فيه مصدر لبيض الربيان في السعودية وخصوصا الشرقية؟ بحاجة ماسة
 

السلام عليكم

ما ادري اذا الموضوع مخالف او مو مكانه، بس محتاج بيض ربيان حاليا لأني عندي killifish صغار ومتوهق، البيض اللي عندي فسد من الحرارة وقت السفر، ولا عندي دود وحاليا هم بعمر الاسبوع وما ياكلوا الفليك، فياليت اللي عنده خلفية من وين احصل البيض في السعودية وخصوصا الشرقية أكون شاكر له.

رد: فيه مصدر لبيض الربيان في السعودية وخصوصا الشرقية؟ بحاجة ماسة
 

وكلهم القشور تبع الاكل السمك بس اطحنها بحيث تناسب فمهم

تحياتي

رد: فيه مصدر لبيض الربيان في السعودية وخصوصا الشرقية؟ بحاجة ماسة
 

جربتهم ي الغالي بس ما نجح، الاسماك هذي صغيرة جدا اول ثلاث اسابيع

رد: فيه مصدر لبيض الربيان في السعودية وخصوصا الشرقية؟ بحاجة ماسة
 

ايه حبيبنا اطحنه الين يجيك زي الغبار :)

جرب ورد لا هنت

+ معليش على القافه يوم بحثت عن الاسم حلوين من وين جبتهم يا غلاهم :)

+يتربو في عزك انشاء الله

رد: فيه مصدر لبيض الربيان في السعودية وخصوصا الشرقية؟ بحاجة ماسة
 

هذا اللي سويته ي الغالي طحنته بس ما فكروا حتى ياكلوه.

هالسمك مو بس حلو إلا عجيب، ألوان وأشكال خرااااافية، وفكرت حتى اسوي عنه موضوع لأنه ما اشوف احد له تجربة معه هنا، ولا يوجد مصادر عربية له، هالسمك أطلبه من النت إما من ebay ولا aquabid ونظام السمك هذا مو يرسلك سمك حي، لا ، يرسلك بيض السمك مع تراب وترطبه انت في المويه، ويطلع السمك خلال ساعات حسب جودة البيض والحرارة، خلال ست اسابيع يبلغ ويبدا بالتكاثر ، بس متوسط عمره سنة تقريبا، واسعارة رخيصة تقريبا، طبعا يختلف من نوع إلى نوع، مثلا اخر دفعة جتني 100 بيضة لست أنواع من السمك هذا + بيض ربيان = 20 دولار مع الشحن!، بس الفقس أنت وحظك وشطارتك.
شوف هذا الفيديو مقابلة مع كبير مربي هالسمك : http://www.youtube.com/watch?v=Owoc9fEz1Iw
وهنا واحد اتوقع امريكا حط تجربته بالتفصيل من البيضة الى البلوغ بس ما كان مستعد حيل له: http://www.youtube.com/watch?v=htQTYoqFd54

ونفس الشخص بدأ تجربة جديدة بس باحتراف ونزل إلى الآن ثلاث اجزاء منها تحصلها بحسابه.

واذا تبغى روابط معينة بإي باي او اكوابيد لبايعين تعاملت معاهم أرسلتلك روابطهم.

بالتوفيق :)

رد: فيه مصدر لبيض الربيان في السعودية وخصوصا الشرقية؟ بحاجة ماسة
 

اطحنه يا قلبو بطاحونه القهوه الين يصير بودره

ماشاء الله حركه حلوه انهم يرسلون البيض وانت تفقسه

واذا ما افدتك انشاء الله يفيدونك الشباب

بتوفيق

رد: فيه مصدر لبيض الربيان في السعودية وخصوصا الشرقية؟ بحاجة ماسة