|
عندي الانثى تتصرف تصرفات غريبه
السلام عليكم ورحمة الله وبركاتة انا عندي فرخ كوكاتيل واهي انثى وكنت مخربطه بعمرها رجعت احسب لها من تاريخ فقسها ولقيتها باقي لها 3 ايام تكمل 6 اشهر بالضبط واهي جداً اليفه تروح وترجع لي الحمدالله والسلاكه مافيها غيرها تطلع وترجع وامس كان عندها زوج كوكاتيل ذكر وانثى لاكن مو لي لاخوي ووطيرهم كلهم يعني قبل كان موجود ذكر واليوم اشوفها تدخل للبياضه وتطلع وتدخل واكلمها اناديها تسويلي صوت وغوغه خفيفه وتدخل البياضه وطلع وتوقف عند الباب العش وش معنى هالحركه ؟؟ اهي بعدها صغيره حتى 6 اشهر ماكملو وش تنصحوني اسوي وشو معنى هالتصرف ؟ هل اجيب لها ذكر؟؟ اهي انا مااحبسها تروح تطير وترجع ولو حبستها مشكله تصر مثل المجنونه تبا تطلع لاني عودتها ولو جبت ذكر وصرت اطلعها ويظل لحاله . |
رد: عندي الانثى تتصرف تصرفات غريبه
وعليكم السلام ورحمة الله وبركاتة
انا سمعت ان بعض الكروانات تصل لسن البلوغ في وقت مبكر اعتقد الانثى طالبة التزاوج وقريب راح تنتج انا اقترح عليك تخلينها علطول بالسلاكة وتجيبي لها ذكر مع ان الخبراء بالكروان ماينصحون بالانتاج في عمر اقل من سنة لكن الخيار بالنهاية لك .... -- موفقة انشاء الله |
رد: عندي الانثى تتصرف تصرفات غريبه
شكرا لك على الرد لاكن ليش الخبراء ماينصحون بالانتاج بعمر اقل من سنه ؟؟ انا مايهمنى الانتاج اهم شي عندي هالطير صحتها اهم شي ولو خليتها على طول بالسلاكه كله تصارخ تبا تطلع يوميا الصبح لازم اطلعها حتى لو شوي مااقدر احبسها على طول |
رد: عندي الانثى تتصرف تصرفات غريبه
اعتقد بسبب عدم جهوزية الانثى بشكل كامل ...
وبالتالي قد تتعرض لمشاكل صحية (لاسمح الله) و احتمالية كبيرة في عدم نجاح الانتاج لعدم الخبرة الكافية وسمعت كذلك لو انهكنا الانثى بالانتاج في سن مبكر لما تكبر راح يكون انتاجها قليل.. يعني ذلك سوف يؤثر عليها سلباً بالمستقبل.. اعتقد مافي داعي لوجود البياضة دام ان الانثى ماعندها ذكر وبالاساس هي صغيرة على الانتاج انا من رأيي انك تشيلي البياضة .. واذا اصبح عمر الانثى اللي عندك سنة تقدري تنتجي منها .. -- موفقة ان شاء الله |
رد: عندي الانثى تتصرف تصرفات غريبه
طيب انا افكر اجيب لها ذكر عشان ماتضل لحالها ماعندها اي طير وبشيل البياضه هل عادي اجيب ذكر؟ .... بس انا مااريدها للانتاج فقد يكون معها ذكر |
رد: عندي الانثى تتصرف تصرفات غريبه
مافي مشكلة...
لكن لو تصبري شوي علشان تتأكدين ١٠٠٪ انها انثى لانها لسة صغيرة ومابعد يوضح جنسها بشكل كامل . لكن اذا انتي متأكدة خلاص جيبي لها ذكر علشان يتعودون على بعض من الآن -- بالتوفيق |
رد: عندي الانثى تتصرف تصرفات غريبه
ان شاء الله الله يوفق الجميع يارب واشكرك على اجابتك على كل أسألتي الله يعطيك العافيه |
رد: عندي الانثى تتصرف تصرفات غريبه
:88: أسترجعت الزوج اللي طيرهم اخوي الذكر والانثى :12: طبعا اهم مارجعو البيت بس كانو بالشجره اللي قدام البيت طيرت لهم طيري وحطيت القفص والاكل والماء داخله دخلو ياكلون وركضت سكرت الباب ويطير الذكر ومسكته ودخلته كنت متخبيه ورا الشجر :88: اثاري الصيد حلو ممتع الحمدالله الحين طيري مو لحاله لاكن الله يستر الزوح تعبانين بس يومين برا البيت وتعبانين والذكر تعبان اكثر من الانتى حتى انه مااكله بس ان شاء الله يتحسنون وبعطيهم خلطة اليمون بالثوم . |
رد: عندي الانثى تتصرف تصرفات غريبه
انصحك بإعطائهم البيض المسلوق لكي يستعيدون نشاطهم
لأن البيض المسلوق يحمل بروتينات والبروتينات تقوم بتعويض الطيور مافقدت من بروتينات اثناء التعب والله يبارك لك فيهم وبالنسبة للأنثى انصحك ان لاتضعينها مع ذكر .. لانها صغيرة انتظري 6 شهور اخرى حتى تنضج تمام النضج وتصبح اقوى من ناحية الجهوزية هذا والله تعالى اعلم |
رد: عندي الانثى تتصرف تصرفات غريبه
اقتباس:
شكرا على النصيحه عطيتهم بس مارضو ياكلون والحين خلاص صارت السلاكه ظلام وقت نومهم الصبح ان شاء الله برجع احط لهم مره ثانيه الذكر اللي موجود عنده انثاه مايهتم للانثى الصغيره لانه قبل فتره انتجو وطلع البيض مو ملقح واشوفهم دايمن يبون يجهزون لانتاج ثاني فكل مايقرب طيري يضربونه يعني عادي حتى لو البيضاه موجوده دام الزوج موجود راح يطردون الانثى الصغيره ما تقرب |
| جميع الأوقات بتوقيت GMT +3. الساعة الآن 12:50 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو