|
مشكلة مع قطي الرضيع!
السلام عليكم ورحمة الله وبركاته
أنا عندي قطتين رضيعه تقريبا عمرهم إسبوع وضعاف جداً حصلناهم في الشارع أيتام! واحد منهم يمصمص صباعي يعني أحسن من أخوه لأن أخوه معاه زكام وأنفه مسدود موقادر يتنفس ومايفكر يرضع أبداً غير بالقوة يعني معاه فقد شهيه وكمان عيونه موزي أخوه بعيونه لأنها بتنزل إفرازات وصايره مقفولة! مسحتله عينه وفتحت شوي لكن طلعت لونها أحمر واليوم رجعت قفلت ثاني من كثر الإفرازات اللي تنزلها !!. فما الحل في هذه الحالة؟؟ أرجوا مساعدتي وشكرا. |
رد: مشكلة مع قطي الرضيع!
اهلين ياقمر
جزاكي الله الف خير . هم الحين لازم لهم رضاعه خاصه بالكيتين تلاقينها بمحلات الحيوان او ممكن هالفكره تنفع معك مجربتها مع الارانب والقطط ونافعة معهم لين اخر يوم بالرضاعة http://2zoo.com/vb/showthread.php?t=317859 وبتحطين بالرضاعه حليب دافي وخالي من اللاكتوز تلاقينه بالصيدليات الحين بتظبطين لهم كرتونه وفيها منشفه وتحت المنشفه بتحطين قاروره مويه دافيه هذي بديل عن جسم الام الدافي حتى مايفقدون درجة حرارتهم اللي انفه مسدود نظفيه له ونظفي عيونهم وبعدين بتحطين بعيونهم الثنتين قطره بروزلين من اقرب صيدليه واللي عينه حمرا بتحطين له بعد القطره مرهم سيبروسين او تراميسين كلهم من الصيدليه البشريه اهم شي التدفئه والارضاع كل 4 ساعات ومسح المؤخره بقطنه مبلله لتحفيز التبول بعد كل مره يرضعون فيها .. |
رد: مشكلة مع قطي الرضيع!
مشكورة أختي فاتو على الرد والمعلومات لكن عندي سؤال اللي هو كيف أعالج المزكم من الزكام خصوصاً إنه رضيع؟ وأنفه أنا بس مسحته خارجياً لكن داخلياً كيف أنظفه له؟ مرره ينزل سوائل ومسدود موقادر يتنفس غير بصعوبة أنا قلت يمكن مايشرب بسبب كذا بسبب إنه لما يشرب مايقدر يتنفس لا من أنفه لأنه مسدود ولا من فمه لأنه جالس يشرب منه فعشان كذا مايشرب صح؟ أرجوا الإجابة على أسئلتي ولكي فائق التقدير والدعاء من القلب إن شاء الله.
|
رد: مشكلة مع قطي الرضيع!
تسلمين لي ياقمر
شوفي هو محتاج لمضاد حيوي بس صغير عليه حاليا قطره بروزلين تنفع تنقطين منها في انفه وبتنفتح ان شاء الله واضيفي القليل من العسل الطبيعي في الحليب بيساعدة على الشفاء |
رد: مشكلة مع قطي الرضيع!
إلحقوني عندي حالة طوارئ قطي على وشك الموت! أرجوكم ساعدوني ماأبغى أكسب إثم بسببه لأني أعترف إني كنت مقصره معاه بسبب الرضاعه لأنه مايرضع وخفت أرضعه بالقوة ويشرق ويموت! أرجوكم ساعدوني (لوأنقذتوا نفساً من دخول النار سينقذكم الخالق الرحيم من دخولها إن شاء الله وكما تدين تدان!!)
|
رد: مشكلة مع قطي الرضيع!
اقتباس:
والله ان حالتي مثلك شاري قطه لي اسبوع واليوم مرضت والبيطري قال كلام مو زين عنها وخايف اخذ اثمها كملي جميلك ووديهم بيطري , لاني عارف الحاله اللي تمرين فيها ( سوء تصرف ) :( |
رد: مشكلة مع قطي الرضيع!
وش صار عليها طمنيني ياختي
انا متابعة معك طمنيني .. |
رد: مشكلة مع قطي الرضيع!
لها قد إيش وهي بس نايمة ماترضع أبداً وإلى الآن زي كذا كانت على الأقل تمشي أول ذحين ماتقوم من فراشها وأحس الجفاف فيها تعدا حدوده ورضعتها بالقوه وبعد 5 دقايق تقريباً رجعت الله يكرمكم كل الحليب اللي رضعتها ونزلت فضلات بس قليل مرره وسائله وصارت لمني أشربها ماتحس إني جالسه أشربها يعني ماتبلع نهائي! الله يستر والله إني خايفة على نفسي الله يخليكم ساعدوني!
|
رد: مشكلة مع قطي الرضيع!
حاولي ترضعينها بالطريقه الصحيحه تكون معدوله وترفعين راسها على فوق
وجيبي لها محلول جفاف بيبي لايت من اقرب صيدليه وعطيها منه في الرضاعة او بالسرنجه حتى ماتجف وتموت لاسمح الله ودفيها كويس وشوفي كيف حرارتها .. |
رد: مشكلة مع قطي الرضيع!
المشكله في هالعمر ماتقدرين تتحكمين وهو صغير كثيررررر
ماعليج الا تدفينه ولا ماعرف شقولج الله يعينج ويشفيه يارب حطي قاروره دافيه بجنبه زي ماقالتلج فاتو |
| جميع الأوقات بتوقيت GMT +3. الساعة الآن 04:26 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو