العمر الافتراضى للقطط
 

السلام عليكم ,,

انا عندى بس استفسار صغير عندى قطة عمرها 10سنين تقريبا واعتقد انها خلاص ساعاتها محدودة

القطة الحمد لله مش بتعانى من اى امراض او اى مشاكل صحية بس مشكلتها انها بقالها تقريبا اسبوع مش بتاكل الا ضعيف جدا يعنى مثلا الجبنة النستو مشبترضى تكلها رغم ان دى تقريبا كانت اكلتها الوحيدة المفضلة فكنت فى الايام الفاتت باكلها بالعافية وبغصب عليها شوية كانت ممكن بتاكل حاجات كدة بمزاجها زى الكيكة واحيانا لانشون والخيار برضو على فترات لانها بتحبو وتقريبا فضلت اسبوع على الحال دة كانت بتاكل بمزاجها اكل خفيف جدا وكنت بضطر انى اغصب عليها فى الاكل واديها يوميا 2 الى 3 قطع جبنة على مدار اليوم ومن 3 اسابيع اخدتها للدكتور لان كان خدها وارم لان كان عندها خراج فى الضرس ومكنتش بتاكل والدكتور خلعو وكتبلى على حقن fortum 250 لمدة 3 ايام والحمد لله بعد مخلصت الحقت بقت كويسة جدا ويتاكل كويس والدكتور قلى ان هى كويسة جدا ومفهاش مشاكل صحية ولكن من اسبوع تقريبا او 10 ايام مكنتش بتاكل تقريبا بمزاجها الا حاجات خفيفة وعلى مزاجها لكن يوميا كنت بأكلها الجبنة بالعافية 2 قطعة او 3 تلاتة على مدار اليوم وفى اليومين الاخرين لاحظت انها زى متكون بدأت ان هى تبقى حركتها قليلة جدا وبتدور على مكان تقعد فى وبتحاول تفتح اى دولاب او اى مكان هادىء واعتقد ان دى من علامات الموت لان القطط العندى وماتت كانت بتعمل كدة برضو بتضور على اماكن غريبة كدة وهادية وكانت بترفض الاكل حتى لو بالعافية وامبارح بالليل لقيتها رجعت كل الاكل الكلتو على مدار اليوم وواضح انو متهضمش وراحت قعدت ومن ساعتها ولحد هذة الساعة متحركتش من مكانها ونايمة على طول زى ميكون كدة بالظبط منهكة او مبقتش قادرة انها تقف كلمت الدكتور وقالى ان دة من علامات الموت خاصة ان عمرها كبير ودة طبيعى جدا بس كل العملو ان احاول اشربها الميا بالسرنجة عشان بس ميحصلهش جفاف لان كمان المشكلة ان القطط بتقعد فترات طويلة تنازع وتطلع فى الروح :( وانا عندى السنة دى 3 قطط ميتين ودى حتبقى الرابعة ... وفى التلت حالات الفاتت مفيش غير واحدة بس الكان موتها هادى جدا وقعدت حوالى 3 ساعات بدون اى تشنجات او اى صريخ او اى مشاكل مع العلم ان برضو قبل متموت بيومين كانت بتنام على طول ومكنت بتقوم تاكل او تشرب وكان عمرها سنتين بس كان موتها طبيعى برضو مكنش عندها مشاكل

وطبعا احنا عارفين ان دى كلها حاجات بتاعت ربنا بس عايز افهم بس حاجة لو حد يعرف اية البيختلف فى صعوبة الموت من قطة لاخرى فى قطط بتقعد تنازع فترات طويلة وتتشنج وقبل موتها بلحظات بيبقى فى زى صرخات وقطط اخرى ممكن تخلص على طول وممكن تقعد فترات طويلة بالساعات لكن بدون اى تشنجان ... او اى مشاكل هل دة لى علاقة بالسن ... او بالمرض ... او مثلا نقدر نقول ان ربنا سبحانة وتعالى لى حكمة من الحاجات دى ؟

وبالنسبة للعمر الافتراضى للقطط اعتقد انة من 12 الى 15 صح كدة ؟

وبالنسبة للقطة العندى حاليا انا عارف ومتاكد ان دة اعراض موت طبيعى وعارف انها مش حتقعد غير ساعات وكل القدر اعملة حاليا ان كل شوية كدة بحاول اديها ميا بالسرنجة والملاحظ ان هى مفيش اى مقاومة منها خالص ونايمة على جنبها بس ممكن كل شوية كدة بترفع راسها وتبص حواليها وتكمل نوم .. هل ممكن اعملها حاجة تانى ولا خلاص اسيبها على الوضع دة انا حت محاولتش انى احركها من مكانها او احطها فى مكان تانى طالما ان هى الختارت المكان دة وارتاحت ان هى تبقى تموت فى المكان دة

رد: العمر الافتراضى للقطط
 

اهلا بيك

طيب بردو احنا لازم نعمل الي علينا

ممكن الي عندها خمول من درجه حراره مرتفعه

ف ياريت تشوف حرارتها

بالنسبه لحالات الموت

القطط زي البني ادمين بالظبط
فيهم الي بيموت بهدوء
والي موته بيكون صعب
طلوع الروح ده بتاع ربنا
وربنا يخفف عنا جميعا
و يصبرك غلي فراق قططك ويشفيها ليك يارب

رد: العمر الافتراضى للقطط
 

الحمد لله على كل حاجة
بالنسبة لحرارتها طبيعية
لكن كدة هى بقالها اكتر من 24 ساعة بدون اكل ومتحركتش من المكان الهى قاعدة فى بديلها لبن بالعسل بالسرنجة وكمان كان الدكتور قايلى على محلول جفاف برضو بديلها منو بالسرنجة على امل ان هى ممكن تكون حالة مؤقتة او خمول زى منتى بتقولى فعلا بس هى رغم انها نايمة لكن احيان كتير وهى نايمة بتغير الوضعية بتاعتها عادى وبتبقى الوضعيات الطبيعية للنوم بالنسبة للقطط واحيان اخرى بتكون نايمة خالص على جنبها لكن فى كلا الحالات انا حاسس انها افضل شوية ويمكن فايقة شوية وطبعا بنفس الوقت هى مدخلتش الحمام خالص وفى نفس الوقت انا متابعها معملتش حاجة على نفسها .. وتقريبا دة بسبب ان السوائل البتخدها بالسرنجة الجسم بيستفاد بيها وعموما برضو انا بعمل اليقدرنى علية ربنا وهى ونصيبها وان شاء الله لو جد اى جديد حيكون فى متابعة

رد: العمر الافتراضى للقطط
 

ربنا هيشفيها ان شاء الله
اديها انت المحلول و زيادي بالعسل
و لو كوسه مفرومه بالسرنجه يبقي كويس

رد: العمر الافتراضى للقطط
 

السلام عليكم ..
من تاريخ هذا الموضوع والى الان القطة لم تاكل وحدها ابدا !! طول الفترة الماضية الاكل كان بالعافية وكان يقتصر فقط على الجبن النستو واللبن عن طريق السرنجة
ولكن من يومين بالظبط فى تطورات فى الموضوع القطة تدهورت حالها بشكل كبير
اولا بقالها كام يوم مش بتبلع الجبنة خالص يعنى الاول كنت باكلها الجبنة قطع صغيرة فى بقها عشان تقدر تبلع دلوقتى مش بتبلع وديتها للدكتور قالى ممكن يكون عندها التهاب فى الزور كتبلى على مضاد حيوى كيورام 2 سم الصبح و2 سم بالليل ولكن فى حاجة تانية القطة هزيلة جدا دى حاجة والحاجة التانية بتجيها زى نوبات صرع 5 او 6 مرات يوميا وبتاخد نفسها بصعوبة اثناء النوبة دى وبتتشنج وبتنام على جنبها او تقع على وشها وبيكون دقات القلب سريعة جدا وزى ميكون كدة بتدخل فى حالة اغماءة او غيبوبة لمدة نصف دقيقة تقريبا وبعدين بتفوق عادى والملاحظ ان هى بعض الافاقة بتبقى واعية تماما وبتستجيب لأى حركة او صوت ولو نادتها بترفع راسها وبتبص مع العلم انها لا ترى وفاقدة النظر من سنة ونصف تقريبا :( بسبب التقدم فى العمر برضو وكمان دلوقتى اى حركة بالنسبة لها بعد متمشى شوية بتقعد وبتاخد نفسها بصعوبة وبعدين تمشى وهكذا زى ميكون ارهاق او تعب ... شكيت ان فى حاجة فى الجهاز التنفسى او الرئة مثلا الكيورام مضاد حيوى واسع المدى وبيعالج تقريبا معظم امراض الجهاز التنفسى فلحد دلوقتى اخدتو 3 مرات ولكن مفيش تحسن واضح اوى ,,, يعنى هى افيق شوية من امبارح ممكن لكن النوبات البتجيلها دى ؟؟؟ انا بعد كل متعمل كدة بقول خلاص حتموت لانها تغيب تماما عن الوعى وبتاخد نفسها بصعوبة لدرجة ان النهاردة افتكرتها ماتت بعد معملت كدة لان دقات القلب كانت ضعيفة جدا وتقرياب مش واضحة بس خلال اقل من دقيقة رجع النبض للمستوى الطبيعى وفاقت

حاليا انا بديلها العلاج دة واللبن بالسرنجة ومحلول مضاد للجفاف بالسرنجة برضو

العمر تقريبا 10 سنين

انا طبعا القطة صعبانة عليا قوى لما بشوفها بتعمل كدة وبدعى ان ربنا يريحها .. او يشفيها
بس الفهمتو برضو من الدكتور ان كل دة ممكن يكون شيخوخة بالنسبة لسنها

هو قالى امشى على الدوا دة وشوف خلال كام يوم كدة اية النتيجة ...

فهل فى تفسير للحالة دى ولا لاء
انا اعرف ان الحالة دى ممكن تحصل لو حتموت ولكن كدة بقالنا 48 ساعة على الوضع دة

ملاحظة اخيرة : اطراف القطة اليدين والارجل والاذنين باردة جدا على طول

فأية الممكن اعملو دلوقتى بجانب المضاد الحيوى وبالنسبة للاكل دلوقتى كل اكلها عن طريق السرنجة اللبن بالعسل والمحلول دة لانو برضو بيعتبر يفيد الجسم ويحمى من الجفاف

رد: العمر الافتراضى للقطط
 

رد: العمر الافتراضى للقطط
 

دفيها كويس وجيب جلوكوز وعطيها تحت الجلد

ماعندي اضافه على العلاجات السابقه بس اتمنى ترجع لوعيها من ثاني

في قطط تعيش ل20 سنه وهي بتعيش لو مكتوب لها

خلك جنبها وتابع حرارتها باستمرار :(

رد: العمر الافتراضى للقطط
 

انا فعلا بعمل كل حاجة ممكن اقدر عليها
بس ية تفسير موضوع التشنج البيجى دة ؟؟ هل مرتبط مرض معين مثلا ؟

رد: العمر الافتراضى للقطط
 

حقيقي لما مردتيش تاني افتكرتها رحلت

حبيبتي ممكن تقوليلي انتي منين ف مصر وهفيدك بدكتور كويي

رد: العمر الافتراضى للقطط
 

انا ولد والله يا جماعة
من مصر القديمة ..