نصايحكم لاهنت بخصوص الافريقي
 

السلام عليكم

اخوان انا اليوم شريت لي ببغاء وصراحه الموقع الي حببني في الطيور وتربيتها وقلت اباخذ لي افريقي فرخ وشريت واحد عمره يمكن 7 او 8 شهور عين اسود ورمادي الطير عندي ملاحظات عليه وابيكم تجاوبوني

1- الطير انا حطيته ينام يغمض عينه اقرب حركه او صوت يفتح عينه هل هذا طبيعي وهل مضر عليه
2- الطير اوقات تجي ينفش ريشه بعدين يهدي هل كذا يعني ان فيه حشرات مع انه نظيف والي شريت منه شخص امين واوقات يحك نفسه
3- هل عادي لو اشتريت له اي حب شمسي بس اهم شي يكون موب مملح يعني مثل الي يتنباع في محل المكسرات وكذا هل تنفع وماهي مملحه تكون
4- الطير انا يوم اخذته من راعيه ارسلي له مقاطع يصفر ويطق طق ويوم وصل عندي ساكت مايتكلم
هل ممكن يكون مريض
5- هل تنصحون ابدا بترويضه من بكره لانه هو جعرته خفيفه ومايجعر الا اذا قربت منه كذا فجأه خوفته وايش افضل طريقه تنصحوني اتبعها معه بخصوص انه فرخ وسهل الترويض
6- وبنسبه للفواكه هل اعطيه كل يوم ولا مره في الاسبوع


وجزاكم الله خير منتدى جميل جدآآآ

رد: نصايحكم لاهنت بخصوص الافريقي
 

1- الطير انا حطيته ينام يغمض عينه اقرب حركه او صوت يفتح عينه هل هذا طبيعي وهل مضر عليه

نعم طبيعي لان الببغاء توه ما تعود ع المكان انت حاول تخليها يرتاح لا تزعجه بقدر اللي تقدر عليه ان شاء اسبوع او اسبوعين يكون كويس تعود


2- الطير اوقات تجي ينفش ريشه بعدين يهدي هل كذا يعني ان فيه حشرات مع انه نظيف والي شريت منه شخص امين واوقات يحك نفسه

غالبا على معرفتي طبيعي جدا للافريقي


3-هل عادي لو اشتريت له اي حب شمسي بس اهم شي يكون موب مملح يعني مثل الي يتنباع في محل المكسرات وكذا هل تنفع وماهي مملحه تكون

ايه عادي بس يكون تخزينه كويس و وانا ما انصحك بالحب الشمسي الا للمكافئه خذ لك خلطات كويسه تجي فواكه مجففه مثل زوبريم ممتاز جدا

4- الطير انا يوم اخذته من راعيه ارسلي له مقاطع يصفر ويطق طق ويوم وصل عندي ساكت مايتكلم

ايه عادي طبيعي ما تعود على المكان الجديد عطه كم يوم ويزعجك بالتصافير والطقطقه ان شاء الله

5- هل تنصحون ابدا بترويضه من بكره لانه هو جعرته خفيفه ومايجعر الا اذا قربت منه كذا فجأه خوفته وايش افضل طريقه تنصحوني اتبعها معه بخصوص انه فرخ وسهل الترويض


لا ما انصحك دامه ما يجعر كثير خليه اسبوع وابدا معه ابد معه من بكره عطه اكل وابدا لقنه


6- وبنسبه للفواكه هل اعطيه كل يوم ولا مره في الاسبوع

اذا اخذت له خلطه مثل زوبريم عطيه كل 5 ايام الى اسبوع


ولا تنسى اخوي تشمسه يوميا في الشروق وفي قبل الغروب او على الساعة 5
وابد تلقين توه فرخ وحبب الطير فيك في التقرب فيه واطعامه


والف مبروك الطير ولا اوصيك في العنايه والاهتمام اي سؤال حاضرين

تقبل تحياتي