استفسار مهم(مبتدئ)
 

السلام عليكم
يا اخوان أنا شريت قطوة قبل اربع ايام يوم رحت يعطيها الابر قالي ما اقدر لانها مزكمة وعطاني مضاد المهم القطة الى الان خائفة وماتا كل غير كميات بسيطة جداً جداً وش الحل؟
وما الطريقة الي اعودها على أكل البيت؟وفي في الحوش كراج مسقوف عادي اربيها فيه؟ولد عمي عنده ذكر كم يحتاج اخليها معه عشان تتلقح؟واهم شي كل يوم أصحا الصبح ألقاها مراجعة/مطرشة/مزوعة؟؟

رد: استفسار مهم(مبتدئ)
 

لاتستعجل كل شي بوقته

كم عمرها ؟ اي اعراض اخرى غير الزكام حطها

الحين انت محتاج تعودها عليك وعلى البيت حتى ماتخاف وقت العلاج

كلمها بصوت واطي وملس عليها

لاتحطها بالكراج انت جايبها علشان تربيها وتصير صديقها

رد: استفسار مهم(مبتدئ)
 

بجزاك خير اخوي فاتو..عمرها٣سنوات انا شاريها عشان انتاج ابي اخليها تولد اول مرة في البيت ويوم يكبرو عيالها انا ظبطتلها الكراج سويت له سقف وفرشت الارض وحطيتلهم سرير وبيت وكل شي::عطني رايك
مافي أعراض غير الزكام الا المراجعة.
انا كل ما احسس عليها تتركني وتروح تتخبى تحت الاسرة
وبالنسبة لكمية الاكل الى الان قليلة جدا

رد: استفسار مهم(مبتدئ)
 

القطة مو متعوده عليك وفوق كذا بتعزلها بالكراج ! كذا نفسيتها بتتعب وبتتغير عليك نتيجة طبيعية

انت ودها الكراج وشوف لو يعجبها الجو ولا لا وذا سكرت عليها تماوي ولا وش انبطاعها

وانتبه لموضوع الجو الحين حر والقطط تعرف تحدد الاماكن المناسبه لها شوف اذا عجبها المكان ولا لا

بالنسبة للزكام جب لها مضاد حيوي ايموكس عطها 2 مل مرتين باليوم + اكل مسلوق + زبادي بالعسل

بالنسبة للطراش جب لها موتيليوم وعطها 2.5 مل مرة باليوم بعد الصوم 12 ساعة

الادويه من الصيدليه البشرية + لازم تاكل قبل المضاد ..

رد: استفسار مهم(مبتدئ)
 

المش انها ماتاكل لا زبادي ولا اي شي مسلوق اذا عندك حل

رد: استفسار مهم(مبتدئ)
 

لانها خائفه و مو متعوده و ابتعد هن الزواج الان حتى تتحسن حالتها المرضيه و النفسيه
حطها بالبيت و لايشوفها الذكر
خلها ترتاح
يمكن ماتاكل من الحر
هل الكراج فيه تكييف ؟
اهي خايفه
لازم تثق فيك و راح تاكل كل شي منك

رد: استفسار مهم(مبتدئ)
 

اضرب الاكل المسلوق بالخلاط مع شويه مرقه او مويه وعطها بالسرنجه

لاازم تاكل + الاستفراغ لازم يوقف

رد: استفسار مهم(مبتدئ)
 

الله يجزاكم خير ..الحين اهي.طالبة تزاوج الى متى تستمر هذي الحالة..يعني انا خائف الخر دخول الذكر عليها ماعاد تبي زواج

رد: استفسار مهم(مبتدئ)
 

رد: استفسار مهم(مبتدئ)
 

لا مافي شي اسمها ماعد تبي هي ممكن تهدا فتره وبعدين ترجع تطلب مره ثانية

قدم لها الذكر بالتدريج خلهم يترعفون على بعض والامور بتتيسر ان شاء الله