|
آرجو المساعده
السلام عليكم ورحمه الله وبركاته آنا عندي قطه شيرآزيه عمرها شهرين ونص وديتها لطبيب بيطري بعد مالاحظت نقصان في وزنها واعطاها ثلاث ابر وحده فيتامين والثانيه حق ديدان والثالثه مضاد حيوي ومن بعدها صارت البسه بس نايمه ولاتتحرك وبعد 24 ساعه وديتها لطبيب ثاني وآعطاها خافض للحراره ونفس الشيء مافي فايده وبعد 48 ساعه وديتها لنفس الطبيب الثاني وقال توقعت تموت واعطاها مغذي وابره خافضه لحراره وفيتامين لانها نهائي لاتأكل ولا تشرب وبس طول الوقت نايمه واليوم كملت 72 ساعه ونفسس الوضع بس صرت اشربها بقطاره مويه وحليب كل 3 ساعات |
رد: آرجو المساعده
لاحول ولا قوة الا بالله
الله يهديكي يا اختي الحالة ماكنت تستاهل يروح لطبيب ابدا القط جسمه صغير على كل الابر اللي اخذها وهو صغير على الابر اصلا الواضح ان الطبيب الاول هذا مايعرف شي في الطب والثاني حاول ينقذها بطريقة خاطئه الحين لاتودين االقطة لاي طبيب ومن اقرب صيدلية بشرية جيبي ايموكس مضاد حيوي راح تعطينها بالسرنجة نص مل كل 12 ساعة وعطيها بالسرنجة برضو زبادي دافي بالعسل هل تلاحظين عليها اسهال او استفراغ رغوه مثلا خليها مرتاحة وشوفي حرارتها ادخلي ترموتمر في فتحة الشرج لمدة خمس ثواني وشوفي الحرارة وخبريني انا في انتظارك .. |
رد: آرجو المساعده
ﻻنو آول ممره اربيها ؤمر عارفه الصح من الغلط
آممم بالنسبه ل اسئلتك ﻻ ماعندها اسهال وﻻ آستفراغ وحرارتها 39 وقبل شويه شربتها حليب ولاحظت انها احسن من اول صارت تبلع وتفتح عيونها شويه |
رد: آرجو المساعده
اوك كذا تمام استمري على العلاج اللي قلت لك عليه والزبادي
واذا حسيتيها بدات تفوق وتتحرك اضربي بالخلاط دجاج وبطاطس مسلوقين وعطيها بالسرنجة لازم تاكل حتى مايصيبها هبوط لاسمح الله ولاتودينها لاي طبيب اي شي يصير خبريني هنا فورا .. لان بعض الاطباء ماعندهم غير ضرب ابر وما يراعون العمر والجرعة والله المستعان |
رد: آرجو المساعده
الله يسعدك فآتو
بدات الفجر تحرك يدها وتتجاوب بشكل كبير وتمنعني بيدها إذا جيت اشربها آلحمدلله يآرب وآلزبادي ماقدرت تبلعو زين بس فيها رجفه مدري ايش سببها وغير كذا مره صارت وسخانه من الحليب توسخ وجهها آقدر اروشها او ﻻ |
رد: آرجو المساعده
لا لاتروشينها عشان مايدخلها برد مسحي وجهها بمنديل بس .
|
رد: آرجو المساعده
هلا اختي
لا تروشيها ابدا وخليها تتوسخ عاااادي لانها اذا تعالجت راح تروشيها اما الان خليك على علاج ( فاتـو ) وراح تتحسن اذن الله ما تشوف شر ... |
رد: آرجو المساعده
الله يسعدكم جميعاً
مره ﻻحظت تحسن في حالتها بس بالمره ماتقدر تقوم وبس تحرك يدها آما رجولها نهائي ماتحركها مره خايفه من هذا الشيء ونفسي اعرف الرجفه اايش سببها |
رد: آرجو المساعده
اهلين ياقمر
لاتروشينها الحين ابد امسحيها بمنشفة مبللة وجففيها على الفور ولاتخلين اي تيار بارد يجي عليها استمر على العلاج اللي قلت لك عليه هذا اللي صاير لها طبيعي الابر اللي خذتها مو هينة الزبادي لازم تاخذه بالعصب ربي يشفيها لك من كل شر |
رد: آرجو المساعده
اليوم الحمدلله تحاول تمشي بس مشيه سكران
تمشي وتطيح وغير كذا آحس آنها ماصارت تشوف. كيف اتأكد من سلامه عيونها |
| جميع الأوقات بتوقيت GMT +3. الساعة الآن 11:07 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو