|
ماهي افضل واسرع طريقه لكسب الثقه ؟!
السلام عليكم
عندي الكاسكو سريع التعلم ، لكن الثقه معدومه في مسأله تدريبه على عدم العض في يومه بطل يعض . مع انها كادت تنتكس قبل يومين واكتشفت ان سببها استفزاز الطير ودربته على عدم العض اذا استفزيته كالقبض على منقاره الخ ونجحت في يوم التدريب الاول . خلاصة الكلام اللي فوق ان الكاسكو ذكي وقبل يتعلم ، لكن تبقى مشكله واحده هي عدم الثقه بتقول لي كيف اقول لك . استغلال جميع الفرص للهروب ، اكون حاطه بحضني وامسح راسه اوخر يدي عنه يهرب . اقرب من القفص يطلع فوق بالقفص ويجعر ، مع العلم انه اذا كان في حضني 90٪ تختفي التجعير . وبالقفص ادخل يدي عليه مايعض يعني مافيه دفاع عنده مطمن اني ماراح أوذيه. الاكل صار ياكل من يدي طبيعي بدون تجويع. ماشاء الله ما ادربه على شي الا يلقطه من اليوم الاول صحيح تحصل انتكاسات او بالاصح عناد الا انه يرضخ بالنهايه اخواني واضح اني كسرت حواجز كثيره الا حاجه وحده الثقه ماهي اسرع وافضل طريقه لكسبها ؟ واسف على ازعاجكم في كثرة الاسئله والاطاله في الموضوع لكن ماطولت فيه الا لتقيمي في الطير وافادتي اذا كنت مخطىء وجزاكم الله خير |
رد: ماهي افضل واسرع طريقه لكسب الثقه ؟!
ماشاء الله نبغى ناس زيك لكن تبغاه مايشرد عنك دس القفص ووكله من يدك وكله كل يوم من يدك من دون القفص ثم بعدين يثق فيك يعرف انك انت توكله من دون القفص تدري ليش هو يروح للقفص لاءنه يجد الطعام فيه لكن اذا وكلته من يدك من دون القفص رح يثق فيك واسف علىالتاخير :):)
|
رد: ماهي افضل واسرع طريقه لكسب الثقه ؟!
وعليكم السلام
ماشاءالله تبارك الله احرزت تقم رائع في ترويض طيرك وانا اقولك خلاص كذا الطير مروض ووضعه اوكيه واللي اعجبني في كلامك انك حددت المشكلة وقلت عدم الثقه ومعرفة المشكلة نص حلها نصيحتي لك خلاص لاتضغط على الطير انت سويت اللي عليك وزيادة الان الباقي على الله ثم الطير وكسب الثقه انا عندي لك طريقتين اول شي الاكل وثاني شي طول منت جالس في البيت خل الطير جنبك واذا عندك وقت لاعاد تحط له اكل في القفص وكله من ايدك ثلاث مرات في اليوم ونزل القفص في الارض اذا جيت توكله وخله يطلع على الارض واكله وانت جالس متربع وداعبة على خفيف وابعد عنه مترين وناده واكله سبوع على هل حال راح يوثق فيك ويحبك وزي ماقلت لك وقف ترويض بس ذكره با الحركات اللي علمته مرتين في اليوم يبيله فتره وراح يكون حمامه بين ايديك وعلى ما اعتقد طيرك عمره فوق السنه ونص عشان كذا يبيله وقت وذا جلسته جنبك لا تضايقه كثير خله على راحته مسألة وقت وراح يجيك بنفسة اتمنا لك التوفيق اخوي |
رد: ماهي افضل واسرع طريقه لكسب الثقه ؟!
شوف اخوي كل اللي سويته انت مضبووووط ١٠٠٪
مسألت الثقه دام انه ياكل من يدك بدون تجويع سهله تكسب ثقته بدووووون اي جهد انا جربتها ونجحت معي غير الوقت اللي تدربه فيه وانت جالس افتح باب القفص وخله على راحته يسوي اللي يبي وانسى ان عندك طير وانت ماشي من عنده اسحب عليه لاتكلمه ولا تلمسه خله يروح ويجي على راحته كذا راح يتطمن ويرتاح ويشوف ان الوضع عادي م راح تسوي له شي وبالطريقه هذي مع وقت التدريب راح تشوف الطير يتقرب منك اكثر ويجي لحد عندك * ملاحظه وقت التدريب لا تصير عنيد معه او قاسي عليه |
رد: ماهي افضل واسرع طريقه لكسب الثقه ؟!
مثل ماقالو الاخوان من واقع تجربتي مابدا يدور على لين سرت ماخلي الاكل قريب منه
ولمن يبي ياكل ياكل من ايدي ولمن يكون برا القفص طنشه شوي لين يناديك ( او يصفر لك ) ومع الوقت بتكسب ثقته ان شاء الله |
رد: ماهي افضل واسرع طريقه لكسب الثقه ؟!
اقتباس:
|
رد: ماهي افضل واسرع طريقه لكسب الثقه ؟!
اقتباس:
لكن من ناحيه يجلس جنبي راح احاول فيها وان شاء الله تنجح |
رد: ماهي افضل واسرع طريقه لكسب الثقه ؟!
اقتباس:
كويس ان شاء الله انفذها |
رد: ماهي افضل واسرع طريقه لكسب الثقه ؟!
اقتباس:
خطر يغص < غص علي مره وخفت قلت اكلت ذنبه بس الحمدلله عدت |
رد: ماهي افضل واسرع طريقه لكسب الثقه ؟!
اخي الفاضل..
كل ما توصلت له للآن هو صحيح وممتاز ونتائج مبهره.. وانت في الطريق السليم لترويض الببغاء بشكل صحيح. كل ما تحتاجه هو الاستمرار في التدريب واطعام الببغاء من يدك حتى يوثق فيك ويحس انك انت مصدر غذائه بعد الله سبحانه وتعالى. الافضل تحط الببغاء على ستاند وهذا رح يسهل عليك الترويض... استمر عزيزي في الترويض ولا تيأس ما توصلت له ممتاز جداً.. بالتوفيق أخوك رمزي |
| جميع الأوقات بتوقيت GMT +3. الساعة الآن 12:05 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو