منتديات تو زوو - ياريت تساعدونى قطتى مش بتعمل حمام؟؟

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - ياريت تساعدونى قطتى مش بتعمل حمام؟؟ (http://www.2zoo.com/vb/showthread.php?t=37371)

champoo

26-08-2007 09:28 AM

ياريت تساعدونى قطتى مش بتعمل حمام؟؟

انا عندى قطة شيرازى عمرها 45 يوم لسه واخدها من واحد صاحبى من يومين و جيبتلها رمل و مش عايز تعمل كل ما احطها على الرمل تسيبو و تمشى و سألت صاحبها قالى اساسا وقت لما كانت بترضع ماكنتش بتعمل حمام و هى بطلت رضاعة و بقيت بتاكل عادى و برضة مش عايزة تعمل اعملها ايه طيب؟؟؟؟ هى على قد ملاحظتى ليها ما عملتش حمام بس و بتاكل كويس جداً قطعتلها فراخ كلت و حطتلها حبة رز اكلتهم و بتشرب لبن و القطة طبيعية جدا و شقية بس هى بتناام كتيير يمكن علشان هى لسة صغيرة بس لما بتبقى صاحية بتبقى شقية و بتلعب معايا عادى

kholio

26-08-2007 09:51 AM

رد: ياريت تساعدونى قطتى مش بتعمل حمام؟؟

اخوي شامبو لما تلاقيها تشمشم في الارض او تخربش فيها وديها الرمل و اكيد القطة بتعمل في حتة مدارية في البيت فشوف كده لو ما لقتش حاجة يبقى استشير البيطري:D

القطة المشمشية

27-08-2007 05:11 AM

رد: ياريت تساعدونى قطتى مش بتعمل حمام؟؟

أسأل البيطرى

و أنا مع خوليو ممكن تكون بتعمل تواليت فى حتة مستخبية

nora_osama

24-09-2007 01:22 AM

رد: ياريت تساعدونى قطتى مش بتعمل حمام؟؟

اييييييييييييييوه اكيد بتعمل في حته مستخبيه اسالني انا ده انا طلع عيني في الاول كده وكنت فاكره زييك لحد ما كتشفت الجريمه الشنعاء وهي انها كانت بتعمل في الجزامه بتاعه جزم اخويا, طبعا شلتهم ونظفت مكانهم وحطيت فلفل اسود في المكان ده ومع التدريب خلاص والحمدلله بقيت تروح المكان اللي انا حطلها فيه الرمل
ما تقلقش هي مساله وقت :)

جميع الأوقات بتوقيت GMT +3. الساعة الآن 11:12 AM.