غرفه خاصه للانتاج،،
 

السلام عليكم جميعاً

عندي هوايه للطيور و انتاجها مثل ما عند اغلبكم بس للاسف م فيه عندي مكان يوفر لهم عوامل الانتاج ،

ف فكرت ابني غرفه في السطح و فيه عندي كم فكره .

1- شراء بركس ( غرفه تفصيل او جاهزه ) وهي مكلفه جدا 3*3 بحدود ال 7 الاف من غير نقلها الي يكلف الفين تقريبا بس غرفه افصلها على كيفي هي من برا حديد و من جوا خشب و فيها كل العوازل .

2- اجيب حداد و اخليه يفصلي

3 - غرفه خشب
و ايش العوامل الاساسيه او افضل العوامل الي تساعد هم على الانتاج( اتمنى تفيدوني في هذي النقطه)

طبعا انا ودي ابدا بروز و كروان وهل عادي اكثر من فصيله بنفس الغرفه لان اتوقع عوامل انتاجهم وحده

وانا بالرياض فحرر جدا ولازم مكيف بس سمعت كثير عن اضرار المكيف ف ايش الحل

ف اتمنا انكم ترشدوني و اذا في اي اقتراحات اخرى اكون لكم من الشاكرين

تم وضع هذا المضوع في اكثر من قسم لتجاهل الاعضاء موضوعي وانا صدق احتاج معاونتكم :(

رد: غرفه خاصه للانتاج،،
 

كبداية انصحك تاجل موضوع الغرفة للاخير حاول تفرغ اي غرفة بالبيت سواء عندكم مخزن بالحوش او بالسطح او احيان تكون في ملاحق لغرفة الخادمة وحمام وانتم بكرامة بالسطح شوف انت بيتك ايش الغرف اللي ما تستخدم او مستخدمة كمستودع فقط وحاول ترتبها وتاهل الغرفة بطريقة تقدر تضيف فيها طيورك وتنسق فيها اقفاصك
ولو مالقيت ممكن وقتها تبني وحسب تجارب الاغلبية فبناء الطوب من افضل الخيارات بدل الشينكو او الهناقر

رد: غرفه خاصه للانتاج،،
 

وعليكم السلام ورحمة الله وبركاته

أخي انا راح اجاوبك من واقع خبرتي وتجربتي وإن شاء الله افيدك

أولا الغرفة الجاهزة مكلفة جدا فما انصح بها

ثانيا الخشب ابعد عنه ولاتفكر فيه نهائيا لأنه يقوس من المطر وتتكاثر فيه الحشرات والميكروبات

ثالثا الشينكو / خيار جيد لكن مو الافضل طبعا انا جربت الشينكو وراح اذكر لك مميزاته وعيوبه

المميزات
1/ سرعة التركيب
2/ رخص التكلفة مقارنه بالطوب (طبعا الفرق مو جدا كبير )

العيوب
1/دخول الهواء والغبار لو ماكان التركيب صح
2/ ارتفاع درجة حرارة الغرفة وقت الظهر حتى مع وجود العازل الحراري

رابعا الطوب
الطوب افضل الخيارات من وجهة نظري وخصوصا إذا كان طوب عازل
طبعا بالنسبة للأسعار العادي تقريبا الطوبة الوحدة 3ريال والعازل في انواع وتبدأ اسعارها من 4 ريال للطوبة

مميزاته
1/عزل ممتاز للحرارة مقانة بالخيارات الي قبل
2/ عزل ممتاز للغبار
3/ عزل جيد جدا للصوت والازعاج الخارجي

عيوبه
1/ ارتفاع التكلفة مقارنة بالخيارات الأخرى
2/ تحتاج لوقت أطول في الانشاء على عكس الانواع الاخرى

طبعا بخصوص وضع الكروان والروز في نفس الغرفة

عادي ومافي أي مشكلة ولكن لازم يكونو مفرقين

لأن لو صارو في نفس القفص راح تخسر كل كرواناتك

بسبب طبيعة الروز العدائية مع باقي الطيور

وبخصوص العوامل الي تساعد على الانتاج

اهم شي الهدوء والنظافة والاهتمام في التغذية والتهوية الجيدة واعتدال درجة الحرارة

في الغرفة (راجع الموضيع المثبتة في القسم وراح تفيدك في هذا الخصوص)

رد: غرفه خاصه للانتاج،،
 

شكرا لك،

صادق بس للاسف م فيه مكان

رد: غرفه خاصه للانتاج،،
 

الله يجزاك الجنه ع ردك ،،

طيب و التكيف اتوقع لازم اشغل المكيف بس اخاف من سلبياته عليهم

رد: غرفه خاصه للانتاج،،
 

وعليكم السلام ورحمة الله وبركاته

ربنا يوفقك ان شاء الله في ما نويت

بصراحة إفادك الأخ ابو التواريخ لان واحد من الاخوان اصحاب الباع الطويل في مجال تربية الطيور وانا واحد من الناس الي استفادة جدا
من مواضيعة ومشاركاته معانا بالمنتدى

ونصيحة قبل لا تحدد خذ لفة بالمنتدى بجميع الأقسام ولا تقول انك راح تربي نوع معين من الطيور وتكتفي بالقسم المخصص له
وان شاء الله راح تستفيد

وعن نفسي قبل البداية والدخول في عالم تريبة الكروان فضلت أقراء عن الكروان لمدة ستة أشهر وأخذ معايا القرار بشراء اول جوز تقريبا شهر

وبالتوفيق ان شاء الله

رد: غرفه خاصه للانتاج،،
 

بصارحه انا من فتره طويله و انا اقرا و افكر بس مني عارف كيف ابدا " يبالها شجاعه شوي "

ويبغالي اكثف القرايه زي م قلت

الله يسعدك على النصيحه..

رد: غرفه خاصه للانتاج،،
 

ينقل الي قسم السؤال والجواب

يرجى وضع الموضوع في القسم المناسب

رد: غرفه خاصه للانتاج،،