|
قطتي وارتفاع الحرارة والشلل
السلام عليكم و رحمة الله وبركاته
مبارك لكم ما تبقى من الشهر الكريم يا جماعة انا جديدة في هذا الموقع.. سجلت لان عندي قطوة عمرها 71 يوم ارتفعت حرارتها.. اخذتها من بكرا الصباح لعيادة عطوها ابرة مضاد من بكرا مازالت تعبانة لكنها تحركت واكلت شوي.. جيت بالليل اشيك عليها لقيتها تعبانة و جسمها مره ذبلان ومن قادرة تشد نفسها.. قعدت امسح عليها بموية دافية بفوطة وانشفها لانها موقادرة تنظف نفسها.. وكانت تطالع اللتر بوكس لما حطيتها فيه تشجنت ولفت وصك راسها ب طرف اللتربوكس وقمت طلعتها حطيتها على الارض مازالت تصارخ وشادة نفسها.. وكمان عملتها على نفسها.. ما كنت اعرف ايش التصرف المناسب اغطيها احط موية او ايش كان شكلها غريب وعيونها شاخصة وكنت حاسة انها بتموت لان شكلها غريب وصراخها يقططع القلب ناديت دكتور بيطري جا للبيت وقاس حرارتها 38.7 عطاها خافض حرارة ابرةوفيتامين بالفم وصرخت قدامه قال حالتها متأخرة ووضعها سيء لانها ما خذت تطعيمتها قال لا تتأملي كثير.. واخذها معاه من بكرا دقينا عليه قال على المغذيات لحد الحين واليوم لما دقينا قال فيه تحسن بسيط جدا حركت نفسها وشربت حليب واكلت لكنها تحرك نفسها من قدام وتجر نفسها !!! احتمال فيه شلل لكن راح يبين اكثر :-( :-( :-( :-( انا جدا حزينة وضايق صدري عشان حالتها اللي شفتها فيها والبسة كانت لعابة و تجنن هل فيه احد عنده حاله مشابه او صار له كذا :-( ! ايش رايكم |
رد: قطتي وارتفاع الحرارة والشلل
أمثال هذه الحالات الحرجه لا تنتظر مساعده اي احد هنا .
ما سنعطيك هي إرشادات بسيطه للامراض البسيطه .. أنصحك ان تذهب لعياده كبيره وليس عيادة محلات . ياليت تذكرين مدينتك عشان نفيدك بالخاص عن عيادات . |
رد: قطتي وارتفاع الحرارة والشلل
اقتباس:
بس لو فادها ما انتكست كذا و البيطري كان متعاون من طرف جمعية ارحمني وقلت لها ياخذها معاه لاني ماراح اعرف اتصرف ولا اعرف اذا بتتحسن او بيكون شلل دائم |
رد: قطتي وارتفاع الحرارة والشلل
اهلين اختي
الشلل من الامام ولا من الخلف يعني من اليدين ولا من الرجلين هي وينها الحين ؟؟ وهل درجه حرارتها مازالت مرتفعه؟ هل في استفراغ او اسهال وكيف لونه ؟؟ ياريت صوره لها اذا كانت مازالت عندك بالبيت |
رد: قطتي وارتفاع الحرارة والشلل
اقتباس:
الشلل خلفي من الرجلين يقول حركت نفسها حركة بسيطة واكلت شوي وشربت حليب الدكتور ما قال لي عن الخرارة و قال انها احسن واستقرت ماكان فيه استفراغ ولا اسهال وقت ما كانت عندي كانت عيونها مغمضة وكل وحدة في جهة معاكسة |
رد: قطتي وارتفاع الحرارة والشلل
الحين هي معك ولا بالعياده
|
رد: قطتي وارتفاع الحرارة والشلل
اقتباس:
|
رد: قطتي وارتفاع الحرارة والشلل
الواضح ان الشلل جا من صدمة عصبية صارت له
لازم له طبيب مختص يعني لازم تكون متأكد من خبره هذا الدكتور وامكانياته بالعلاج حتى يشخص الحاله بدقه ويبدأ بالعلاج الله يشفيه لك |
رد: قطتي وارتفاع الحرارة والشلل
اقتباس:
يعني ممكن تكون السبب اننا جبنا قطوة في البيت بس ما طولت! او صدمة عصبية من ارتفاع الحرارة! ياليت توضحي لي.. وراح اكلم البيطري وااتاكد منه |
رد: قطتي وارتفاع الحرارة والشلل
شوف احد الاسباب للشلل هو الصدمة والخوف المفاجئ
مثلا كان نايم جنب المكنسة الكهربائيه وفجأه اشتغلت هذا مثال طبعا هذا ينجو منه كثير بس في قطط ماتتحمل ومن طبعها الخوف من كل شي او ممكن يكون الشلل جاء من سقوط من مكان مرتفع او صدمها شي |
| جميع الأوقات بتوقيت GMT +3. الساعة الآن 01:16 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو