هل أحد جرب جهاز التلقين لتعليم الببغاء الكلام
 

سلام عليكم

اخواني سؤالي للي جرب فقط وليس للي سمع او شاهد

ابي احد جرب الجهاز


يعني كان عنده ببغاء ما يتكلم ابدا
ووضع عنده جهاز التلقين الي يكرر كلمه معينه او جمله

وشاف نتايج من الجهاز بحيث الببغاء بدا بالكلام او اصدار اصوات غير مفهومه


سؤالي
هل هناك فائده لهذا الجهاز او مجرد مضيعه وقت ؟

رد: هل أحد جرب جهاز التلقين لتعليم الببغاء الكلام
 

وعليكم السلام
طريقة تلقين الببغاء بالجهاز ممتازه ولكن بعض الاعضاء يعيب فيها انها لا تجد تفاعل بين الطير والمربي
بمعنى تلقين الببغاء من نفس المربي يكون افضل حتى ببناء العلاقه
لكن انا مجرب تلقين الببغاء بجهاز الجوال الجلاكسي جدا ممتاز ويعطي نفس صوتي ويكرر على الببغاء
اما اجهزة السوق فهي تضخم وتغير الصوت ومرات حتى الكلام غير مفهوم بحكم عدم جودةةالصناعه
لكن الجوال ممتاز سجل صوتك وخليه يعيد علىىالببغاء لكن لا تبالغ بالاعاده لانها ترهق الببغاء وتكون النتيجه عكسيه
وارجع واقول لك لقن انت بنفسك افضل وحتى اقترب من الببغاء لينظر الي حركه الفم وتعابير الوجه
اسف للطاله موفق خير

رد: هل أحد جرب جهاز التلقين لتعليم الببغاء الكلام
 

يعني انا لو شفت نتيجه بدون جهاز راح اجي انزل موضوع رايكم بالجهاز

على شان كذا سألت عن الجهاز
لاني ناوي اشغله لهم بالليل وهم نايمين يسمعونه
والان في اجهزه مطوره تشتغل عشر دقايق وبعدها توقف ساعه كامله وتعيد مره ثانيه الكلمات عشر دقايق ثانيه وهكذا
وبصوتك انت
وجودة الصوت واضحه جدا
لكن ابي اعرف ناس جربو

اتمنى الي جرب جهاز تلقين الطيور مو الي جرب جوال او بصوته هو

رد: هل أحد جرب جهاز التلقين لتعليم الببغاء الكلام
 

عليكم السلام
بالنسبه للتلقين عن طريق الجهاز وخاصه بالليل والطيور نايمه ماراح تستفيد شي لانه وقت نوم الطيور وراحتهم وبتجي انت تتعبهم بهالطريقه هذي من وجهة نظري,, الوقت المناسب للتلقين والطيور نشيطه وتتقبل منك الصباح او الظهر العصر يعني بالنهار,, انت تقول انك لقنت طيرك لكن مافيه فايده, يمكن طريقتك خطا والوقت مو مناسب؟ مثل ماقلت لك لقن طيرك اوقات النهار وخل صوتك واضح ولا تردد اكثر من كلمه او كل يوم كلمه ترا غلط لقن الطير بس كلمه وحده وكررها عليه مثل السلام عليكم وكررها كل يوم لين ينطقها صح وبعدين اختار له كلمه ثانيه سهله وكررها الين ينطقها اما اذا تلقنه اكثر من كلمه كل يوم بيتلخبط ماارح يحفظ شي,,

رد: هل أحد جرب جهاز التلقين لتعليم الببغاء الكلام
 

بارك الله فيك ما قصرت
واقتنعت بكلامك انه صحيح ما يجوز ازعجهم وقت نومهم

انا طبعا كل يوم لما اعطيهم الاكل اقول لهم كلمة السلام عليكم طول فترة بقائي لتغيير الماء والاكل
وبعدها اذهب الى الدوام

فقلت يمكن التدريب يحتاج الى اكثر من هذا
كأن تتكرر نفس الكلمه كل ساعه عشان يستوعبونها اكثر فذهب تريكيزي الى جهاز التلقين

مع ذلك ساجربه في النهار فقط وسأرى النتائج

شكرا لك

رد: هل أحد جرب جهاز التلقين لتعليم الببغاء الكلام
 

اتمنى لك التوفيق وان شاء الله طيرك يتعلم,, انا عندي كاسكو ماكان يتكلم جلست اكرر عليه السلام عليكم لمدة شهرين تقريبا لدرجة اني يأست والطير فرخ عمره كان 6وكان يوغوغ خرابيط كلام مو واضح المهم فجئه بعد شهرين وانا معلق على كلمة السلام عليكم الا اسمعه يقولها بس مو مره واضحه بعدها بفتره الا صار يقولها وااااضحه وبديت وياه بوسه بوسه وجلس تقريبا سبوع الا هو يقولها وصار يستقبل كلمات,,زبدة السالفه هذي الطويله انه لا تطفش لازم تصبر وتتعب شوي وبتشوف النتيجه,, الله يوفقك

رد: هل أحد جرب جهاز التلقين لتعليم الببغاء الكلام