ياليت تساعدوني ضروري
 

شباب شريت كاسكو قبل امس عمره سنه ونص المهم الله يكرمكم براز الطير شكله زي الدود وسائل اغلب الوقت الطير يتحرك ونشطي جدآ بس احيانآ يرجف وماشاء الله شهيته مفتوحه بس البراز انا متخوف منه اتمنى تعطوني حل والمشكله ان اقرب صيدليه بيطريه او بيطري 70 كيلو بعيده مافي الا الصيدليه البشريه وش اخذ دواء منها بس ﻻ يكون ياثر عبى الطير اعطوني حل ياليت

رد: ياليت تساعدوني ضروري
 

http://www.2zoo.org/uploads/13948424411.jpg
هذي صوره للطير

رد: ياليت تساعدوني ضروري
 

مبروك عليك الطائر عزيزي.

يا ريت ترفق لنا صورة لبراز الطائر.
قم بتدفئة الطائر جيدا وبامكانك بشكل مبدأي اعطائه مضاد حيوي شامل لمدة 5 ايام مثل علاج الاموكسيل..وبعدها يتم دعم الطائر بالفيتامينات.

بالتوفيق
اخوك رمزي

رد: ياليت تساعدوني ضروري
 

الاوموكسيل هذا مو علاج بشري

رد: ياليت تساعدوني ضروري
 

رد: ياليت تساعدوني ضروري
 

الحمد لله جبتله مضاد حيوي شامل مادري وش اسمه ﻻن البيطري ععطاني هو في علبه محلول ماعليها اسم بس قالي مضاد حيوي لمدة خمس ايام يوم خلطته مع المويه طلع لونه اصفر بس ياليت تبين لي انواع الفتمينات

رد: ياليت تساعدوني ضروري
 

اخوي اكثر ما يقتل طيور الهاوي وسوسه الهاوي دام طيره نشيط فما عليه الا العافيه بعض الاحيان وسوسه الهاوي تقتل طيره وانا من نظرتي للطير انه مو قاعد ياكل اكل صحيح بالاحرا انت مو قاعد تعطيه الا حب وهذا خطا ارجو استخدام هالنوع من اكل بس بشكل كورسات اسمه harrisons وهالاكل ينعطا للطير لما يقدر ياكل بروحه وما ينغر وواضح ان طيرك تعدا السنه وهالاكل وهالاكل طريقه استخدامه ٥ حبات يوميا وهالنوع من الاكل يهيء معدا الطير ويهيء الطير بالوقايه من الامراض المستعصيه ويوجد هالنوع من الاكل مكعبات وايضا سريلاك للغر وهو مفيد + انك تعطيه اكل مفيد كالفواكه والخضره وعضم فخذ الدجاج وعضم الحبار الطير ايضا يجب وضعه فالظلام يوميا من 10 الى 12 ساعه لانه في معدته مضادات ربانه تفرز فقط فالظلام وهذا يساعد الطير على استعاده قوته ويوجد اكل من نوع زوبريم ويجي منه فوكه مجففه وايضا خضار مجففه جدا طبيعيه ولا تحتوي على مواد صناعيه + المحافظه على نظافه القفص لانه بيته ومسكنه وحط نفسك محل انك تعيش في مكان وصخ تنتشر فيه الامراض بسرعه وحاول تبقي القفص جاف ما يكون مرشوش عليه ماي لان البكتريا تعيش فيه + طبيعه الطير هي طبيعه رطبه يعني لازم تروش الطير فالصيف اكل شي كل ثلاث ايام عن طريق رشه بخاخ ماي ينباع في اي مكان ولا تغرقه كثير ولما تروشه خله في مكان يجفف نفسه فيه بس مو القفص عشان ما يغرق القفص ويكون الققص مبلل وهنا نكسر قاعده ان نخلي القفص جاف وحاول ما ترش الماي في وجه الطير

كل الي قلته لو اتبعته حرفيا باذن الله تحصل طيرك فوق الممتاز وشكرا

رد: ياليت تساعدوني ضروري
 

شكرا اخوي والاسهال خف الحمد لله بس الطير في رجفه باقيه معنه في منطقه دافيه واكل الزوبريم مايتواجد في السعوديه بصفه عامه وﻻ النوعيه الثانيه الي ذكرتها وانا استخدمم الاكل البلجكي وشريحتين تفاح وخس يوومين وموز مره في الاسبوع

رد: ياليت تساعدوني ضروري
 

اخوي كل الي ما يتوفر فالخليج يتوفر في موقع amazon الامريكي كلما يخطر على بالك

رد: ياليت تساعدوني ضروري
 

يعني عادي لو ابدا في تدريب الطير وتوليفه