|
سؤال مهم
صباح الخير انا عندي سؤال بس بتمني تلاقولي جواب لهالسؤال انا عامل مشروع مزرعة دجاج لاحم لونو ابيض كل مايكبرو ببيعهم وبجيب غيرهم المهم انا حابب اربي منهم 20 واخليهم يكبرو عندي يسيروا يبيضوا واحط بيضهم بفقاسات وبجيب الكتاكيت من عندي احسن ما اشتريهم وبكدة بكون المربح اكتر بس سؤالي انا هل بينفع اربي من الدجاج الاحم واخليهم يسيرو يبيضوا وكم عمر الدجاجة بسير لما تبيض الدجاج لونو ابيض زي دجاج الي بينباع بالسوق دجاج الاكل
|
رد: سؤال مهم
وعليكم السلام اخي
السؤال هو كم عمر الدجاجة لما انت تبيعها؟؟ اذا انت بتبيعها بعمر اقل من 6 اشهر يعني لما قبل ما تبلش تبيض ممكن تخلي قسم للبيض وقسم ثاني للبيع يعني خلي مجموعة دجاج انت ما بتبيعهم ابدا فقط للتزاوج وللبيض وللتفقيس بس هيك بكون في تقعيد اكثر لانو اكيد الصيصان الي بدهن يطلعو من البيض بدهم يكونو ذكور واناث شو بدك تساوي بالذكور غير انك تبيعهم وتخلي واحد او ثنين للتزاوج؟؟ |
رد: سؤال مهم
انا ببيعهم وعمرهم بين 40-50 يوم بكونو كبرو سار وزنهم من 1-1.8 جرام واحيانا 2 مش مشكلة اخ فادي انا بدي اخلي 20 دجاجة و3ديوك بس مش عارف هل الدجاج اللاحم يبيض ويتكاثر وكيف طريقتو وبالنسبة للذكور والاناث مايهم بحاجة لانو دجاج لاحم مش بياض
|
رد: سؤال مهم
اخي يعني اذا دجاج لاحم ما يبيض!!
طبعا يبيض بس بكميات اقل من الدجاج البلدي خلي 5 دجاجات للبيض وحط معهم ديك واحد و 15 دجاجة للبيع البيض الي بفقس وبطلع ذكور خذ ذكرين فقط وباقي الذكور انت حر فيهم اذا بدك تبيعهم او انك تخليهم بالتوفيق اخي |
رد: سؤال مهم
انا فهمت عليك اخوي
الدجاج اللاحم يتم بيعه بعد تسمينه وبعمر من 40-60 يوم ويكون وزنه بين 1.5-2.5 وحتى يوصل اكثر من هيك فعند البيع ما يكون بلغ النضج الجنسي من حيث التلقيح او انتاج البيض، لأنه يبدأ انتاج البيض في الدجاج تقريبا بعد الشهر السادس فاذا انت ابقيت منهم لبعد الشهر السادس راح يكون منهم ذكور واناث وراح ينتجولك وما في اي مشكلة لكن في العادة الدجاج اللاحم يتم شراء صوص+ علف= بيع على عمر 45-60 يوم وهاي المعادلة المعروفة والمشهورة والاقتصادية وبالتوفيق يا سيدي |
رد: سؤال مهم
يعني اخلي اكم واحد عشان يسيرو ينتجوا انا حابب اطلع الصوص من عندي مش عشان البيض انتو مش فاهمين علي منيح يارب تكونو فهمتو علي
|
رد: سؤال مهم
ولله يا اخي فاهمين عليك خلص ساوي زي ما قلتلك خلي 5 دجاجات مع ديك عشان يصيرو ينتجو الصيصان لما يكبروا انت قسمهن قسم للبيع وقسم للانتاج
واتكل على الله ;) |
رد: سؤال مهم
اها يعني انت حاب يكون الصوص من انتاجك بغض النظر الجدوى الاقتصادية
اذا هيك ما في مشكلة عادي تقدر تربي منهم دجاج وديوك وتنتج مثل ما تحب يا غالي |
رد: سؤال مهم
مشكورين ماقصرتوو انشالله لما يكبروا الصيصان ويسيروا جاج راح اعملكو عزومة ههههههههه خلص انشالله بجرب بدي اخلي 10جاجات وديكين لما يبلغوا ويسيروا يبيضوا بعمل فقاسة وبحطوا فيها
|
رد: سؤال مهم
هههههههههه
مقلوبة على جاجتين ناصحات |
| جميع الأوقات بتوقيت GMT +3. الساعة الآن 06:17 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو