منتديات تو زوو - المشمشية و القطاقيط ((((مسلسل قصة حقيقية

صباح\مساء الخير

كيفكم يا هواة المنتدى..........!
أنا حبيت أحكيلكم قصتى مع القطط على شكل حلقات و أسم المسلسل :المشمشية و القطاقيط من أربع حلقات ، أخراج مشمشة
الأبطال حسب الظهور:القطة المشمشية ،بوسى ،بابسى
__________________
الحلقة الأولى (أول مرة أشوفك):كنت رايحة أبات عند أحد أقاربى ،و أتفاجأت أن أقاربى أللى أنا رحت عندهم ،عندهم قطة أسمها (بوسى) :eek:،كانت صغيرة بس كانت منفوشة قوى _ما شاء الله_ و كان لونها رمادى غامق أوى بس مكانتش (مون فيس) أنا طبعا ساعتها مكنتش أعرف أيه الفرق بين المون فيس أو حتى أى قطة
المهم أنا كنت ساعتها بخاف أوى أوى من القطط و القطة دى كانت شقية أوى بتحب تلعب و تنط كتير:D و كانت بتخييلنى أوـــــى..........(((النهاية
__________________
الحلقة التانية ( سيبينى فى حالى ...أول مرة ألمس ذيلك):فى الأسبوع أللى قعدت فيه عندهم كنت ببقى قاعدة على كرسى جنب التلفزيون لأنى لو قعدت على الكنبة ممكن تيجى من ورايا لأن فيه فرق بين الجدار و الكنبة و دة مش معناه أنها مش بتبطل تخلينى أخاف منها
، و فى مرة أتجرأت و جاتنى الشجاعة و ألمس ذيلها المنفوــــش _ما شاء الله_ و القطة (بوسى) ماشية رحت لمست ذيلها لاقيته نــــــاعم قوى:p و أللى أتفاجأت بيه....................... هو أن مكنش ليها رد فعل عليا أو حتى غضبت منى:confused: ،بصراحة أنا أستغربت جدا.........(((النهاية
__________________
الحلقة الثالثة (عمتى تحب القطط وأنا معرفش:eek:):خلص الأسبوع خلاص ،و مش هتصدقوا أنا متعودتش على القطة دى
المهم :جت عمتى من السفر و طبعا هتروح تزور أقاربى أللى عندهم قطة و لما راحت عجبتها القطة دى مـــوت و كانت عاوزة تاخدها معاها عشان تسليها فى سفرها ،و قعدت تلاعبها كتيــــر ;)،وبقيت كل لما أروح أزور أقاربى أقعد مش على بعضى خايفة القطة تجيلى من أى ناحية..........(((النهاية
__________________
الحلقة الرابعة (أتعودت أخيرا عليكم):مرة رحت عند أقاربى .....و هو دة اليوم الحاسم لخوفى من القطط ،دخلت عندهم عادى و أنا مستعدة للخوف من (بوسى) لكنى أتفاجأت و لاقيت قط أبيض طالع من المطبخ ،فقلت لهم بهزار "هى بوسى أبيضت" :cool:فقالولى لا دة قط جديد ،و أنا دخلت عادى و خايفة شوية بس بعدها دخلت المطبخ عشان أحد من أقاربى بيعمل لنا الشاى فدخلت للمساعدة و لاقيت القط الجديد (بابسى) قاعد على الرخامة و أنا أظهرت تعبير على وجى يقول أنا خايفة ألحقونــــــــى :eek:و بعدها نزل (بابسى) من على الرخامة و أنا بدأت أطلع من المطبخ براحة مرضيتش أجرى عشان ميجريش ورايا ،
و بعدها بابا قالى: أقفى مكانك
القطة المشمشية: بابا أنـ......
بابا قالى: أقفى فى مكانك
لاقيته جاى على رجلى و قعد يتمسح في رجلى كتير و انا مستغربة:rolleyes: ....و قلت فى نفسى هو مستلطفنى ولا أيه........!:)
أحد أقاربى شجعنى عشان أتصور معاه و هو كان خايف من الكاميرا شوية و أتصورت معاه
و بعدها قعدت ألعب معاه لحد لما أتعودت عليه ،و خوفى من القطط راح باى باى...... بصراحة (بابسى)كان لطيف معايا ........(((النهاية السعيدة
==============
هذه قصتى مع القطط .....قصة واقعية
و أنا دلوقتى عاوزة قطة :شيرازى ،مون فيس ،بيضاء ،بعيون زرقاء أو بنى
بس أنا ...... ممممممممممممـ بس أنا مش بحوش مصروفى لأنى مسرفة قليلا و أنتم بقى عارفين أنا بنت و بحتاج حاجات كتير
عشان كدة أنا نفسى فى قطة للتبنى أعتنى بيها و أرعاها
أن شاء الله تكون عجبتكم قصتى
تحيـــــــــــــاتى