|
بسافر واخاف تعبي يروح على الفاضي
السلام عليكم
مشكلتي بسافر بالعيد 22 يوم وعندي كاسكو مربيه من سنه وكان عمره سنه يعني عمره تقريبآ سنتين اول ماجبته كان يعضض بزياده وتعبت عليه لين اللللفته مررره علي انا بس على غيري لا يعضض المهم اني تعبت عليه عشان اولفه علي لين صار يحبني ويحاول ينزلي اكل الخ.. المشكله اني بسافر وبحطه بمحل حيونات فالغالب بيرفعون القفص فوق ومحد ماسكه واخاف بعد ما ارجع القاه مثل اول مره اخذته متوحش مادري وش الحل ومحل الحيونات يقولي اذا تبي انزله للناس بس بياذونه الاطفال معليش علي الاطاله بس جد والله محتار وش اسوي فيه :(:( |
رد: بسافر واخاف تعبي يروح على الفاضي
الافضل لو تقدر توديه عن احد اقاربك له خبرة في الطيور بشكل عام وتعطيه كم نصيحة
وجهة نظر |
رد: بسافر واخاف تعبي يروح على الفاضي
اذا تقدر تاخذه معاك كويس
واذا ماتقدر تحطه عند احد ثقه وزي ماتفضل اخوي كوكتيل توصيه عليه وتعلمه كيف يتعامل معاه ومايكون الا خير اهم شي تحطه عند ناس يعتنون فيه ويتكلمون معاه ويطلعونه يلعب فوق القفص شوي بتوفيق اخوي . |
رد: بسافر واخاف تعبي يروح على الفاضي
نعم مثل ماتفضلو الاخوه يا محل او عند احد و افضل عند اقاربك او اصدقائك عشان يطلعونه و يلعبون معاه
|
رد: بسافر واخاف تعبي يروح على الفاضي
مافيه احد اقدر احط عنده لانه ٢٢ يوم وبسافر برا ماقدر اخذه فمالي الى محل المشكله هل هو بيرجع مثل اول وبينساني ولا اول مابرجع بيعرفني؟
|
رد: بسافر واخاف تعبي يروح على الفاضي
بيعرفك اكيد
وبيرجع معاك مثل اول وافضل بس لاتحطه في محل ترا بيخرب عليك الطير اول شي راح يكون معاه طيور كثيره وراح يتعلم منهم الصراخ والتصفير غير كذا العنايه عندهم سيئه ومافيه اهتمام لازم تشوف لك احد تحطه عنده افضل واذا مافيه نهائيا حطه في محل اذا مافيه بديل واذا تبي احطه عندي بس ممكن يعجبني الطير ولا عاد ارجعه لك بتوفيق اخوي . |
رد: بسافر واخاف تعبي يروح على الفاضي
يا رجل عادي .. أنا سافرت أسبوع ويوم رجعت لقيت الطير نساني .. رجعته البيت وكلها ساعتين وتذكر كل شي :D
|
رد: بسافر واخاف تعبي يروح على الفاضي
انا اقول حطه عند واحد من اقاربك او اصدقائك اللي تمون عليهم وبالهم طويل ويحبون الطيور عشان يهتمون فيه وبنفس الوقت تقدر تتواصل وياهم تسال عنه كل شوي من باب الميانه وتقولهم سوو كذا لا تسوون كذا اما راعي المحل مو فاضي لك وبتكون وياه زحمة طيور لان المحلات خطيره احيانا يكون طير مريض وفيه فايروس وينقل العدوى لطيرك وغير زحمة الطيور والصراخ اللي يصير يمكن الطير يصير يصارخ مثلهم مع الخيل ياشقرا نفس الاطفال اذا وديتهم الكورنيش وقدامهم اطفال يصارخون ويلعبون يروحون يصارخون ويلعبون بجنون يعني اننا فوضوين مع الخيل ياشقرا رغم انهم بالبيت عاقلين الكاسكو يمكن يصير وياه نفس الموقف اهم شي التشبيه متعوب عليه *:^
|
| جميع الأوقات بتوقيت GMT +3. الساعة الآن 05:21 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو