|
النجدة سأفقد طيري لو استمر يهرش
السلام عليكم ورحمة الله
طيري الجميل كرواني الأليف صار له سنة ونص عندي عمره ماعانا من أي مرض بفضل الله ثم بفضل عنياتي فيه قبل شهر جبت له أنثى ويامن شراله من حلاله علة :( من حطيتها معه بالقفص صار طيري يهرش نفسه لمرحلة توصل للعض والدم يمكن فيه قمل :( صار يدور حول نفسه من الحك والهرش كأنه فيه جرب المسكين رحت البيطري عطاني فيتامين و رشاش سبراي و بخيته فيه عدة أيام وعزلته عن الطير الثاني ونظفت الطير الثاني مثله ونظفت القفص بديتول مانفع وغيرت القفص المرة الثانية ويوميا انظف القفص وكل معداته من مشربة ومعالف وأرش عليه البخاخ اطلعه بالشمس يوميا وأروشه ومانفع مايزال يهرش بقوه ولا فيه أي تحسن ملحوظ ملاحظة : الطير يغرد ويتكلم ويأكل ولله الحمد ماتغير في سلوكه شي غير الهرش الحقوني أخاف يظل على هذه الحالة ويقرب أجله وأفقده افيدوني وش اسوي عشان ترجع لطيري عافيته :confused: علما إن الحالة صار لها شهر الآن و ماخليت شي ماسويته حتى الخل حطيته بالبخاخ ونظفته فيه وطبعا بعد ماينشف أرجع انظفه في مويا |
رد: النجدة سأفقد طيري لو استمر يهرش
هل البيطري شاف الطير او اعطاك العلاج على وصفك للحالة ؟ |
رد: النجدة سأفقد طيري لو استمر يهرش
..~|| الطيور لها حاله نفسيه نفس البشر ||~..
..~|| كان عندي درة ربيتها مع كوكاتيل وللاسف طار الكوكاتيل ! الدره صار ينتف ف ريشه لدرجه الصلع التام وما نفع معاه اي حل مع اني اخذت بدل الكروان 10 .، وللعلم شريت للدره ذكر وما كان يتوالف ||~.. ..~|| اعتقد والله اعلم ان حاله نفسيه .. اتمنى له الشفاء منها ||~.. ..~|| لو تبيعي الانثى يكون افضل يمكن يرجع لوضعه الطبيعي ||~.. |
رد: النجدة سأفقد طيري لو استمر يهرش
روميل ...البيطري أعطاني علاج وصفا للحاله وماشاف الطير
رأيك آخذه له يكشف عليه ؟ عاشق الحمام الأنثى كانت فرخ مو بالغة وكان واضح جدا عليها ومادري إذا كانت أنثى أو لا مجرد توقع ع كلام صاحبتها رجعت لصاحبتها من فترة اسبوعين وهو مازال يهرش توقيت هرشه بدأ بعد ماجبت الأنثى عنده بأيام لذلك أنا شاكة إنها السبب والطير يحك جلده بس ماينتف ريشه |
رد: النجدة سأفقد طيري لو استمر يهرش
نسيت أقولكم أوقات الطير يكون يلعب أو يغرد وفجأة بدون مقدمات يصرخ بعدين يهرش بقوة
أنا خايفة يكون فيه مرض خطير أو حشرة تأكل جلده |
رد: النجدة سأفقد طيري لو استمر يهرش
وكمان مافي مكان محدد يهرش كل جسمه حتى الأرجل
الظهر والبطن والرقبة والجناح وكل مايقدر يوصل له بمنقاره يهرشه ورأسه يقربه لي عشان اكمل المهمة <<< كاسر خاطري بقوووة :( |
رد: النجدة سأفقد طيري لو استمر يهرش
..~|| بما ان الطبيب ما شاف حالة الطير العلاج ما بيكون دقيق .. لو تودينه ويوشفه ويفحص ريشه لان يمكن يكون شي من القمل او شي صاير له ||~..
..~|| على وصفك لحالة الطير يبين ان يكون وضعه مستقر ولمجرد قرصه من شي ف جسمه تخلي حالته تتغير ويبدأ بالهرش ||~.. |
رد: النجدة سأفقد طيري لو استمر يهرش
اليوم أخذت الطير للبيطري فحصه وقال مافيه قمل
وقال احتمال حساسية من الهرش يوم جاه قمل الشهر الماضي وقالي استمر ع الفيتامين حاليا وأحطه بالشمس الصباح أو آخر العصر |
رد: النجدة سأفقد طيري لو استمر يهرش
..~|| مالي كلام فوق كلام المختص ف هذا المجال ||~..
..~|| اصبري وشوفي النتيجه ،، الله يشفيه من المرض ||~.. ..~|| لو استمر على هذي الحاله .، شوفي بيطري ثاني يفحصه ||~.. |
| جميع الأوقات بتوقيت GMT +3. الساعة الآن 11:07 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو