|
عنــدي ببغاء الدره المطوقه عين وحده عمياء والثانيه على وشك العمى
السلام عليكم ورحمة الله وبركاتة كل عام وأنتـوا بخــيــر وصحـة وسلامــه سؤالــي عن ببغاء الدره المطوقـه مشكلتة بعيونه وأهــو ذكـــــر اخوي جاب 3 طيور ببغاء الدره كانو عند صديقه من شهرين تقريبا جايبهم لعياله وبعدين عطاهم اخوي وواحد منهم طلع اعمى والعمى فيه من يوم كان بالمحل اشتراه ولا يدري انه اعمى . مقصوص الجناحين نحيف وريش الجناح بعضه طلع له الريش وبعضه بعده للحين مانمى . العين اليمين اهي اللي عميا عليها غشاء مسكر العين لونه اصفر وشكله الطبقه اللي صايره بين عدسة العين وهذه الغشاء الاصفر كبييره اما العين اليسار يقدر يشوف فيها لاكن بنسبه ضعيفه حسب تقديري 60 - 70 % وسط العين بالعدسه السودا بدا يتجمع لون ابيض كأنها تتحجر اعتقد هذا اهو اللي مخفف النظر انا ماادري بس توقعت كذا ورجله اليمين فيها تشوه خلقي الصبع الطويل شوي ملتف لاكن اذا وقف وقفته طبيعيه يمسك بالاغصان الشجر عادي مو مأثره عليه رجله ورجله اليسار بعد فيها قطعة لحم زياده بالنسبه لحالة الطير ألييف جــــــداً لأبعد الحدود لا يعض ولايصارخ ولا يحاول يهرب ماشاء الله تبارك الرحمن الاكل قلييل جددددددااااً ولازم احطل له الاكل والماء قدامه واذوقه بايدي اول شي بعدين انزل راسه للكل تحته ويبدا ياكل خفيف وحتى الماء لازم اذوقه واشربه بأيدي مايدل يروح له واذا حطيته في القفص يعرف يتسلق القفص ويجلس فوقه او يطلع منه حيااتــــه كــلـــها نووم 24 ساعه نوم الا اذا ناديته يصحى خايف ينقز ونادرا يصرخ ورايه اذا صفرت واذا طلعته برا عند الزرع مايحاول يتمشى ولا يلعب يجلس مكانه هادئ بدون حراك واذا مديت له ايدي يطلع عليها بسرعه حتى لو حطيته مع باقي الببغاوات الدره مايهتم فيهم ولا يروح لهم وكله يجلس ينظف ريشه بالنظر لملامحه طبيعي مافيه شي لاكن سلوكه يبين انه تعبان وش الحل لعيـــــــوونــــــــــه هل لها علاج ؟؟ وش اسوي بالنسبه للأكــل ؟ اكل عندي فقط تباع الشمس شويه وفستق بعد شويه وحبه صغيره بطيخ أكل منها خفيف واليوم تفاح اكل بعد خفيف ولا اكل شي ثاني اليوم رافض الاكل بس ينام لاكن اول يوم جبته اكل كان يوعان وللعلم الطير شاطر ويتكلم عند صاحبه السابق يقول محمد لاكن عندي ماتكلم ولا مره بس كم صرخه لو اعدهم مايوصلون 10 صار له عندي تقريباً 3 أيام واول يوم وصل البيت كان حتى نفخة الهوء تطيحه على الارض ورمى نفسه في حوض الماء العين اليمين اللي مايشوف فيها ابداً http://im56.gulfup.com/5sWcOU.jpg http://im56.gulfup.com/OdtViD.jpg العين اليسار اللي يشوف فيها خفييييييف ولاحظوا اللون الابيض اللي بدا يتجمع في عدة العين http://im80.gulfup.com/yquAdm.jpg http://im80.gulfup.com/VVSgPq.jpg http://im80.gulfup.com/PYjsqJ.jpg هذه رجـولـــه http://im73.gulfup.com/nJ5eek.jpg وهذا صورة كـامــــل http://im73.gulfup.com/rKFYTT.jpg http://im73.gulfup.com/xTt2No.jpg http://im73.gulfup.com/FOZZLK.jpg http://im73.gulfup.com/XzmU8t.jpg http://im73.gulfup.com/Hs8c0r.jpg http://im73.gulfup.com/lECa4P.jpg عطــونــي رأيكـــم ياخبـــراء وانا مو اول مره اربي دره اكثر من مره ربيت واعرف لها لاكن في الامراض مااعرف واول مره يمر ع ليه طير اعمى .~ْ |
رد: عنــدي ببغاء الدره المطوقه عين وحده عمياء والثانيه على وشك العمى
الاحسن تودية للبيطرى لان هكذال حالته تسوء
|
رد: عنــدي ببغاء الدره المطوقه عين وحده عمياء والثانيه على وشك العمى
اقتباس:
مااثق بالبيطرين لعدة اسباب : أولا تخصصهم بيطريين للمواشي ووصف الادويه والابر حتى المواشي كثير منها تموت بسبب علاجهم الخاطئ والابر . ثانيا : مااعرف اي بيطري تخصصه طيور ومااقدر اخاطر بالطير عند اي بيطري . سابقا قبل سنتين او ثلاث تقريبا كانت عندي دره فيها جرح بصدرها دايمن تنزف منه وديته البيطري عشان خياطة الجرح اسبوعين او ثلاثه تقريباً وصار للطير نزيف داخلي بعد الخياطه ماقدر يطلع الدم برا بسبب الخياطه وصار ينتشر في جميع جسمه ويبين الدم من تحت الجلد حتى تشنج الطير بسرعه ومات مالحقت اوديه البيطري . أتمنى اللي عنده خبره ومر عليه مثل هالموقف يفيدني واليوم لاحظت انه عينه اللي عميا لما حركت ايدي قدامها اكثر من مره كأنه انتبه لي يعني في احتمال انها مو عميا لاكن الطبقه الصفراء اللي فيها اهي مغطيه عليها ومانعه النظر . وشكرا لك اخي على النصيحه :) الله يعطيك العافيه |
رد: عنــدي ببغاء الدره المطوقه عين وحده عمياء والثانيه على وشك العمى
جزاك الله خير اخي الكريم على اهتمامك بالطير
ان ماكنت غلطان الطير ليس اعمى لكن عينه اليسار فيها مياه بيضاء والله اعلم اما اليمين لا اعلم اخي الكريم بالنسبة للاكل اعطيه اكل بنفسك اما الشرب لا تغصب عليه لان الدرة ماتشرب كثير اتمنى اني افدتك ولو بجزء يسير وفالك التوفيق |
رد: عنــدي ببغاء الدره المطوقه عين وحده عمياء والثانيه على وشك العمى
اقتباس:
امين أجمعين شكرا على النصائح وبالفعل الطير مو أعمى لاني لقيت مستشفى سألت عنه وكلمتهم قالو هذا الشي يصير بالطيور ومو شرط يكون عمى لقيت مستشفى أبوظبي للصقور دلوني عليه ناس جزاهم الله خير http://im74.gulfup.com/QKGoYC.jpg http://im74.gulfup.com/ZKy9fs.jpg ودخلت الموقع وقريت عنه وانا كنت اعرف عن هالمستشفى سابقا بس كان بأعتقادي انه فقط للصقور من مسماه لاكن ولله الحمد طلع لجمييع انواع الطيور صقور - ببغاوات الصغيره والكبيره - وبعد فيه قسم حق الحيوانات الاليفه كلاب وقطط وغيرها وشيوخنا جزاهم الله خير موفرين لنا أطباء كفائتهم عاليه وخبرتهم كبيره ومتخصصين بالطيور والحيوانات الاليفه انا ان شاء الله بوديه المستشفى يتلقى العلاج الازم وانصح كل اماراتي او عايش بالامارات يترك جميع البيطرين ويروح لهالمستشفى واهو غير مكلف وقد يكون البيطرين العاديين ياخذون اكثر واهم بدون فائده وجزاكم الله خير جميعاً تحياتــي |
رد: عنــدي ببغاء الدره المطوقه عين وحده عمياء والثانيه على وشك العمى
ان شاء الله تجد العلاج المناسب
بصراحة اعجبتني اخي الكريم في حرصك على علاج طائرك وزاد من اعجابي ان الطير هوا درة انا عندي درة انثى عمرها فوق السنة ونص لكن عينها اليمنى معيوبة وماتشوف بها ابدا رحت اكشف عليها وتأكدت انا لا ترا بها ولامني البعض وقال كيف تخسر علاجات وكشوفات على طير قيمته 200 ريال عن جد سؤال غريب للاسف البعض يربي الحيوانات للتسلية فقط غير مستعد لتحمل تكاليف علاج وما الى ذلك متجاهلا ان هذه روح نسال عنها يوم القيامة الله لا تجعلنا من المقصرين في حق طيورنا الاليفة اكرر اخي الكريم احترامي وتقديري لك ولكل من حمل هم توفير حياة افضل لطائره وحيواناته الاليفة وفالك التوفيق:88: |
رد: عنــدي ببغاء الدره المطوقه عين وحده عمياء والثانيه على وشك العمى
ابي اعرف النهايه وش صار معاك
كثير تالمت من حاللة الطير اول مره اسمع فيه طيور يصيبها عمى ، معليش اخوي طمنا عليه بالله ، |
| جميع الأوقات بتوقيت GMT +3. الساعة الآن 01:54 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو