|
راح أدخل في عالم البادجي
السلام عليكم ورحمة الله وبركاته
انا ان شاء الله راح اشتري جوز من البادجي وعندي بعص الاسإله قبل لا اروح وأشتريهم سؤالي الأول متى يجي موسم البادجي وأيش الألوان اللي يفضل اشتريهم مع بعض وكم اسعارهم في السوق (اذا كان ممكن) وكيف انتج منهم(للعلم اني بأبدء بجوز واحد) هل يمكن الانتاج في المجلس (عند الناس) وكيف اختار جوز صحي (مش مريض) بس طولت عليكم عارف 😳 بس ما أبي ابدء و أنكب هذى اللي اقدر اني أنكب أوه صح (نسيت أذكر أن كان عندي روز (طيور حب) وكانت الأنثى تبيض كثير وبشكل غير مرتب و ماحصلت فروخ وماتت الأنثى وهي تبيض وكان هذا كله في المجلس أو عند الناس وماهي أليفة) أي نصائح اخرى و السلام عليكم |
رد: راح أدخل في عالم البادجي
اقتباس:
|
رد: راح أدخل في عالم البادجي
وعليكم السلام ورحمة الله وبركاته
سؤالك الأول ممكن يكون قصدك وقت تزاوج البادجي ؟ وممكن يكون متى تكون طيور البادجي متوفرة في السوق بكثرة ؟ لوقصدك وقت تزاوج البادجي جاوبك الأخ كابوس أما لوقصدك متى تقدر تحصل على طيور البادجي طيور البادجي على طول متوفرة في السوق وبألوان وأشكال مختلفة وبخصوص سؤالك عن السعر يختلف من محل لمحل ومن جهوزية ولو بادجي عادي ، إنجليزي ، الألبينو أو الأتيني ..إلخ تبدأ الأسعار للعادي الواحد من 75 ريال ولو عادي جاهز الواحد 200 ريال الإنجليزي مثلاً الزوج 400 ريال دي أسعار المحلات بس لوتروح لسوق الطيور أحسن حتلقى خيارات أكتر وأحلى وبسعر مخفض بعكس المحلات قفص أو قفصين طيور بادجي والعدد قليل ماحيكون عندك خيارات وأما سؤالك عن التربية والإنتاج في المجلس وعند الناس طبعاً لا لأسباب كتيرة منها الضيوف والحركة الكتيرة تزعج الطيور كمان ممكن يكون معاهم أطفال ويلعبوا في الطيور ودي تخلي الطيور في قلق وتوتر ودام تبغى إنتاج إبعدهم عن الحركة والإزعاج والمجلس طبيعي يكون فيه تكييف ودا سبب لمرض الطيور بالبرد والإسهال وبخصوص سؤالك كيف تعرف البادجي المريض زي ماقال الأخ كابوس وأضيف عليها ريشة الديل تكون موجودة ومافي إصابات على الطائر مايكون في أرضية القفص الريش يكون منتظم ومرتب مافي فضلات لاصقه في الطائر ولا يكون يرجف الكير المنطقة اللي فيها فتحات الأنف مايكون عليها فطريات ولا فيها إفرازات وتأكد من معرفتك بطريقة التفريق بين الجنسين عشان ماتشتري نفس الجنس لقلة الخبرة الكير يحدد جنس الطائر عندك الإناث أبيض ، أبيض مشوب بسماوي ، بيج ، بني الدكور زهري ، بنفسجي ، أزرق |
رد: راح أدخل في عالم البادجي
اذكرو الله
|
| جميع الأوقات بتوقيت GMT +3. الساعة الآن 07:34 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو