منتديات تو زوو - استفسار مهم يااخوان

منتديات تو زوو (http://www.2zoo.com/vb/index.php)

- سؤال و جواب لقسم هواة الكروان (http://www.2zoo.com/vb/forumdisplay.php?f=96)

- - استفسار مهم يااخوان (http://www.2zoo.com/vb/showthread.php?t=333956)

استفسار مهم يااخوان

السلام عليكم
اشتريت زوج كروان واثناء النقل باضت الانثى بيضه في القفص لانه ماكان فيه بياضه وركبت البياضه ووضعت نشارة الخشب وباضت بعد يومين بيضه ايضا في القفص خارج البياضه واكتشفت ان فتحة البياضة صغيره عليها ورحت وسعت البياضه ووضعتها من جديد وشلت البيضتين وحطيتهم بالبياضه والانثى ماقربت من البياضه ابدً مع انه اول ماحطيتها كانت تقرب منها وبعد ماوسعت فتحتها ماقربت ابد وتحسهم هي والزوج مافي توالف كثيير بينهم علما باني حاطهم في غرفه مستقله بالقفص ومرره حذرييين وش الحل افيدوني طبعا البيضتين داخل البياضه وماحضنت عليها لها الحين 4 ايام تقريبا من باضت البيضة الثانية \

ارجو افادتي

رد: استفسار مهم يااخوان

وعليكم السلام

اخوي اولا خلي كل شي مثل ماهو وخليهم يتعودوا على المكان الجديد ولاتشيل هم البيض والبياضه بعد مايتعود على المكان وعلى البياضه إن شاء الله راح تمشي امورهم بالسليم ولاتستعجل عليهم يعني براحتهم واتمنى لك التوفيق اذا ماهو بالانتاج الحالي الانتاج القادم باذن الله

رد: استفسار مهم يااخوان

لو ماكان في تحضين للبيض فـ خلاص يعتبر البيض فسد

لان من الاساس الانثى باضت بالمكان الخطاء

وانت لمست البيض (مسك رائحة يدك) + غيرت مكانة

+ احتمال كبير يكون البيض غير مخصب لان على كلامك ان لسة مافي توالف بين الزوج

عموماً

ارمي البيض و ان شاء الله تعوضها بالانتاج الجاي

والانثى اللي عندك باين انها منتجة و الدليل انها باضت من دون بياضة!

الله يبارك لك فيها و بالتوفيق ان شاء الله

رد: استفسار مهم يااخوان

عسى الله يوفقكم مشكورين وماقصرتم

رد: استفسار مهم يااخوان

البيضتين يوم رميتها طلع فيه صفار بيض الثنتين هذا دليل على انها كانت مخصبه؟؟

وبالنسبة للزوجين اول ماجبتهم كانوا شوي ماخذين على بعض الحين انا مادخل عليهم كثير بس كل مادخل عليهم القى كل واحد في زاوية ونادر مالقاهم جنب بعض