فعالية الترويض بالعسل
 

السلام عليكم ورحمة الله وبركاته

اخواني انا عندي كاسكو عمره سنه ونص ، المهم لي شهر في التمسيح على الراس ولا اشوف فيه تغييرات الا الشي القليل
المهم قلت خلني اجرب العسل ، لانه حسب معلوماتي يحبه .

فغرقت اصبعي عسل وعطيته اياه ، اول مره بغاء ينجن ههههههههه
صار يمسح فمه في الفرشه ويعضها وخرب الكنبات .

فاليوم الثاني شفت تغيير كبير فيه .
التغيير كان .
اذا جيت امسح راسه يحشر نفسه بالزاوية ، بس مع العسل صار عادي ولاحشر نفسه ولاشيء
كان يعض عضه خفيفه لاتذكر ، مع العسل صار يلحس اصبعي بس

اللي اشكل علي اني قرأت ان الكاسكو لايتروض الا اذا حس بالامان عكس البلوفرنتد

نصيحتكم يا اخوان هل استمر ام اغير الاسلوب؟

رد: فعالية الترويض بالعسل
 

ماتنجح مع كل ببغاء
في ببغاء يلحس وفيه يعض

رد: فعالية الترويض بالعسل
 

دام في نتيجه
استمر وانت اكثر من يحكم عليه العسل مرتان في الاسبوع فقط
وبالتوفيق

رد: فعالية الترويض بالعسل
 

اي بس لا تكثر عليه العسل ترا يضره وممكن تبل اصبعك مويه وتخليه يلحس او برتقاله تعصرها في فنجال وتغط اصبعك وتخليه يتطعم البرتقال هل طريقه ممكن كل يوم وكل ساعة ماعندك مشكله بس العسل زي ماقالو لك الاخوان يمكن يضره
واستمر طيرك في طريقة لترويض النهائي اذا سمح لك تمسح راسة وينزل لك راسة خلاص كذا تروض ثمانين با الميه
استمر وعليك با الصبر .اتمنا لك التوفيق.

رد: فعالية الترويض بالعسل
 

استمر بس لا تكثر باصبعك مثل ما قلت انت غرف ههههههههههه
لا شي بسيط اهم شي يحس بالطعم وخلها وقت الضروره

رد: فعالية الترويض بالعسل
 

لا ابشرك يابو عبداللطيف هذا تشقق على اللحس هههههه

رد: فعالية الترويض بالعسل
 

مونيبات
النتيجه اشوف انها اختصرت علي كثير من الوقت
ومشكور على التنبيه بخصوص العسل

رد: فعالية الترويض بالعسل
 

لا ابشرك ياشراره يخليني امسح راسه بس في حاله وحدة
اذا حشرته بالزاوية ههههههههههه
وفعلاً ياشراه ماكنت اعرف ان كثرة العسل تضره الا منك
ومن اخونا مونيبات
وان شاء الله بجرب طريقة البرتقال ونوافيكم بالنتيجه
شكراً لك

رد: فعالية الترويض بالعسل
 

والله ياعزوز بغيت اعشق بخامس واواصل ع التجربه
لدرجة اني ناوي احط له صحن عسل واخليه يلحس براحته ههههههه
بس الحمدلله انكم نبهتوني
مشكور ياعزوز