|
شيء غريب في قطتي؟؟؟
السلام عليكم ورحمة الله وبركاتة
انا اليوم اشتريت قطة بس بعد ما وديتها البيت كانت جالسة بحضني وانا امسح على شعرها حسيت بشيء غريب لما باعدت شعرها وجدت مثل دمل او ثؤلول بجسمها ولاقيت تقريبا معظم جسمها مليان بس ما ادري وش اسوي بها هل ارجعها للمحل او في علاج والدمل هذا او الثؤلول لونه غريب قريب من الرمادي الغامق وفي بعضهم لونهم زهري فاتح ارجو منكم المساعده مع انها نشيطة وتاكل دراي فود مجفف ولونها يهبل ابيض على بيج وعمرها 4 شهور اتمنى المساعدة |
رد: شيء غريب في قطتي؟؟؟
ونسيت اقول انها تطلع صوت غريب مثل الخرخرة هل هذا يعني ان عندها برد
|
رد: شيء غريب في قطتي؟؟؟
حطي صوره للمشكله
ممكن يكون تكتل بشعرها ومسبب فطريات بس حطي صور افضل |
رد: شيء غريب في قطتي؟؟؟
الخرخرة طبيعية معناتها القطوة مرتاحة ومبسوطة فيكي
صوري الدمل وافحصي اذونها هل فيها لون اسود؟ |
رد: شيء غريب في قطتي؟؟؟
والله حاولت اني اصور الدمل
بس شعرها طويل بالحيل ومو عارفه اصورها لأنها تتحرك راح احاول ادور بالانتر نت على صورة تشبه اللي عندها وارسلها لكم بإذن الله والنسبة للأذن في اسود خفيف |
رد: شيء غريب في قطتي؟؟؟
هذه الصورة تشبه اللي بقطتي الصورة في رابط\
https://www.google.com.sa/url?sa=i&r...84782175020327 |
رد: شيء غريب في قطتي؟؟؟
هاللي في الصوره فطريات سببها تكتل الشعر
مشطي شعرها يوميا لو استصعب تمشيطها بتحتاجين قص شعرها لان تكتل الشعر مب زين ... وبتستخدمين شامبوو خاص للفطريات بس من الافض انج تحاولين تصورينها صعب انج تشابهين حاله بالنت بحالة قطوتج لا تغامرين خيتووو وحاولي وياها وهي نايمه صوريها |
رد: شيء غريب في قطتي؟؟؟
اهلين ياقمر
بخصوص الدمل تقولين هو منتشر في معظم انحاء جسمها لذلك ما اعتقد انها فطريات ابدا اظن انها براغيث ونقط الدم اللي تشوفينها هذي اثار قرص البرغوث بالجسم لازم صوره لها مايصلح صوره اخرى كل حاله وتختلف عن الثانية بالنسبة للخرخرة ابد هذي معناها انها راضيه مطمئنه معك ملسي عليها علشان تسوي خرارخه وتنبسط :) في انتظار الصوره .. |
رد: شيء غريب في قطتي؟؟؟
شكرا جزيلا على ردودكم
بس انا الصراحة رجعتها للمحل لأني حسيتها تعبانه حيل وماهي عارفه تمشي زين وجالها اسهال والصراحه المحل اعطاها لي اجربها يومين بس خفت من اللي عندها وورجعتها وان شاء الله ممكن اجيب وحدة ثانيه جديدة بس اصغر منها عشان اطمن انه ما عندها امراض وشكرا جزيلا على الردود واسفه لو كنت ازعجتكم |
رد: شيء غريب في قطتي؟؟؟
نحن للأسف نشتري حيوانات من هالمحلات اللي اصحابها مايعرفون الرحمه من الاساس
وبعدين نرجع الحيوان اذا لقينها تعبان او غير مناسب يعني لا قدرنا ننقذ الحيوانات من المعاناه اللي فيها ولا قدرنا نقاطع هالمحلات التجاريه الجشعه لذلك لاتزال معاناتهم مستمرة شي مؤسف فعلا و مأساه حقيقيه موفقه اختي خير يغلق لأنتهاء الغرض .. |
| جميع الأوقات بتوقيت GMT +3. الساعة الآن 11:42 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو