منتديات تو زوو - ياليت من أهل الخبرة في الترويض الدخول

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - ياليت من أهل الخبرة في الترويض الدخول (http://www.2zoo.com/vb/showthread.php?t=346425)

ياليت من أهل الخبرة في الترويض الدخول

السلام عليكم ورحمه الله وبركاته

أسعد الله صباحكم وسمائكم بكل خير حبايبي

ما أبقى أطول عليكم

حبيت من أهل الخبرة في ترويض البغبغاوات الأفريقية الرمادي يفيدوني ولو القليل من خبراتهم

عندي كاسكو أفريقي رمادي تقريبا عمرة 3 سنوات

ناطق وهادي وما عندة جعير ولا عنده خوف

لكن من شريته من صاحبة واهو يقولي انتبه تراه يعض

حبيت أروضة خليته لمدة شهر عندي اهتم فيه واعطيه الاكل والماي وانظف القفص حقة

وتدريجيا الطير ارتاح لي وقلت بغامر وبدخل يدي له وياليتني ما دخلتها عضضني لين قال بس وكل عضه منه معاها دم

لكن تحملته واستمريت على هالشي

لين وصلت معاه لمرحله انه يتقبل مني اني ادخل يدي وامسح عليه

بس مشكلته اللي متعبني فيها نه مزاااااجي

بعض الاوقات ادخل يدي له يستانس ويخليني امسح كل جسمه وما يعض ويطلع لي اكل من فمه ومرتاح لي

وبعض الاوقات من ادخل يدي يعضني

شنهو الحل يا اصحاب الخبرة في هالشي

ابي ينسى العض نهااائيا ....؟؟

ياليت تفيدوني واسف على الاطاله

رد: ياليت من أهل الخبرة في الترويض الدخول

عليكم السلام ... مبروك الببغاء
انا من وجهة نظري اللي بالعمر ذا لاتروضه ليش ؟
بالطبع ان الببغاء اللي اشتريتة متكلم .. بحسب خبرتي انك اذا روضته بعد جهد وجهيد
صدقني راجع يرجع زي اول ..وبتفقد الكثير من الكلام اللي ينطقة بلاول ..
واحذر كل الحذر بعد الترويض الببغاء وهو بهالعمر تحطة على كتفك او تقربة عند وجهك لانه بيغدر
اعيد واكرر مو كل الببغاوات لااا تحديدا بالعمر هذا وتروضة دايم خلك منتبه .
...نصيحتي خله على شغلة .

والله يوفقك,,,

رد: ياليت من أهل الخبرة في الترويض الدخول

استخدم زبده الفول السوداني حط ع يدك وخليه يعض راح يعجبو الطعم تلاقيه ينسى العض ويبدا يلحس

هذي طريقتي بس استخدمها مع الفروخ اما العمر الكبير ما جربت

وفي ناس يستخدمو العسل بس العسل يجيب اسهال للطير

وشكرا

رد: ياليت من أهل الخبرة في الترويض الدخول

اقتباس:

المشاركة الأصلية كتبت بواسطة تركي111 (المشاركة 3116817)

الله يبارك فيك اخوي تركي ويخليك

مشكور ع الرد السريع ونورت موضوعي

لكن حبيبي انا وصلت مرحله زينه بالترويض وقام يتقبل مني اني امسح على كل جسمة لين ذيله وما يسوي لي اي شي بس بعض الاوقات ما يرضى ويقوم يعض

رغم اني وصلت لهلمرحه الحمد لله لا زال نفس نشاطة ويستمع مني الكلام وينطق ولله الحمد

بس اللي كنت ابغاه انه ينسى العض وما يعض ...

رد: ياليت من أهل الخبرة في الترويض الدخول

اقتباس:

المشاركة الأصلية كتبت بواسطة ابو نصرالدين (المشاركة 3116820)

جربت معاه الزبادي لكن للاسف يرجع يعض مره ثانية

وشكرا على ردك