|
قطي الصغير
السلام عليكم و رحمة الله
قطي عمره ثمان اشهر و ابي اخصيه دامه لسى ماطلب تزاوج و هيك لكن المشكله ان هذا القط غريب مره ماياكل شي ابد ابد غير الدراي فود و السيريلاك من يومه صغير و هو كذا حتى التونه الشي اللي يعشقونه القطط ماياكلها مع اني احط لهم كل شي و اشيل الدراي فود وقت الوجبات الاساسيه ماياكل يجلس لحاله لين احط دراي فود و يروح ياكله .. في يوم من الايام ماحطيت لهم دراي فود عشان يضطر ياكل معهم من الجوع بس و لا كأني حاطه اكل و رحمته و عطيته الحين وش اسوي مادري كيف اخليه ياكل زي القطاوه |
رد: قطي الصغير
مرحبا،
عمر ٨ شهور راح يبلغ قريب فاستعجلي باخصاءة قبل يكتسب سلوكيات شينة، بالنسبة للأكل لا تجوعينة، تجويع القطط خطر جداً وما ينفع معهم لأن بالنهاية راح ياكلون اللي يعجبهم بس، عادةً القطط تنتفح شهيتهم بعد الإخصاء أو التعقيم، فحاولي معاه بعد الإخصاء، إذا ما نفع جربي اخلطي كمية قلييلة من أكل القطط المعلب مع الدراي فود، يعني حطي كمية الدراي فود اللي تحطينها عادة بس اخلطي معاه ملعقة أو أقل أكل معلب عشان ما يستنكر، ويوميا زيدي كمية المعلب وقللي الدراي فود.. لين يتعود على المعلب، بعدها تصيرين تخلطين المعلب مع أي أكل تبينه ياكله |
رد: قطي الصغير
افرمى الدراى فود واخلطيه مع الاكل
وخلى كميته اكبر من كميه الاكل ومع كل مره قللى الدراى فود وزودى الاكل لحد مايتعود |
رد: قطي الصغير
بحاول معه ان شاء الله ينفع معه انا ودي بكره أو بعده اخصيه باذن الله ..
|
| جميع الأوقات بتوقيت GMT +3. الساعة الآن 05:52 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو