|
تكفون يا اخوان مساعدتكم
السلام عليكم ورحمة الله وبركاته يعطيكم العافيه اخواني واخواتي وكل عام وانتم بخير ومن تحبون عندي مشكلة بسيطه مع بغبغاء كوكاتو سلفر : اشتريت الطير يوم الخميس اول يومم برمضان يوم رحت اخذته من عند راعيه شلتته ودلعته ومسحت ع راسه وظهره وكل شي كان تمام اخذته من جده ومشيت فيه ع مكه وثاني يوم يومني قمت جيت امسكه هرب مني من القفص وراح لاخر الغرفه رحتله وطلع على يددي يوم جيت ابدلعه وامسكه من راسه واحس عليه ما قبلنيي وكل ماقربت يدي الثانية منه صار يطير بعيد او يطلع ع كتفي يحال يهرب منها وثاني يوم كتبت عن مشكلتي بقوقل الاطلعلي منتداكم وبالتحديد موضوع اخوي حمزه سكر قرات موضوع عن الترويض انه لازم اشيل الاكل من عند الطير لمدة اسبوع واجلس اكله بنفسي وصرت اكله بنفسي اليوم اليوم الثالث ولا فيه تحسن بس يهرب مني مع العلم انه مع اخواني زي الحلاوه يلعبوه ويدلعوه ويقبل معاهم الا انا فصرت اقولهم لاتتدعلوه خوفوه لاجاكم وبرضه يهرب مني والمشكله هذي كانت مع رراعيه القديم كان يهرب منه ويتقبل اي احد غيره . ادري طولت عليكم لكن والله اني مقهور وابي منكم تساعدوني وتوقفوا معاي وراح اكون ممنون لكم من القلب |
رد: تكفون يا اخوان مساعدتكم
غريبه مشكلتك
على كذا لا تعامله معامله خاصه شكل صورتك ارتبطت بدماغه انك المالك له عامله معامله عاديه زي ما يعاملونه اخوانك فتره ويتعدل بأذن الله |
رد: تكفون يا اخوان مساعدتكم
تسلم يا افكادو الطير وديته لخبير بمكه اسمه ابو ساري رجال طيب وابن حلال ولا اخذ علي ريال واحد
وشاف الطير وطلع عنده نقص فيتامينات واملاح وكالسيوم واعطاني كورس علاج لمدة 14 يوم ومشكلة لترويض قالي اروشه والفه بمنشفه واضمه صدري وامسح عليه وقاللي 3 مرات بالاسبوع الترويش و ان شالله فتره بسيطه ويرجع يالف علي بما اني انا اكله واروشه وبالنسبه لموضوع الاكل رجعتله الاكل ياكل بنفسه بس محد يحطه غيري |
رد: تكفون يا اخوان مساعدتكم
اخخوي اهو يمكن بس مستغرب او شي ويشوف اخوانك مناسبين
لمزاجه اتركه الحين بالقفص خله يستكشف المكان انت كل يوم وكله وﻻ يوكله احد غيرك شوي شوي ابدا بطل القفص و انت تكون موجود بسسس امسك اكل محبب جدا له و لما تشوفه هادي وكل شي تمام اعطه بعدها حاول حط ايدك شوي شوي على القفص بسسس ﻻتحركها و ايدك الثانيه اعطه اكل يحبه الفت انتباهه بحيث ﻻيشوف ايدك الي ع القفص .. و انت تقدمله اكل محبب له بيدك الثانييه الي على القفص حاول انك تمسح عليه و اذا انحاش خل ايدك ثابته و ﻻتسوي اي شي مفاجئ عشان الطير مايحس ان هل شي خطر ومايحط بباله ان اذا اخذت اكل راح يمسكني او يسببلي خطر خلك عادي وواثق من نفسك و جرب هاذا و اي سؤال لاتتردد |
| جميع الأوقات بتوقيت GMT +3. الساعة الآن 02:23 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو