|
كم سؤال ارجوو الرد عليهم...;)
السلام عليكم...
اخواني عندي كم سؤال ارجوو الرد عليهم... 1 - فرخ الحمام متى يعتمد على نفسه و يبدأ ياكل بعرق جبينه :)......؟؟؟ 2 - اقدر اهجن الكنج مع الشمسي:eek: !!! ... واذا يصير شلون راح يطلع الفرخ...؟؟؟ 3 - شلون اعرف الحمام الزاجل من الحمام البلدي او اللي يسموونه بغدادي...لان عند واحد اعرفه حمام اعتقد انه زاجل بس ما ادري و هوو ما يعرف بالحمام ومرات يبيع الحمام بــ 3 و 4 دنانير اخاف انه حمام زين وهوو يبيعه برخيييص....؟؟؟ تحياتي.../// |
رد: كم سؤال ارجوو الرد عليهم...;)
اول سؤال عن فرخ الحمام
فرخ الحمام انا عن نفسي اعزله عن ابويه بعد مايكمل الشهر وخمس ايام والفرخ قبل هذا العمر يكون معتمد على نفيه حتى قبل لايكمل الشهر بس وين راح تعزله لان قبل الشهر لو شلته عن ابويه وحطيته في مكان ثاني راح ينظرب من الحمام وينجرح ويمكن يموت فأحسن حل أنك بعد الشهر او شهر وخمس ايام تعزل الفرخ في مكان بروحه يعني يكون عندك مكان لعزل لفرووخ تجمع لفروخ اللي عندك وتحطهم مع بعض واذا كمل الشهرين او حتى قبل شهر وثلاث اسابيع خلاص تقدر تحطه في مكان فيه حمام وايد ----------------------------------------------------------------------- اما الكنق والشمسي ماظن منه فايده شلي راح تستفيد منه؟؟؟؟ نفرض النثيه شمسي والذكر كنق اول شي الانتاج اللي بيطلع اول مره بيكون مزيج 50% شمسي 50% كنق (صفات الفرخ المنتج) بعدها لو رديت لفروخ بعد البلوغ الفرخ الذكر للامه انتاجهم بيكون 75% شمسي 25% كنق ( صفات الفرخ المنتج) في هذي الحاله لانتاج راح ياخذ ذيل الشمسي وحجم الكنق ويطلع شكله غلط انا قبل فتره كانت لي تجربه شمسي وصفاقي والانتاج طلع عندي صفاقي بحجم كبير مع طول فالذيل بس بعد مب حلو وقت الانتاج لفصيله جديده تاخذ قاعده سهله اللون تاخذه من الذكر والنوع من النثيه يعني اذا تبغي اول شي لازم تهجن النوعين مع بعض وبعدها ترجع لفروخ الذكر للام للنوع والفرخ الاناثي للاب لتصفيت اللون وهذي الطريقه بتاخذ وقت طويل طويل طويل...............هذا على حد علمي ---------------------------------------------------------------------------------------------------- اما عن سؤال الزاجل بصراحه الزاجل انا عن نفسي مو من هواة الزاجل نهائيا نا معتمد على الزاجل لتحضين البيض لااكثر ولا اقل بس الزاجل ماظن تغلط فيه الا اذا كان هجين اللي اسعاره رخيصه وبعد ينعرف تقدر تعرف الزاجل من المنقار \ العين \ الجسم \ شكل الراس أشياء كثيره تقدر تعلمك اذا هو زاجل ولا لا وحتى لو كان هجين مع حمام احنى في قطر نسميه العادي((العوادي)) تقدر تعرفه واتمنى من هذي النحايه عن الزواجل الشباب اللي يحبون الزاجل يفيدونك لان انا مالي في هانوع اتمنى انى جاوبتك واتمنى هذا اللي كنت تقصده في رساله اللي فالخاص ............ تحياتي |
رد: كم سؤال ارجوو الرد عليهم...;)
يعطيك العافية قطري على الرد المفصل...
كفيت و وفيت ... تحياتي لك .../// |
رد: كم سؤال ارجوو الرد عليهم...;)
تسلم اخوي قطري على الأجوبه المفيده |
رد: كم سؤال ارجوو الرد عليهم...;)
مشكووور اخووي تاكوو على المرور...
تحياتي.../// |
رد: كم سؤال ارجوو الرد عليهم...;)
سلام عليكم ورحمة الله وبركاته
اخوي بالنسبه لتهجين الحمام مو اي شخص يتقن التهجين لأن التهجين بدون سنع مايجيب لك الا حمام ينطق عليه مشروك او مخلوط الرس يعني يحمل ميزات من كلا النوعين بس التهجين يبي له شخص خبير ومتمكن والتهجين يستخدمونه اهل الحمام المتمرسين لانتاج ألوان غير موجوده وغالية الثمن ومنها لون الرديوس وبالنسبه للفرخ انا عن نفسي اشوف جناح الفرخ من تحت اذا تغطى بالريش اشيله ويا اخ قطري يعطيك العافيه بس فيه حمام من يكبر فرخه شوي يقوم بضربه ولازم تشيله عنه وانت عارف بالمواضيع هاذي وشكرا |
رد: كم سؤال ارجوو الرد عليهم...;)
مشكوور على المرور...
تحياتي.../// |
| جميع الأوقات بتوقيت GMT +3. الساعة الآن 10:15 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو