|
عندي متو عمره شهرين تقريبا
السلام عليكم
من عمر كم يبدي ياكل بروحه؟ الببغاء خواف ويخاف مني ويحب يدخل للنوم وما يجلس بالخارج لا ياكل بروحه الا بالابره اتمنى تفيدوني وسارفق غدا الصور له اذا بتفيد |
رد: عندي متو عمره شهرين تقريبا
عليكم السلام
المفترض انه بدا ياكل بروحه بهذا العمر ولابد من تعويده على الاعتماد على نفسه ويكون ذلك باعطائه قطع لينه قبل تطعيمه بالابره لكي يكون جائع , ويبدا في التجاوب مع قطع الاكل ومن المأكولات مثل مكعبات صغيره قطع تفاح قطع صغيره من الخبز او التوست او الصامولي مبلله بالماء بطاطا مهروسه وغيره ودخوله للصندوق لانه يخاف منك ولا يثق بكم لذلك يختبئ بعيدا عنكم وبما انه فرخ لابد ان تستغل هذه النقطه في تدريبه , وجعله لا يخاف منك ويثق بك لانه اذا كبر سيصبح ترويضه اصعب ويكون ذلك بملازمتك له جل وقته واللعب معه والمسح عليه وعدم وضعه كثيرا في القفص او في كوخه |
رد: عندي متو عمره شهرين تقريبا
حاولت ارفع الصور
بدون فايده هل فيه مشكله عملية الرفع؟ المتو ما عرفت افطمه مع قرائتي للطريقه واستمريت باطعامه وهو يعمل حركه ينزل راسه ويهزه خفيف يعني ينزله ويرفعه وياليت بوصلات كيف اعلمه يطلع بيدي وكيف ما يخافني وكذا |
رد: عندي متو عمره شهرين تقريبا
الحركه اللي وصفتها معناها ان الطير يريد تغره وان اشوف انك ماتفطمه خليك ع الغر ت يولف عليك الطير لانك لو فطمته وهو يخافك انسى انه يولف عليك . المتو من الطيور العنيده
خليه 24 ساعه معاك وين ماتروح ف البيت مع الوقت بيعرف انك مصدر الغذا ف بيتطمن لك وبينسى الخوف وتكلم معاه عشان يتعود ع الكلام ومايخاف لما حد يتكلم فجاه وخليه يتفاعل من كل افراد العايله اذا تريده اليف مع الكل ومايخاف حد بس اكثر وقته معك انت |
رد: عندي متو عمره شهرين تقريبا
اقتباس:
بدأت لليوم الثاني بمحاولة تغيير نمط الغذاء وخليته بجوعه واحاول اطعمه من التفاح قطع صغيره تلائم فمه واترك قطعه امامه واخرج اليوم الاول صباح مكانها بس العصر نفس الشيء طعمته منها قطع صغيره وتركتها امامه وطلعت ورجعت وحصلته اكل نصها بحمد الله يعني بدأ والصندوق اللي كان ينام فيه اغلب وقته طلعته وخليته عدة مرات فوق القفص ثم اخليه بالداخل ولاحظته يبحث عن مخرج وعاد اليوم ماراضي يدخل القفص ولو دخلته يطلع ويتجه فوق القفص بس الماي بعده اعطيه باصبعي وان شاء الله يتعلم بسرعه يعتمد على نفسه مشكور اخي |
رد: عندي متو عمره شهرين تقريبا
اقتباس:
عادي بيتعود علي والحمد لله يمكن اقول بدأ يسمع الكلام شوي لما احط له اصبعي واقوله تعال يطلع باصبعي اذا كان داخل القفص عشان يخرج لكن اذا خارج فوق القفص ما يسمع الكلام ولاحظته يرفرف بجناحيه ليتنشط او ليطير هل تنصحوني اقصه ريشه ام اقتلعهن ام ماذا ؟ وشوه يعني غره وياليت طريقة تقليم اضافره لانها حاده ومؤلم لما يصعد على يدي؟ |
رد: عندي متو عمره شهرين تقريبا
وهل تكييف الغرفه لا يناسبه ؟
او تنصحوني اخليه بالصاله المشكله اغلب وقتي بالغرفه |
رد: عندي متو عمره شهرين تقريبا
ابعده عن التكييف هالفتره لانه للحين صغير ومايتحمل
خله بمكان دافي افضل |
رد: عندي متو عمره شهرين تقريبا
اقتباس:
قص الريش اذا تريد بس في طريقه للقص مش انك تجيب مقص وتسحب ع كل الريش افرد الجناح وخلي اول ريشتين الطوال اللي ع برا لانهن مرتبطات بالعظم وقص من الثالثه وحتى توصل لاخر 5 ريشات اللي قريب من جسم الطير خليهن لانهن يساعدن ع الهبوط يعني بتقص من الوسط بس خلي اول 2 واخر 5 ومستوى القص يكون عند نهايه الريش الثاني يعني اطراف او نهايه الريش اللي فوق يغطن ع مكان القص عشان مايكون شكل الريش مشوه واذا حسيته لسه يطير قلل من ال5 لان المتو من الطيور القويه وخفيفه الوزن هذي طريقتي ف قص الريش واذا فيها شي غلط اتمنى من الاعضاء التصحيح بالنسبه للاظافر جيب مقص اظافر وقص الطرف الحاد بس لو دققت بتحصل داخل الظفر مثل الخط الوردي هذيك الشريان لاتقرب صوبه ابدا لان الطير بينزف لو قصيته واظافر المتو فاتحه ف راح يكون واضح معاك ف لا تبالغ ف القص خلي مسافه بين الشريان واظفر وفي النهايه انت تريد تقطع الطرف المدبب فقط |
| جميع الأوقات بتوقيت GMT +3. الساعة الآن 05:44 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو