انصحوني يا خبراء الكاسكو ضررروي
 

بسم الله الرحمن الرحيم

السلام عليكم ورحمة الله وبركاته


قبل اسبوع شريت فرخ هولندي عمره تقريبا 4 او 5 شهور*
انا لأول مره اربي كاسكو عندي اسئله كثيره وحصلت بعض الاجابات في صفحان المنتدى واﻻخر لو تكرمتوا افيدوني فيه
فالبدايه ولله الحمد الكاسكو أليف يجي ع اليد ما يعض بس

جنني ما يبي يجلس فالقفص من ادخله القفص جلس يرفس بازعاج لين أطلعه
وش الحل مابيه يطلع كثير وﻻ يتعود ع الطلعه*بهالشكل المزعج حتى اﻻكل قليل ياكل داخل القفص اذا طلعته يبدأ ياكل

افيدوني بهذه النقطه ﻻنه هامه جداا عندي

ثانيا اﻻفضل احط له الاكل ع طول او اشيله لين يجوع واحطله بعدها عشان يعرفني


ثالثا
الكاسكو له عندي اﻻن اسبوع وعمره مثل ما ذكرت من 4 الى 5 شهور
متى يمكن يتكلم ومتى ابدأ أعلمه وماهي علامات بدايه الكلام

تحملوني شوي والله ﻻ يهينكم

رد: انصحوني يا خبراء الكاسكو ضررروي
 

بالنسبه للأزعاج

انت حطه بالقفص واذا بدا يزعج غط القفص بقماش خفيف واجعل جهه واحده مفتوحه بحيث يتنفس

هنا سيتوقف عن الازعاج ويهدأ

وخليها عشر دقائق وبعدين شيل القماش

اذا تكرر الازعاج غط القفص مره اخرى

وهكذا الى ان يستوعب ان هذا عقاب اذا ازعج

ومع التكرار والايام راح يتعلم ويهدأ


--

بالنسبه للأكل طبعا خلي مأكله الطير متواجده بالقفص 24 ساعه ولازم دائما فيها الحبوب تبعه

وحاول كنوع من التدريج تعطيه الاكل وهو بداخل القفص الى ان يتعود ياكل لحاله

ولا تقلق هو اذا جاع راح ياكل , بس جالس يدلع عليك لانه واثق انك راح تعطيه اكله بالنهايه


---

بالنسبه للسؤال الثالث

الكلام على حسب كلامك معه وتواجدك

حاول كل ما تعطيه اكل تكررله كلمه معين , والافضل تكون كلمه سهله في البدايه
مثل كلمه : الو - بابا - حبيبي - فتو
او ان تسميه اسم معين وكل ما تاكله او تلعب معاه تناديه بهذا الاسم
ومع الوقت راح يتعود
وكل ما كان الاسم اقل حروف يكون اسهل عليه بالكلام

موفق

رد: انصحوني يا خبراء الكاسكو ضررروي
 

بيض الله وجهك وماقصرت

رد: انصحوني يا خبراء الكاسكو ضررروي
 

الهولندي سريع التوالف معى صاحبه لانه تربيه بشر الافضل انك ماتطلع انا اول ببغاء اغتنيت هو الهولندي لكن مناعته ضيعفة حاول انك ماتجهد الطائر ولا تعرضه الى مكيف وخله في مكان واحد لا تطلعه الى الخارج عشان مايتغير عليه الجو ولا ترى سوف تخسر ٢٥٠٠ ريال مثل ماخسرتها انا

بالنسبه لي الاكل مهما عاند بيجوع وياكل وبالنسبة للكلام الهولندي بسرعة يتعلم الكلام لانه اليف اعطيه فطوم الله اكبر انا ربيت اربع ببغاوت كلهم اول كلمة اعلمهم اياها فطوم الله بعطيك خيرها ويطول في عمره ويبعد عنه الامراض

رد: انصحوني يا خبراء الكاسكو ضررروي
 

ثانيا اﻻفضل احط له الاكل ع طول او اشيله لين يجوع واحطله بعدها عشان يعرفني


لا اخي الفاضل الكاسكو بمجرد مايشوفك انت تنظف القفص حقه وانت تغير الاكل وتمسح على راسه راح يميزك بين باقي افراد المنزل وراح يفضلك عليهم الكاسكو يحب مربيه لدرجه ما تتصورها الله يهنيك فيه

رد: انصحوني يا خبراء الكاسكو ضررروي
 

الله يعطيكم العافيه شكرااا جزيلا
اكتشفت في الكاسكو صفه وهي العناد احس يتحداني احيان

رد: انصحوني يا خبراء الكاسكو ضررروي
 

الطير الافريقي حساس جداً
ومن ناحية الذكاء ذكي جداً

ومع الايام اذا كبر الطير بتشوف العناد الصدقي للنوع هذا

انا جربت طيور كثيره لكن من ناحية العناد ماشفت مثل الافريقي

كان عندي طير سبحان الله يسوي حركات غريبه
مثل
اذا طفش من القفص سبحان الله ياخذ الاكل برجله سبحان الله مثل الادمي ورميه
وحتى الماء يشرب ويكب برا القفص
ومجرد ما تغيير او تسحب الصحن يمسك فيه ما يخليك تسحبه

وعندات كثيره بتكتشفها مع الايام

المفروض الطير يطلع برا القفص مره على الاقل باليوم ياخذ راحته ويتمشى
ولازم تعتني فيه من جميع النواحي

الشبك تغسله على الاقل مره بالاسبوع
والارضيه تنظفها اول بأول

واذا الجوء حار روش الطير ولا تعرضه للهواء
وبالنهار طلعه يتشمس شوي

واعتني بطيرك وخصوصاً اذا عمره صغير تحت السنه يحتاج عناية خاصه ومراقبه دائمه

اسأل الله لنا ولكم التوفيق..