هل درتي جاهزه للتزاوج والانتاج((يوجد صور))
 

‏السلام عليكم ورحمة الله وبركاته

‏كيفكم أعضاء المنتدى:freind:

عندي انثى دره ..
بالغه .. ولكن لا اعلم عمرها بالضبط

عندها ضحكه ووغوغه كلام بس مافي شي مفهوم الى الان
ماشالله الله يباركلي فيها تجي وتجلس عالسفره ونشيطه
وتنام ع كتفي تحب المسح عالراس تموت عليه ههههه:D
عكس اثنين دره عندي :12:
والاحظ تحرك ذيلها يمين ويسار ولا اعلم المقصد من هذي الحركه

وفكرت اجيب دره هولنديه صفرا لانتاج فروخ خضرا وصفرا
ولكن اخاف عدم تزاوجها مع الذكر :shy:

اعذروني ع الصور ماخلتني اصور زين هالصورتين من عشرين صوره
لانها تسحب الجوال :cool:

[img=http://imagizer.imageshack.com/img907/8025/A6fgX0.jpg]


http://imagizer.imageshack.com/img907/8584/xnrrFG.jpg


ردو علينا ي اصحاب الدره ☺

رد: هل درتي جاهزه للتزاوج والانتاج((يوجد صور))
 

��امس رحت عشن نشتري الدره الصفرا ولكن صدمني سعرها
معروضه للبيع 1400 للفرد وليس الزوج..
هل تستاهل طبعا مو اليف ..

رد: هل درتي جاهزه للتزاوج والانتاج((يوجد صور))
 

موب اليف لا ما تستاهل

الدره الهولنديه زرقاء او بيضاء او صفراء او رصاصي
اسعارهم ١٠٠٠ الى ١٢٠٠ طبعاً اذا كانت اليفه
من الممكن تاصل ١٤٠٠ اذا كانت اليفه ومتكلمة

رد: هل درتي جاهزه للتزاوج والانتاج((يوجد صور))
 

لا ي عزيزي مواليفه وحاطهم ازواج
بس حصلت بمحل ثاني الدره الازرق ع 600و450
عشن كذا انصدمت بسعر الاصفر والابيض
والله ((الاهدل))نصاب :12:

رد: هل درتي جاهزه للتزاوج والانتاج((يوجد صور))
 

لا مو هذه اسعارها

لكن مع الأسف بعض اصحاب المحلات او الهاوين يستغل ندرة وجود طيور الدره الصفرا او البيضاء او أي لون اخر بالسوق
فيرفع سعرها لأعلى مبلغ , لأن عارف الناس ما راح تحصل هاللون الا عنده

لان حصلت بعض المواسم كنت انزل السوق احصل طيور دره لونها ابيض او اصفر بشكل كبير ومكدس بالسوق واسعارها على 500 ريال واقل بشوي

وبعدها بفتره 6 شهور نزلت السوق شفت مافي ولا طير واحد لونه اصفر او ابيض
وما حصلت الا شخص هاوي عارض دره صفرا ب 1500 ريال

فالموضوع فيه احتكار واستغلال

رد: هل درتي جاهزه للتزاوج والانتاج((يوجد صور))
 

صحيح يعني في استغلال كبير من التجار وضحك عالناس

انا زوج اخضر هندي محلصته ب 1200😂 ابو هنود يلعب علينا

رد: هل درتي جاهزه للتزاوج والانتاج((يوجد صور))
 

انا عن نفسي ما اشتري دره فوق 500 مهما كان لونها لو برتقالي :)
اذكر مره قبل فتره ممكن ثلاث سنين كان عند اخوي هولندي لونه مميز ازرق خفيف قريب من الأبيض
اذكر بعتها حدود 700 ومستانس انها جابت هالقيمه

وبالنهايه كل واحد ورغبته وهوايته عن نفسي ازود 1000 او اقل واخذ افريقي على الأقل يتكلم ويقلد أي شيء
اما الدره اطلق دره كلامها محدود كلمه او كلمتين ومو واضح الصوت

رد: هل درتي جاهزه للتزاوج والانتاج((يوجد صور))
 

هههههههههههههه
الله يبارك للبايع والشاري
والله الكاسكو مواصفاته حلوه من ناحيه الكلام وتعلقه بصاحبه

ولكن ع ماذكر ان صحته ومناعته ضعيفه واذا اهمله صاحبه نتف ريشه

يعني اتخيل اسافر وارجع احصل الطير ناتف عمره 😝

وغير كذا لونها ماشدني مره

الدره نفسييه 😕 شويه تمام وشويه تقلب عليك
بس الوانها جذابه صراحه وحجمها حلو بالنسبه لي طبعا

يعجبني المكاو بس منقارهه يخووف 😂 وحجمه يو كبير

رد: هل درتي جاهزه للتزاوج والانتاج((يوجد صور))
 

بالعكس الافريقي مناعته قويه جداً انا اخوك اربي طيور بالذات الافريقي من فتره طويله جداً جداً
والحين عندنا أربعة طيور 3 افريقي و امازوني
واحيان تجي طيورر اكثر
ومن ناحية نتف الريش عادي فتره وتروح
تصدق عمي كان عنده افريقي جلس معه اكثر من 30 سنه لكن بالفتره الاخيره اهمله شوي ومات

الدره هذي للامانه ما هضمتها ومع انه جت عندنا كثير منها اخوي الصغير كان يشتريها وما تجلس أسبوع الا وباعها يارجل اولفها وتصير حمامه احطها بالقفص ثاني يوم تعض و تنحاش !!
ولا شكل ولا ولافه ولا كلام ولا تصفير واحس ان النوع هذا بسرعه ينسى (ماله صاحب) هههه
انا عن نفسي ما ارغب هذا النوع
وكل شخص ورغبته

رد: هل درتي جاهزه للتزاوج والانتاج((يوجد صور))
 

لا والله اللي عندي ماشالله صح تجيه نفسييه ههههه

بس يجي من نفسه ويجلس عالسفره معانا والقهوه

والجوال يسحبه ملقوف هههههه ماشالله

هو من ناحيه الهدد محد يأمنه يعني لو طلعته معاك برى وراح مارح يرجع

واللي عندي ملصق جناحه 😁 والله ما أأمنه

ان شالله مستقبلا نجيب امزوني واذا زي ما تقول الافريقي مناعته ممتازه

رح نعيد النظر في موضوعه

بس هاه نتعلم في هذي ونخمبق