|
فديو جديد لعضوين مهمين في فرقتي المتواضعه فايف كروكو :12:
كل عام وانتم بخير
السلام عليكم ورحمة من الله وبركات اكيد الاغلبيه يعرفون 5 كروكو .. خمس كروانات من انتاجي وتربيتي وتدريبي .... طيب وش الجديد ؟ الجديد يا حبايبي ( إنتاج الخفاش والدللوعه ) عرضي لهاذا الفديو لكسر نظرية الشريطيه اللي تقول (الاليف اذا أنتج يتوحش ) هذا زوج اليف وانتج ولم يتوحش فقط الانثى داخل العش تهاجم وهذا شي طبيعي للدفاع عن الفراخ والبيض ) اذا سألنا ليه تهاجم ( لانها اليفه ولا تخاف من البشر ولو كانت من الاصل متوحشه غير اليفه في الغالب لاتهاجم بل تبادر بالهروب ) اما خارج العش ترجع اليفه وتتقرب منك وتطلب منك انك تلعبها وتطلعها من القفص ... ما اطول عليكم هذي الدلوعه والخفاش والانتاج الاول لهم في عمر سنه تقريبا ... اللي ما يعرف فايف كروكو تفضل شاهد ومتع ناظرك اللهم اني استودعك نفسي وجميع ما املك من طيور فأحفظنا بحفظك يا عزيز يا كريم |
رد: فديو جديد لعضوين مهمين في فرقتي المتواضعه فايف كروكو :12:
وانت بخير وعليكم السلام ورحمة الله وبركاته ماشاء الله تبارك الرحمن طيور جميله وراائعه عجبني اكثر شي الطيران الحر انا احاول ادرب طيوري بس هههههههه يستنذلون فيني مايرجعون كم يوم بعدها يرجع البعض والبعض يروح الله يبارك لك في طيورك ويرزقك تقبل مروري |
رد: فديو جديد لعضوين مهمين في فرقتي المتواضعه فايف كروكو :12:
جزاك الله خير
افهم من كلامك انك مظيع اهم شي في الموضوع وهو السيطره الكامله على المجموعه لازم تكون الهدف ومركز الامان في البدايه لازم تحفظ المجموعه صوتك او كلمات معينه ترشد الطيور للطريق خصوصا كل ما زادت المسافه البدايه وهي الاهم وقد الهدد في المرحله الاولى تطلق كل طير لحاله عشان يركز ولا تشتته اصوات باقي المجموعه وهي في الهواء اما اذا كانت كل المجموعه في القفص ماعدا طير واحد هدد تساعد اصوات اللي في القفص على تحديد وجهت الطير ايضا في وقت التغذيه قبل الفطام حاول تتكلم مع الفروخ لانها تسمع حتى وهي في البيضه قبل الفقس يساعدها هذا الشي على التركيز مستقبلا تحياتي لك واتمنى اشوف هدد طيورك عما قريب ... |
رد: فديو جديد لعضوين مهمين في فرقتي المتواضعه فايف كروكو :12:
انا عندي زوج كوكاتيل مو أليف اول شي بديت بالذكر لين صار أليف 80% او 90% بعدها شريت له انثى ونفس الحاله مو أليفه قعدت عليها لين صارت اليفه وقبل لا ينتجون كان و مقوصين الاجنحه وأخليهم طول النهار مع اكلهم برا بساحة البيت على كيفهم مو محبوسين والمساء ادخلهم وعلى هالحاله لين كبرو اجنحة الانثى صارت تروح وترجع للبيت عشان الذكر وعشان الاكل انا ما علمتها ترجع بس اهي حفظت البيت وترجع ولو بغيتها تجي لداخل غرفتي من دون مااطلع افتح الشباك واحط لها الذكر بقفص والصبح تدخل :88: هذا اول بداية بالتربيه. بعدها ماصرت اطلعهم وانتجو الحمدالله وصار عندي فرخين بعمر شهرين وكله العبهم اهتم فيهم ويسمعون صوتي دايمن حتى اني اوكلهم لاكن بالصدفه طلع فرخ من الشباك ولا لقيته بعدها بكم يوم طلعت الزوج مع الفرخ اللي بقى وطارو ولا رجعو وانا تركت الزوج وورا الفرخ من جدار لجدار اناديه مايرضى ينزل وبعدها راح وجلست بدون طيور بعدين شريت طير جديد قلت يمكن يسمعون صوته ويرجعون وبالفعل كان يطير الفرخ الصباح ولما سمع صوت الطير الثاني وقف عند البيت طبعا اهو مايعرف البيت لانه اول مره يطلع ومايعرف يرجع طلع له اخوي بالقفص وفيه الطير الجديد وحاول يناديه ينزل مارضى ينزل بعدين جيته انا وناديته بعد محاولات نزل وكان مايبيني يبي القفص والاكل 6 ايام برا البيت بدون اكل يدور باب القفص عشان يدخل اما داخل البيت عادي يلعب ويجيني يجلس على كتفي وفوق راسي اسفه على الطاله بس كتبت كيف انا تعاملت معهم الحين متخوفه اني اطلعه برا اخاف مايرجع لاني خسرت زوج وفرخ ومابقالي الا فرخ وهالطير الجديد اخوي عطني رأيك باللي سويته مع طيوري لما اكون معهم لحالي مايبون الا انا اما لو في طيري يتركوني ويروحون له |
رد: فديو جديد لعضوين مهمين في فرقتي المتواضعه فايف كروكو :12:
ماشاء الله تبارك الله
طيور رائعه جدااا وطريقه تربيه وتدريب احترافيه الله يبارك لك فيهم ويحفظهم ويزيدك من فضله تقبل مروري |
رد: فديو جديد لعضوين مهمين في فرقتي المتواضعه فايف كروكو :12:
هلا بخبراء الكوكتيل كنت ابحث عن واحد مثلك في المنتدي حتي يفيدني كنت عاوز اسالك شوية اسالة بعد ازنك انا عرضة موضوع عن طيوري عندي جوز كوكتيل متوالفين جداا مع بعض وجابولي7 بيضات ولكن البيض كله لم يفقص فماذا تنصحني ان افعل ومتي اغيرلهم الماء و الطعام يوميا ولا كل اد ايه وشكرا
|
رد: فديو جديد لعضوين مهمين في فرقتي المتواضعه فايف كروكو :12:
ماشاء الله تبارك الله
الله يبارك لك فيهم .. والله يهدي طيورنا ^_^ |
رد: فديو جديد لعضوين مهمين في فرقتي المتواضعه فايف كروكو :12:
ماشاء الله تدريب وشغل متعوب عليه الله يبارك لك في حلالك الفايف كروكو:D تحياتي |
رد: فديو جديد لعضوين مهمين في فرقتي المتواضعه فايف كروكو :12:
موضوع قوي
وبالفعل اثباتك بحد ذاته ... هو تحدي لبعض اصحاب هذه النظريات اذ ان لا شي مستحيل في عالم الكروان فيديو جميل جدا وزوج اجمل وتجربة قوية من محترف في عالم الكروان بوركت اخي الكريم .... ننتظرك جديد وجديد فايف كروكو المبدع بالتوفيق |
رد: فديو جديد لعضوين مهمين في فرقتي المتواضعه فايف كروكو :12:
ماشاء الله تبارك الله :)
بصراحة ابداااااااااع ومثلك انسان ماشاء الله مربي محترف .. وانا من زمان وانا اتابعك واتابع قناتك :) لككن لدي سؤال.. قفص التفريخ كبير وجميل .. بكم شريته ؟ :) تقببل مرووري ^_^ |
| جميع الأوقات بتوقيت GMT +3. الساعة الآن 12:50 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو