منتديات تو زوو - سؤال بخصوص القطط

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - سؤال بخصوص القطط (http://www.2zoo.com/vb/showthread.php?t=326155)

سؤال بخصوص القطط

السلام عليكم ورحمة الله وبركاتة
....
.....
......

من كم يوم شفت قطط (شوارع) فقررت اني اعتني فيهم بس المشكلة اني ماعرف شو ياكلون فابي طريقة اسوي اكل حقهم بندون مااروح واشتريلهم يعني اسويه في البيت حق والام وعيالها

الاسئلة واتمنى الاجابة سريعاً:

شواقدم لهم اكل بسيط ويحبونة؟

هل في طريقة عشان اصغار يتعودون علية ؟

هل الصغار اقدم لهم اكل مختلف عن الام (اذا هي مثل شو) ؟

هل الام تستطيع ان تنجب اطفال مجددا وكيف ؟

وكم يوم تقريبا يحتاجون عشان يتعودون علية ؟

رد: سؤال بخصوص القطط

قطط الشوارع ما أظن تقدر تربيها بسهوله

رد: سؤال بخصوص القطط

اهلين ياقمر

لا بالعكس تربيه قطط الشوارع مافي اروع ولا اسهل منها بس يبيلها واحد صبور وحكيم شوي

الواضح من كلامك انهم مجموعة كيتين مع امهم صحيح ؟

هذا اكل بسيط وماتحتاجين تشترين له شي من برا كله متوفر بالبيت :

جيبي انواع خضار ( كوسه - جزر - قرنبيط - بطاطس ) وقطعه دجاج ( رجل مثلا )

اسلقي الدجاج في مويه بدون بهارات وبعدين طلعيها وقطعيها قطع صغيرها واتركيها تبرد

وفي مرقه سلق الدجاج اسلقي الخضراوات بعد تقطيعهم مكعبات

وبعد السلق صفيهم واخلطيهم مع قطع الدجاج وانتظريهم يبردون وبعدين قدميهم للقطط

وممكن تحتفظين بباقي المرقة لليوم التالي تسلقين فيها خضار مره ثانية النكهة بتعجبهم مع الخضار

وممكن تقدمين لهم خبز وجبن اوبيض مسلوق او تونه يعني نوعي لهم

بس اهم شي مايكون في الاكل اي بهارات

وبالنسبة للتعويد انتي محتاجه تروضين الام بالاول لانها الاساس وبعدين بيسهل عليك ترويض الصغار

هذا الموضوع اكيد بيفيدك

http://www.2zoo.com/vb/showthread.php?t=248046

طبعا اكل الصغار يختلف عن اكل الكبار لازم نعرف عمرهم حتى نحدد الاكل المناسب لهم ..

اكيد الام تقدر تحمل وتولد مره ثانيه بس بالاول راح تفطم الصغار وترعاهم

وبعدين بتطلب تزاوج ويتزوجها الذكر المألوف لها وغالبا يكون نفس الذكر في كل مره

وفتره الترويض اكيد تعتمد على شطارتك لازم تكونين صبوره وهاديه

وان شاء الله بيصيرون قطاوتك ويقبلون يدخلون بيتك وتربينهم عندك :)

بصراحة اشجعك على هذا المشروع وبتستمتعين وتتلعمين منه كثير

واي استفسار انا حاضرة ..

رد: سؤال بخصوص القطط

شكراا على الرد ( فاتو )

رد: سؤال بخصوص القطط

عندي سؤال

من كم يوم القطط ماتجي ( اختفوا ) بس في بسة من عيالها تجي لحالها وتعمل صوت هل في سبب؟ وين ممكن يختفوا ؟ و هل الغلط مني؟

رد: سؤال بخصوص القطط

اكيد انتي مالك علاقه

القطط تحب التنقل والتجوال واكيد وجدوا مكان اخر مناسب لهم

او انهم ضاعوا وتشردوا .. تصير كثير خصوصا اذا كانوا الكيتين كبار شوي ويعتمدون على نفسهم

اهتمي بالصغير واحتمال الام ترجع او احد منهم ..

رد: سؤال بخصوص القطط

تقدري تقدمي له حليب او زبادي
وصراخه مناده لا
لاخوته
واسهل طريقه ليعتاد عليك
هي تقديم الطعام له ومنادته باسم من اختيارك ليعتاد عليه
وبارك الله فيك وجزاكي خير