|
حكون شاكرة لو ساعدتوني $: ):
السلام عليكم ..
عندي ف البيت 9 بسس غير مطعمة لاني محتفضة فيها ضد رغبة الاهل وكل م تمرض يهددوني انهم حيرمونها برا وانا اخاف عليها من البسس اللي برا لانها جدا اليفة وحقت لعب المهم موضوعنا قبل كم يوم خلص اكلها ومحد كان موجود يجيبلها ف اكلتها تونه بعدين بدأت امهم بالترجيع وانتو بكرامة ورجعت كل التونة وكان لونو على بني تقريبا وكررتها اليوم اللي بعدو " مرتين بالضبط كل يوم مرا وحده " اليوم اللي بعدو لاحظت انو في بستين بدأت ترجع كمان بس اللي خوفني انها مو زي امها م طلعت اكل طلعت رغوه بيضا مع العلم انها مفطومة والحين كملت يوم بدون م ترضا تأكل وجدا خاملة لا تتحرك ورجعت كمان سائل اصفر مسكت اذنها لقيتها باردة وجمسها بارد مو زي العادة ومافيها اسهال عمرها حوالي الثلاثه شهور لما قريت وبحثت لقيت ناس مدحو المويا مع شويا عسل وسويتلها والحمدلله شربت بس لسسسا رافضة الاكل تماما !! حطيت قشطة حول فمها لاني خفت تموت جوع وكمان وزنها ناقص سارت هزيلة وكمان احس تنفسها سار اهدا من العادة < شيئ مقلق ! جدا خايفة عليها اذا اححد عندو حل يسعفني فيه رجاء اللي لاحضتو انهم يشربون مويا كثير الام تشرب كثير بس تاكل الحمدلله انما الاثنين اللي قلت عليهم م ياكلون وخايفة الوضع يكون معدي لانو عندي كيتنز صغار م كملو شهر مدحو مضاد بيتاموكس وبيبي لايت عشان م يجيها جفاف بس معرف املي ف الله ثم فيكم جداا خايفة تموت علياا وسوري اذا الكلام كثير وملخبط بس الحالة طارئة ان ششالله بعد م تفتح الصيدلة اجيب ترمومتر واقلكم كم حرارتهم |
رد: حكون شاكرة لو ساعدتوني $: ):
حطيلهم ماي كثير وتاكدي من ان المكان اللي فيه القطط او اللي يتواجدون فيه مافي مواد منظفه
حاولي انج تاخذينهم على الدكتور ولاتستنين استشاره وان شاااءالله خير |
رد: حكون شاكرة لو ساعدتوني $: ):
واللهي لو اقدر مستحيل اخليها بالحالة دي ):
شكرا ليكك :shy: ي ليت لو احد عندو حل يقلي ): |
رد: حكون شاكرة لو ساعدتوني $: ):
اهلين اختي
قطك متسمم لذلك انخفض درجة حرارته دفيه كويس لفي عليه بطانيه ودلكي جسمه كويس علشان ترتفع درجة حرارته حطي اربع ملاعق سكر في نص لتر مويه وقلبيه كويس وعطيه منه بالسرنجه وبكتبلك على فيتامين كويس بيبعد مايتعدى المرحلة الخطره ولما تجيبين ترمو متر حطيه في فتحة الشرج لخمس ثواني وشوفي صارت كم وبالنسبه للام هل فيها نفس الاعراض ؟؟ وهل الاستفراغ مستمر ام توقف ؟؟ وانا بتابع معك اول باول |
رد: حكون شاكرة لو ساعدتوني $: ):
شككرا لكك
انا خليتهم ف غرفة دافية الحمدلله تيسرت وحوديهم العيادة بعد ساعة بس سؤالي اسمحلو يديهم ابره ولا لا ! الام لا الحمدلله وقفت ترجيع وششكرا لك قد البحر ): ادعيلهم ): |
رد: حكون شاكرة لو ساعدتوني $: ):
لاتخلين الطبيب يعطيهم ابره الا اذا كانت فيتامين او جلوكوز للقطط المنخفضة درجة حرارته
اما غير كذا مافي داعي ابد واي علاج يعطيكي اياه اعطيني اسمه قبل الاستعمال |
رد: حكون شاكرة لو ساعدتوني $: ):
للاسف مريت اكثر من مكان وكلها مقفلة
لان اليوم جمعة واجازة حتا بكرا حتكون مقفلة ): وانا ابدن مو عارفة اتصرف هل الموضوع خطير ! يعني في احتمال اخسرها ): ! احاول ادفيهم بس م يرضون يجلسون ف المكان الدافي وشكلو بدأ يجيهم اسهال ): واليوم للأسف رجعو اكثر من مرا وانتو بكرامه وم اكلو شي ي دوب دخلت زبادي شويا ف فمهم بس شربو المويا مع السكر الحمدلله وانا عارفة تعبتك بس جدا خايفة عليهم ): |
رد: حكون شاكرة لو ساعدتوني $: ):
وترا حطيتلهم جلوكوز سائل مع المويا وشربوهه
|
رد: حكون شاكرة لو ساعدتوني $: ):
قست حرارة البسس
الذكر 36.9 ولا زال م ياكل بس يشرب الانثى 34.5 اظن مو متأكده من الفاصلة ولازالت تشرب بس ): |
رد: حكون شاكرة لو ساعدتوني $: ):
يالله لطفك
حاولي ترفعين درجة حرارتهم بأي طريقة دلكي جسمهم ودفيهم كويس ببطانيه او اي قماشة قطنيه لاتجلسينهم بغرفة مكيفة وعطيهم زبادي بالعسل كل 4 ساعات ومن اقرب صيدليه جيبي دواء موتيليوم 1 ونص مل مرة باليوم لكل قط صغير يستفرغ واذا الام تستفرغ عطيها 2 ونص مل ان شاء الله بيعيشون بس اهم شي اللي قلت لك عليه |
| جميع الأوقات بتوقيت GMT +3. الساعة الآن 09:54 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو