قطي ونظام اكلها !
 

السلام عليكم .

بالبداية كل عام وانتو بخير وينعاد عليكم بالصحه والعافيه .

قبل امس شريت قط عمره شهرين - شيرازي تركي - .

مشكلته ماياكل الدراي فود تبعه , لازم اعطيه شي بالبيت .

وبحكم ان البقالات اللي تبيع الدراي فود بعيده ف اضطريت اني اعطيه من البيت .

حاليا اعطيه بالصباح زبادي وجبن شرايح - العصر دجاج مسلوق - الليل دجاج مسلوق .

ف هل يضره هالنظام؟

- واخوي الصغير حطله حليب وشربه ف هل يضره ولا اذا منعت عنه الحليب ماراح يكون فيه ضرر ؟ .

شكرا لكم مقدما .

رد: قطي ونظام اكلها !
 

دامه ماياكل دراي فود مو لازم

اهم شي اكل البيت النظام هذا ممل جدا وكذا بتكره الدجاج

نوعي وكثري الاصناف حتى يتغذى

الحليب مهم بها المرحله الافضل تجبين من اقرب صيدليه خالي من اللاكتوز وتعطينه منه يوميا

رد: قطي ونظام اكلها !
 

الله يجزاك خير اختي , بس بهالعمر ياليت تعطيني جدول مناسب - لو افترضنا ان الصباح الحليب الخالي من اللاكتوز وجبن مثلثات او شرائح , العصر دجاج مسلوق او رز مع خضروات وبالليل اخلي عندها الدراي فود وجبن او حليب - جدول جيد؟

وملاحظ عليه لعوب كثيير لدرجه ماتوصف ! يعني مايجلس ابد يلعب باي شي حوله وبسرعه جنونيه , هل هذا شي طبيعي؟ .

وايضا الاحظ عليه العطاس - واذا خليته بالقفص يقعد يصارخ واذا طلعته وحطيته بحضني يطالعني ويصارخ مدري وش المطلوب مني اذا سوا كذا :( .

رد: قطي ونظام اكلها !
 

ايوه هذا جيد

حبيبتي خذيها ببساطه والامور بتمشي

المتوفر عطيها مو لازم مواعيد محدد واصناف معينه المهم تنويع

لا وش قفص !! القفص هذا ترمينه بالزبالة :) ..

القطو لازم ياخذ راحته بالبيت ويروح اي مكان يبيه بدون تقييد

حتى مايتعقد ويفقد ثقته بنفسه

بالنسبه للعب اشتري له العاب لكن القفص لا

يصارخ كثير لانك بمثابه امه واخوانه لعبيه وملسي عليه لين يصير خرخره وينام

وجيبي له شريك لو تقدرين

رد: قطي ونظام اكلها !
 

بالنسبه للزكمه عطيه حليب بالعسل ويكون دافي مو بارد

رد: قطي ونظام اكلها !
 

والله لو على كيفي كان خليته بدون قفص لكن مافيه احد يبيه بالبيت الا انا واذا قرب منهم هاوشوني :( .

بس اذا جيت انام اخليه بالقفص عشان مايروح لاحد من اهلي .

والله يعطيك العافيه تعبتك معي .

رد: قطي ونظام اكلها !
 

اختي والله كلمة قفص هذي توجع قلبي

انتي اخذتي من بين امه واخوانه حسني من حياته قد ماتقدرين

سكري باب غرفتك وخليه يهجول بالغرفه

لكن القفص ببيعقده اسأليني انا >_<

رد: قطي ونظام اكلها !
 

هو تقريبا برا القفص اليوم كله , الا اذا جيت انام انا اخليه فيه .

مايصير كذا بعد : ( ؟ .

رد: قطي ونظام اكلها !
 

في شي اسمه النشاط الليلي هذا معروف في هذا السن

القطو يصحى من النوم ويصير يركض بكل مكان ويلعب وينتفش ذيله من الوناسة

فهذا يوم يصحى بالليل ويبغى يلعب وش يسوي ؟ يدور بالقفص :/

رد: قطي ونظام اكلها !
 

أخلطي الدراي فود مع الأكل بالتدرج يعني بالبدايه شويه وزيدي كل يوم ،،هكذا قرأت ونفذت ذلك ونجحت الطريقه