج مفتوحين ولا ابن امه كلب يتعدى حدود البيت ..

فاااا نصيحتي لك .. رجع كلبك وامش معه على تدريب صح .. ولا عليك في أحد .. بس الله لا يهينك انقز لوزارة الزراعه .. وخذ تصريح تربية كلاب حراسة .. وما عليك من أحد .. أهم شي تدربهم على التزام الصمت الا في حال وجود غريب بغيابك .. وغياب أهل البيت .. علشان حتى الجيران يعرفون انه فيه أحد غريب ببيتكم .. لأن النباح لو أزعج الجيران .. يحق لهم المطالبة بإزالة الكلب من البيت نظرا لأنه مصدر إزعاج ..

وسع صدرك ورجع كلبك وما عليك من أحد

رد: انا حزين و زعلان و كل شي بعد فيني واصل حدي زعل
 

تم تصغير الصوره


اخوي انا مع كلام الاخ بايثون

شكله بيتكم كبير وما اظنه ياذي احد صج

خذ تصريح من الوزاره وما عليك من حد ورجعه واشتر 3 غيره لو تبي ! وان حبيت دربهم على النباح في اوقات معينه او خذهم مدربين جاهزين

ودام الحكومه وياك ما عليك من حد

رد: انا حزين و زعلان و كل شي بعد فيني واصل حدي زعل
 

بايثون : تسلم ياغالي على الرد والمواساه
لاكن صار اللى صار هديته صديق والهديه ماتسترد ( مع اني رفضت ان ابيعه بأي ثمن ) وانما كتبت هذا الموضوع
لاني اشعر اننا في هذا المنتدى كعائله و حبيت انفس عن الى في خاطري تسلم ومشكور على المرور

رد: انا حزين و زعلان و كل شي بعد فيني واصل حدي زعل
 

والله

قصه تحزن..


لكن انت اخطيت

عالجت الخطا بخطا مثله..

رد: انا حزين و زعلان و كل شي بعد فيني واصل حدي زعل
 

حياك الله يابو راشد بالذات انت والله لك وحشه خبري انك اول الاجازه قلت بتسافر << حمدالله على السلامه >>> ادري متأخره لاكن أعذرني لي يمكن 3 شهور مادخلت المنتدى
كل الموضوع اني حبيت اشكي لكم الحال و بالنسبه لجاسي راح هديه لزميل
وقسم بالله مايعوضني فيه جلاب الدنيا كله .. انا الي اخطيت التصرف ؟ يمكن تقولون اني مجنون على هالكلمه ( أشعر اني فرطت في واحد من عيالي )
مشكور للمرور ... شعرت بالراحه وانا افضفض لكم ... مشكورين

رد: انا حزين و زعلان و كل شي بعد فيني واصل حدي زعل
 

الله يساعدك ويصبرك خوي ومن وين اشتريت جسي ياخوي ارسلي رقم المكان على الخاص وشكرا

رد: انا حزين و زعلان و كل شي بعد فيني واصل حدي زعل
 

خذ راحتك يالطيب احنا هلك واخوانك :)


والله يسلمك ويخليك

والله يعوضك بخير منه انشالله

رد: انا حزين و زعلان و كل شي بعد فيني واصل حدي زعل
 

رد: انا حزين و زعلان و كل شي بعد فيني واصل حدي زعل