|
مشكلة الدره هندي لايتكلم ولايصفر .. الحل بالله
سﻵم عليكم ي أخوان
كيف حالكم ؟ بدخل في الموضوع دوغري:o المهم قبل اسبوع اشتريت دره هندي ب 650 ريال ... انا على بالي يتكلم ويصفر .. لاكن العكس صحيح لايتكلم ولا يصفر ... معن اشوف مقاطع كثيره له في اليوتيوب يصفر ويتكلم ... ايش المشكله بالله ؟ الي عندي ذكر |
رد: مشكلة الدره هندي لايتكلم ولايصفر .. الحل بالله
اقتباس:
مبروك عليك الطير اخوي ويتربى ف عزك يارب انت سمعته يتكلم ويصفر ف المحل؟ ولا قصدك شفت طيور ثانيه ف اليوتيوب واشتريته لانه يشبههن؟ طيرك أليف؟ انت اشتريته عشان السعر مناسبك؟ ولا لانك تريد هالنوع بالضبط؟ ولا تريد طير يتكلم؟ الخلاصه: الدره الهندي من الطيور العنيده صعب تعلمه وهو كبير ومن كلامك ان طيرك بالغ والدره معظمها تعطيك كم كلمه بس وطبعا لكل قاعده شذوذ وطيرك اذا ماهو اليف ف السعر مبالغ فيه جدا بالنسبه لي ممكن اهل السعوديه يفيدوك ف السعر واذا كان اليف ويتكلم ف المحل ترا الطير خايف كل شي تغير عليه المكان وصاحبه اصبر عليه شوي ت يتعود عليك وعلى المكان... بالتوفيق |
رد: مشكلة الدره هندي لايتكلم ولايصفر .. الحل بالله
اقتباس:
انا اشتريته عاجبني من مقاطعه في اليوتيوب ... على فكره تراي جديد على الببغاء السوق مليان منه فاشتريته حتى شكله عاجبني ... الطير م يتكلم :( |
رد: مشكلة الدره هندي لايتكلم ولايصفر .. الحل بالله
اتركه كم يوم يتعود على المكان الجديد وإن شاء الله تسمعه يتكلم
ولو ماتكلم علمه لأن مادام تربية إن شاء الله ماراح يصعب عليه الكلام ولكن يحتاج صبر وطولة بال |
رد: مشكلة الدره هندي لايتكلم ولايصفر .. الحل بالله
اقتباس:
|
رد: مشكلة الدره هندي لايتكلم ولايصفر .. الحل بالله
دامك شاريه يديد شي طبيعي انه يسكت ومايتكلم
لازمله مدة يتأقلم فيها ع البيئة اليديدة .. تطول من اسبوعين الى شهر .. وبعدين بيبدأ بالتصفير والغناء اما الكلام فحسب !! لو راعيه معلمنه من قبل .. فراح يتكلم .. اما لو الطير اساسا ماكان يتكلم فماراح يتكلم والدرة من الطيور اللي ماتتعلم الا وهي صغيرة دمت |
رد: مشكلة الدره هندي لايتكلم ولايصفر .. الحل بالله
والله عندي قرب يكمل شهر وماسمعت كلمه منه ... بالنسبه للتعليم كل يوم اشغله مقاطع تغريد دره بس مو معطيني وجه !!
|
رد: مشكلة الدره هندي لايتكلم ولايصفر .. الحل بالله
اخوي الدره عنييييييييد انت تريد طير يتكلم خذلك كاسكو ولا امازوني بس اذا جديد ف سالفه الفروخ خذلك طير قريب السنه شرط الكلام والولافه بالنسبه للكاسكو
حتى لو مش اليفات يتكلمن بس ماتقدر تعودهن عليك بسهوله والدره لو تاخذ فرخ احسن لك مناعته حلوه احسن من الكاسكو بكثييييير تدربه من البدايه ع الكلام والاصوات والحركات او اصبر ع طيرك والصبر مع الدره ماهو يوم يومين ولا اسبوع اسبوعين انت متاكد ان الطير اللي معك هو نفسه اللي شفته باليوتيوب؟ |
رد: مشكلة الدره هندي لايتكلم ولايصفر .. الحل بالله
اقتباس:
.. ring necked parakeet .. وشوف الأخضر المطوق نفس الي عندي بالضبط |
رد: مشكلة الدره هندي لايتكلم ولايصفر .. الحل بالله
اعرفهن اخوي ربيت منهن فروخ وطيور بالغه
انا عن نفسي احب اذا باخذ طير مثلا يكون فرخ عشان يتعود علي وعلى روتيني ف البيت واتعود ع الفرخ وطبعه وتقدر تتحكم به عن طريق الاكل الطير الكبير حتى لوكان اليف ومتكلم لما يجي ع مكان جديد لازم يكون فيه خوف وكل الاسباب اللي خلتك تتحمس للطير ف البدايه وتشتريه من حركات وكلام وولافه كلها راح تختفي ف البدايه لان كل شي تغير عليه ف يخاف الطير بس مع الوقت راح يتطمن ويرجل مثل اول وخوف الطير لما يجي ع مكان جديد وسكوته يخلي صاحب الطير يصيب بالإحباط وطبعا مش كل الطيور نفس الشي منها حتى لو تغير عليها كل شي مايجيها خوف تبقى ع نفس الحركات والكلام السالفه انها طيور ذكيه وتفهم وكل شي جديدة عليها يخوفها بس الفروخ يحتاجو اهتمام واااجد وصبر كلما كان اصغر كلما اعتمد عليك اكثر واحتاج عنايه ووقت اكثر اذا بتاخذ فرخ خذلك طير اقل من السنه واكبر من 6 شهور خاصه بالنسبه للكاسكو اما الدره ممكن حتى تاخذ طير عمره ايام اهم شي اهتم بالتدفئه والتغذيه |
| جميع الأوقات بتوقيت GMT +3. الساعة الآن 01:16 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو