استفسار ببغائي طفشان على كثر ماعنده العاب
 

السلام عليكم ورحمة الله وبركاته
اعتذر عن الانقطاع بسبب الاجازه
ببغائي الكاسكو الآن بعمر العشر شهور بدأ يصفر ويقول احرف غير مفهومه وبدأ ياكل من اليد ويطلع على اليد الحمدلله هذا بفضل الله ثم توجيهاتكم والمواضيع المفيدة المطروحه بالمنتدى جزا الله الخير لكل من قام على هذا المنتدى.
سؤالي اليوم الببغاء عندي على كثر الالعاب اللي اقدمله هيا يطالع فيها ولايسوي فيها شي او يرميها وماقد شفته يلعب اصلاََ جبتله خشب وحبال ومناكيش اسنان واغطية ماء ولكن دون فائده اتمنى تفيدوني؟
كلمة واحد صاحب محل طيور قلي ببغائك باقي صغير استنى عليه لين يكبر.
ومع العلم اذا قلبته على ظهره يبغى اي شي يعض فيه فأعطيه غطى الماء فيقد يعض فيه واذا طاح منه يبدأ يعض رجله فإيش اسوي معاه وهل قلبته على الظهر فيها ضرر؟ وينبسط لوقلبته على ظهره وحسست راسه لدرجة انه مره نام وهو على ظهره ماصحاه الا لمن دق الجوال.
عندي سؤال ثاني بالنسبه للأكل ماياكل غير الحب الشمسي والفستق غير كذا ماياكل ودائما انوعله اكل يترك الحبوب وياكل الفصفص بس وسألت واحد قبل شهرين قلي بالنسبة للفواكه خليه يكمل سنه واكله عشان عنده اسهال وانتم بكرامه ومعدته لينه؟؟
نصائحكم لانستغني عنها شكرا لكم

رد: استفسار ببغائي طفشان على كثر ماعنده العاب
 

آسف اخواني بالنسبة لتصفير باليوم مرتين او ثلاث مرات او اذا شغلت مقطع لببغاء يصفر يبدأ يصفر كلها على بعضها نص ساعه احس انه طفشان؟؟ مع العلم مافي الا انا وهو مافي احد غريب وآسفين على الاطاله

رد: استفسار ببغائي طفشان على كثر ماعنده العاب
 

رد: استفسار ببغائي طفشان على كثر ماعنده العاب
 

شكرا اخوي رمزي ماقصرت بس حبيت استفسر هل هناك ضرر لو عض رجله وهو على ظهره لأنه اشوفه يعض بقوه ودايماًً احاول امنعه؟؟
والشي الثاني انا دايماً لمن اطلع الدوام اشغله راديو وامشي هل يضره بنطق الكلمات او يشوش على ذاكرته ولمن ارجع من الدوام اقعد معاه ساعتين وارجع انام واقابله مثلاً بعد اربع ساعات بعدين مافي الا انا وهو بالبيت مافي لا اطفال ولا شي مقابل وجهي على طول حتى صرت احسه طفشان مني من كثر مايشوفني امزح امزح هههههه وشكراً جزيلاً لكم

رد: استفسار ببغائي طفشان على كثر ماعنده العاب
 

لا يخوي انا لما ادرب الطيور على النوم على ظهره تعض رجلها ولا جاني أي ضرر

والراديو شغله له دامه الحاله فالبيت ههه شكله طفشان ما شاء الله شغله يلقط منك كلام ويلقط من الراديو او شغل له القرأن حلو له وحلو للبيت
هههههههههههه طفشان منك انتبه بس يطردك من البيت ما شاء الله عليه الله يحفظه
تحياتي
ابو سدران

رد: استفسار ببغائي طفشان على كثر ماعنده العاب
 

رد: استفسار ببغائي طفشان على كثر ماعنده العاب
 

اخواني الكرماء
طيب الطير لمن يقعد يرفرف وش معناته بالذات اذا كنت بالغرفه وهو بالصاله او حتى لمن يكون معاي بالغرفه ؟؟
وهل من الممكن ان اجعل الطير جريئ ويتحدث امامي؟؟
شكراً لكم ولتواصلكم ماقصرتوا وآسف على الاطاله بالموضوع وكثرة الاسئله...

رد: استفسار ببغائي طفشان على كثر ماعنده العاب
 

الحين حيرتوني واحد يقول خليه على الراديو وواحد بيقول الراديو يشوش على ذاكرته مافهمت عليكم انا سمعت في ناس بيقولو خليه عند الراديو او التلفزيون وسمعت ناس بيقولو يشوش على ذاكرته فإلى الآن ماعرفت حيرتني يازماني...

رد: استفسار ببغائي طفشان على كثر ماعنده العاب
 

اسمع شغل لك كلمه بصوتك زي ما قالك اخونا رمزي
او انك تشغل قران حلو له وللبيت

طيب الطير لمن يقعد يرفرف وش معناته بالذات اذا كنت بالغرفه وهو بالصاله او حتى لمن يكون معاي بالغرفه ؟؟

ومن نحاية رفرفة الجناح شئ طبيعي تمارين الصباح عنده ما شاء الله عليه ههههههههههههههه

وهل من الممكن ان اجعل الطير جريئ ويتحدث امامي؟؟

ممكن ليش لا بس اول شئ شيل الخوف من الطير واكسب الثقه ولقنه بعدين شيله لي المرايه وردد له الكلمه الي حافظه وان شاء الله راح ينطقها ويصير جريئ

تحياتي
ابو سدران

رد: استفسار ببغائي طفشان على كثر ماعنده العاب
 

يعني رفرفة الجنحان مالها تفسير او يبغى يجي جنبك؟؟
اشغلتك معاي اخوي فيوزي ( ابو سدران)