|
قطتي متغيره!!!!!
السلام عليكم ورحمة الله وبركاته كيفكم ان شاءالله بخير احاكيكم وانا ضايق صدري:( قطتي بيونسيه متغيره مرا امي راحت تسقي الشجر بحوشنا المهم وطول الوقت اقول لاامي لاتطلعينها انتبهي لاني انا ماابيها تطلع لحالها ابيها تطلع معي عشان انتبه لها المهم امي طلعتها بدون ماادري وعندنا 3 قطط بالحوش بلديه "قطط شوارع" مدري وش سوو فيها :confused: , لان امي تقول واحد بخ عليها المهم امي فتحت لها الباب وجايه مسرع فوق لغرفتي وخلاص لما المسها ولاشي تصرخ وابد ماتلعب وطول الوقت هاديه وهي بالعاده لما انام وهي شبعانه نوم تجلس عند الباب تستناني لما تطلع مع بعض الحين افتح الباب ماتطلع من غرفتي ابد ولاشي اشيلها تصارخ المسها تصارخ اغريها بالالعاب ابد ماتلعب بس منسدحه ونظراتها تقولون كأنها مكتئبه اكتب لكم وانا حزينه مرا متضايقه ابي اسوي شي :( |
رد: قطتي متغيره!!!!!
اختي الغلط مو في انها واجهت قطط اخرى
الغلط في انها لا تتعامل مع بنو جنسها اوتتواصل معهم هذا بيعقدها هي تغيرت عليك وخافت لأن هذا كان جديد عليها وهذا شي غلط لازم تتركينها تتعامل معهم عادي ولو هي بالغه لاتاخفين لو ضربوها او خوفوها طبيعي تواجه مثل هالاشياء في حياتها - هذا شي جيد لها فيما بعد انتي ملسي عليها وكلميها بصوت واطي - لاتقلقين :) حاولي تعطينها حقها من الاجتماعية .. موفقه |
رد: قطتي متغيره!!!!!
اقتباس:
المشكله مددري ايش اسوي ساعديني الحين ابد ان شلتها ولا شي تصارخ والحل!!!!!:o |
رد: قطتي متغيره!!!!!
لاصغيره توقعتها كبيره
معليش انتي ابدأي معها من جديد وقربيلها تدريجيا وجيبي لها اكل وكذا لو تقدرين جيبي لها قط بعمرها يشاركها حتى ماتتعرض لها الصدمة من ثاني اصبري عليها وبترجع مثل قبل |
رد: قطتي متغيره!!!!!
طيب رايك اشيلها غصب واضمها وادور فيها عشان ترجع ثقتها في البيت؟
|
رد: قطتي متغيره!!!!!
لا لاتغصبينها ابد اتركيها على راحتها وحاول تجذبينها بالاكل او اللعب لين تطمن لك وتقرب
لاتصيدينها او تركضين وراها لازم تثق فيك وتحس بالامان |
رد: قطتي متغيره!!!!!
السلام عليكم،
هي خايفة عشان منصدمة خليها براحتها واذا شفتيها خامله او مرتفعة حرارتها وديها للبيطري عشان ممكن القطط عضوها ونقولوا لها مرض او جاها التهاب من العضة، ورجاء لا تخلينها تطلع برا خطر عليها من القطط الثانية، فيه امراض كثير تنتقل بالعض والمخش او حتى الملامسة، مثل herpes virus و FELV (لوكيميا القطط) و FIV (ايدز القطط) هذي بعض الاشياء اللي ممكن تنتقل لقطتك من القطط الثانية، التطعيم عن هذي الفايروسات مهم لكنه ما يقي ١٠٠٪ لذلك مهم تطعمينها التطعيم الثلاثي + السعار وتخلينها جوا البيت وما تحتك بالقطط الثانية خصوصا قطط التزاوج (مرتع الامراض لأنهم يقابلون مليون قطه بحياتهم وينشرون هالامراض للقطط الثانية) واصلا غلط ندعم هذا الشي وفكري تسوين لها تعقيم |
| جميع الأوقات بتوقيت GMT +3. الساعة الآن 12:03 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو