|
اخواني الخبره الموضوع مدعم بالصوربخصوص العمر وتدريبي الخاص
السلام عليكم ورحمة الله وبركاته
اخواني اعضاء المنتدى والخبراء انا شريت كاسكو واشك في عمره لانه يقول صاحب المحل الي شاري منه الكاسكو عمر الكاسكو هو من 8 اشهر الى سنه وانا اتوقع اكبر من كذا اتوقع فوق السنتين وعندي كم سؤال طريقة تقريض اظافر الكاسكو اشلون لانا شالخني الحين لو اشرب ماء اتشوفون ايدي اتخر ماء في كل مكان خرم في ايدي كل هذا علشان اعلمه اشلون يصعد على الايد بس يتعلم يتعلم بطيب بالقوه راح يتعلم بس ان شاء الله راح يكون في الطيب وانا حاليا ادربه بطريقة العصاتين بعد ما يتعب الكاسكو من التدريب والهواش معاي طبعا اطلع انا في اصابات خطيره ونزيف حاد من الاظافر طبعا عض خفيف مقدور عليه لما اجي اعطيه مكافأه اتحصلونه امطنقر علينا وزعلان ورافع خشمه ولا ياكل ياخذ الاكل ويحذفه هذا وانا مفروض ازعل عليه عموما يمون كاسكو الشاهد الطير ما صار له عندي تقريبا اسبوع والعمر بينا ان شاء الله اذا ربي احياني واحياه هذي صورة العين يا ليت اعرف كم عمره تقريبا لانا صاحب المحل يقول 8 اشهر الى سنه بس انا شاك في كلامه بعد ان قريت كثير من المواضيع الي تتكلم عن العمر http://www.up4vip.com/up/uploads/3349db6cf4.jpg وهذي صوره ثانيه للعين http://www.up4vip.com/up/uploads/8a431f853f.jpg وهذي صورة كاسكو طبعا والعلاقه في تحسن وامخليني امسح على صدره طبعا في الحيله اقدر امسح على ظهره وراسه بس بعدين يحط رجله في الزاويه عموما انا اقدر امسح عليه http://www.up4vip.com/up/uploads/8ee58ae7d2.jpg وهذي صورة كاسكو وانا امعلمه اشلون يسلم http://www.up4vip.com/up/uploads/561810b5dc.jpg وطبعا هذي مكافأه حب دوار الشمس المفضل له والي بعد ما ياكل غيره http://www.up4vip.com/up/uploads/793236c9f0.jpg في الاخير قولوا ما شاء الله واذكروا الله وادعولنا علشان تستمر العلاقه في تحسن |
رد: اخواني الخبره الموضوع مدعم بالصوربخصوص العمر وتدريبي الخاص
الطير اتوقع انا جانبو واتوقع انه نايجيري
<=== ما افرق بين النيجيري وغيره بس النيجيري هو الجانبو اذا ماني غلطان احد يصحح لي معلومتي طبعا ذيله امر بس طايح الحين وقاعد ينبت |
رد: اخواني الخبره الموضوع مدعم بالصوربخصوص العمر وتدريبي الخاص
اتصدق يا zeero لو قرأت المواضيع المثبتة بإتقان جان ما سألت هذه الأسئلة :p عموماً الأجوبة راح تلقاها في المواضيع المثبتة كونك اول مره تربي كاسكو بخصوص الصور للأسف مو واضحه ومانقدر نخمن العمر التقريبي وعن الفترة اللي قضاها معاك الطير هي اسبوع واحد وهي فترة جداً جداً قصيرة :cool: انا اجوف الصور فيها لقطات ممتازة وهي تقدر انك تمسح على الطير بدون عناد وتقدر توكل الطير من يدك وهو يقبل ، فهذه حالياً للمدة القليلة اللي صار معاك انا اتوقع انه طير جيد بس محتاج وقت وصبر منك عشان يقدر يتأقلم بالبيئة الجديدة لاتحاول تسوي الحين اي شي بنفسك ودائماً كبداية التربية استعين بالخبراء ولا تستهين ابداً فمثلاً قص الاظافر انا ما انصحك انك تقوم بالعمل هذا ابنفسك ودع القص لخبير لانه في عدم وجود الخبره ستواجه مشاكل وخطورة للطير وأقل خطر >>>>>> نزيف في الظفر ، لانه في الظهر بعد الظفر الصلب يوجد مجرى للدم والخطورة هي انك تصل الى هذا المجرى وكما في الصورة وهي تبين لنا مجرى الدم http://www.pusup.com/uploads/930eb13dce.png وعن التدريب الحالي انا افضل تصبر على الطير شهر لحد التأقلم الاول بعدين تبلش تبتدي في التدريب ، و واصل على طريقة العصاتين وتجنب اي عصبية في التدريب وحتى الصراخ له أثر سلبي فقط اكتف بكلمة (فوق) وانت تدرب الطير وإياك وستخدام الضرب او العتف لانك محاسب عند الله قبل كل شي وانت بعيد عن هذه الاشيااء يا اخ زيرو فهذا مجرد تذكير فقط وتفضل هذه صورة كاسكو هدية مني لك :D http://www.pusup.com/uploads/3f398c7071.jpg واي سؤال حياك الله اسأل |
رد: اخواني الخبره الموضوع مدعم بالصوربخصوص العمر وتدريبي الخاص
بيض الله وجهك يا اخوي كاسكو البحرين
والله اني قريت اغلب المواضيع وصلت الى الصفحه 21 من هذا القسم هههههههههههه لاكن انا الي اشوفه انا عمر الكاسكو متعدي السنتين لانه في عيونه اصفر وابيض ووالله اعتفست كأني ما ابي اصدق نفسي انه اللون الي اشوفه اصفر بس ابيض وانا ادري اذا اللون فيه الاصفر معناته متعدي السنتين عموما انا مريت السوق ولقيت اثنين يسولفون ويقول صاحب الملحل حق رفيقه الي معاه يقول اذا الطير في عينه لون اصفر معناته كبير وصعب جدا يتكلم الي تبيه وهذا من تجربه وخبره طبعا هذا كلام صاحب المحل انا كأني ما ادري طلعت من المحل عموووما بيض الله وجهك بخصوص قص اظافر الكاسكو انا راح اودي الى صاحب المحل الي انا شاريه لانا اليوم يقولي جيبه لي انا اقص الظفر وهو نفس كلامك يقول دربالك يمكن ينزف الطير الله يعطيك العافيه انا من ناحيتي بوقف التدريب وبستمر على المسح والكلام معاه واكله في ايدي وانا تراني امخلي الطير على طول في الاستاند واذا حب ياكل هو ينزل تحت ياكل ويشرب الماء في واحد نصحني يقول في الليل دخله داخل القفص وغط القفص وخله ياخذ رلاكس ونوم عميق لانا في الصاله دايم في حركه يا ليت تعطيني رايك السموحه اذا في بدليات في الكلام ما لي خلق اراجع ورا الكلام الي انا كتبته :) |
رد: اخواني الخبره الموضوع مدعم بالصوربخصوص العمر وتدريبي الخاص
مثل ما قلت لك خوي الصور مو واضحه تمام :rolleyes: بس صحيح العين اللي وصلت الى مرحلة الاصفرار هذا طير كبير في السن ومو مستحيل يتكلم ويتعلم ولكن صعب ، لانه خلاص وصل الى مرحلة العناد فأفضل عمر للطيور للتربية من عمر 5-9 شهور هذا عمر جداً مناسب ففي هذا العمر الطير يكون يتقبل التدريب ويستجيب الى التدريبات بكل سهوله ;) عموماً هذه صورة تستطيع تقارن بينها وبين عين طيرك وهذه صورة الى الاخ أستاذ الرمادي ، صورة جداً ممتازة تبين الافضلية للتربية الكاسكو في العمر إحفظ الصورة وبعدها كبر في الصورة وقم بالقراءة مع مشاهدة لون العين http://www.pusup.com/uploads/f49dead376.jpg وعن موضوع نوم الطير اكيد كلام صاحبك صحيح الطير ياخذ راحته في النوم في القفص افضل من المجثم (ستاند) والنوم يكون 11-12 ساعة وفي الظلام الدامس وبعيد عن اي إزعاج وعلى فكرة اغلب المربين ما يهتمون الى صحة نوم الطير ولكن هي نقطة مهمة لرتياح الطير مع المربي نفسياً فهتم بذالك |
رد: اخواني الخبره الموضوع مدعم بالصوربخصوص العمر وتدريبي الخاص
الله يجزاك خير
وما قصرت والله اني اتعبتك معاي والظاهر راح ارد الطير اليى صاحب المحل صحيح حبيته بس يا خوي انا انظر الى بعدين الطير عينه صفره معناته مراح يتكلم بسرعه ويمكن مراح يتكلم حلني اجني طير عينه رماديه افضلي |
| جميع الأوقات بتوقيت GMT +3. الساعة الآن 02:51 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو