فرخ هولندي .. وبعض الاسئله ؟
 

السلام عليكم اخواني الكرام..

بعد مده من الانقطاع عن تربيه الطيور عدت اليها ببغاء كاسكو هولندي فرخ عمره اربعه الى خمسه اشهر محجل حجل ذهبي وعليه رسمت راس طير وبعض الارقام التي لم اعرف معناها والطير مشاء الله ذكي وحار ولكن هناك بعض الاسئله اريد اجوبه لها من واقع خبرتكم ..

1- هل الترويش في هذا العمر يسبب اضرار ؟

2- هل لو وضعت له فتمينات في الماء تضره بهذا العمر ؟

3- والطير له اسبوع عندي ومعوده على الاستاند والحريه فهل تضره في عدم التعلم للكلام ولو خليته في القفص افضل ام لا ؟

4- ماهي افضل الطرق لتعلم الكلام في هذا العمر ؟


واخر شي أي احد عنده معلومه للفائده لا يبخل علينا....

وشكرا ...

رد: فرخ هولندي .. وبعض الاسئله ؟
 

رد: فرخ هولندي .. وبعض الاسئله ؟
 

ما شاء الله عليك أخوي أسير كفيت ووفيت بس حبيت أزيد علي كلامك وهي اهم نقطة بالنسبة للفروخ الهولندية أبعادها عن التكييف والتيارات الهوائية وأركز علي التيارات الهوائية لانه بعمر صغير جداً

رد: فرخ هولندي .. وبعض الاسئله ؟
 

على البركة والله يخليه لك وتشوف منه من الابداع والكلام مايسرك

شوف الهولندي يبيله اهتمام ورعاية فائقة انتبه تروشه في هل عمر انتضر الين تبدا عيونه تفك من السواد وتصير عسليه او رماديه يعني انس التورويش في الوقت الحالي

الاكل لا تلخبط عليه حبوب مشكله وحبتين سوداني في اليوم ومرتين في الاسبوع تشكيلة بقوليات ذره فول حمص تطبخها له ساعه وتغسلها وتعطيه مهمه جدا جدا

خلطة الثوم والليمون مره في الاسبوع تكون خفيفه عشان ما تضره وتخليها قدامه ثلاث ساعات وتشيلها

خل التفاخ الاصلي ملعقه على لترماء مرتين في الاسبوع

الخل عشان الدود والوقايه من التسييف

تعطيه كورس مضاد كل شهر ثلاث ايام ويكون مضاد خفيف مايتعب الطير

الفتامين مهم جدا مره في الاسبوع

وطبعا فيه نقطه مهمه الماء لازم يكون نقي موية صحه انتبه تعطيه من الحنفيه

واخيرا طبعا الهولندي متعود على الغر با الابره اشتر ابرة غر او اي ابره وغره بأي شي كل اسبوع مره لوتغره بمويه

الهدف من الغر وعدم قطع هذي العادة عشان لو مرض عليك لاقدرالله يقدرتغره با الاكل والدواء ويكون استفادته من الاكل والدواء كامله

ولا تنسى الشتاء ع الابواب والجو برد الان غطه با الليل بشي متيه خل فتحه بسيطه عشان ماينكتم

واذا جنبه دريشه لا تفتحها ابد التيارات الهوائية مضره جدا له

الهولندي اذا تعدا سنه يكون زال ثلاث ارباع الخطر عشان كذا لازم تنتبه له هل خمس اشهر

اللين يكبر وبتوفيق اخوي وانا عطيتك نصيحه من تجارب سابقه وحاليه مع هذا الطائر العجيب الهولندي ذكي جدا ولا تحرص ع الكلام راح يتكلم عن قريب بس احرص كل الحرص على صحته بيتكل وبيبدع بس انتبه له

بتوفيق اخوي


تحياتي للجميع

رد: فرخ هولندي .. وبعض الاسئله ؟
 

مبروك الطير اختي الفاضله

وعودا حميدا لتربية الطيور

طبعا ما تفضل به الاخوان فهذا كله اساسيات مهمة لتربية الفروخ

ولكن هناك بعض النقاط الهامه وخاصة لفروخ الكاسكو الهولاندي

النقطة الاولى وهي ان هذه الفروخ قد تم انتاجها داخل مزارع من اول يوم تفقس البيضة وبالتالي فالاهتمام يحب ان يكون بالشكل المثالي يعني الماء اللي بالمشرب يجب ان يكون ماء صحي هذه النقطه جدا مهمه

النقطة الثانية وه الاكل الاكل يجب ان يكون اكل الباروتس اللي هو الاكل الصحي او اكل من داخل منزلنا مثل العيش بدون اضافات والخبز وهذه الاشياء والفواكه والبذور والاكل الخاص به مثل الخلطات مرتان في الاسبوع .

هذا النقطتان اهم شي ، الترويش ليس الان اطلاقا بعد الشتا بإذن الله على شهر مارس يكون الطير شد عوده ودخل في السنة الاولى له .

من المهمم جدا تغطية القفص وضع غطاء على القفص من الثلاث جهات ما عادا الوجه و بالطبع المكان يكون جوه معتدل لا بارد ولا حار

الفيتامينات فيتامين امينو فيت خمس نقاط في المشرب مرة في الاسبوع

وبالتوفيق

رد: فرخ هولندي .. وبعض الاسئله ؟
 

اتفق مع اخوي شرارة في نقطة الغر ... أحد طيوري الكاسكو عمره قريب السنه وللحين اغره مرتين بالاسبوع

واحطله مع السيرلاك كل الفيتامينات وايضا خلطة الثوم بالليمون اغره فيها مر كل اسبوعين

وهذا الشيء فادني كثير عكس طيوري الي ما تقبل الغر اتورط في كيفية ايصال الادوية والفيتامينات

لا تقطيعن عنه الغر ولكن قلليه

واذا الطير ما تكلم معك لا تيأسين انا احد طيوري يأست منه لحد ما صار عمره قريب 9 شهور

وانفلت بالكلام

رد: فرخ هولندي .. وبعض الاسئله ؟
 

الله يعطيكم العافيه ياخوان بصراحه الواحد من دونكم بتكون اغلاطه كثير في التربيه مشكورين ..
يعني انا الي عرفته منكم انو الترويش في سنه ذا يضره طيب هوه دايم يحك نفسه كثير وينفض جسمه وشو السواه معاه ؟

طيب انا بعد يومين طالعه منطقه بارده وباخذ الطير معايه وماقدر اخليه لازم اخذه .
والسؤال كيف احميه من البرد وماهي الطرق افيدوني الله يخليكم لنو مابي الطير يمرض او افقده لا قدر الله ..

رد: فرخ هولندي .. وبعض الاسئله ؟
 

رد: فرخ هولندي .. وبعض الاسئله ؟
 

الحكه ونفض الريش والجسم هذه غريزه طبيعيه في الطيور وكذا تكون تصفف ريشها وترتبه.

حاول تستعمل قفص صغير للتنقل وحاول تلفه بالنايلون الذي يستعمل لتغليف الاطعمه عدا الواجهه الاماميه


بالتوفيق
أخوك رمزي

رد: فرخ هولندي .. وبعض الاسئله ؟
 

جزاكم الله خير اخواني على الافاده ..
الحمدلله تم شراء البرقع حق القفص ..
واي حدث راح يصير معي مالي غيركم تفيدوني تسلمووون .