ابي اشتري حيه و محتار بين نوعين (( ساعدوني ))
 

السلام عليكم
انه من زمان خاطري اشتري لي حيه

بس كنت متردد
:p
و الحين تشجعت

و المهم عندي كم سؤال ياليت حد يجاوبني

اول شي

اي نوع تنصحوني فيه
الملك سنيك (( الحيه الي اتمناها ))
البايثن (( لونها مايعجبني ))


و بسالكم
الملك سنيك تعض ؟
و لو عضتني شو بيصير فيني ؟
ول وكانت تعض في طريقه امنه اقدر اشيلها من دون ماتعضني ؟

عادي اشيلها و امسكها ؟
الي يبيع قال لي انها تاكل مره في الشهر
و اكلها فار او صفار بيض مطبوخ >>>> حسيته يكذب

ياليت الي عنده معلومات يفيدني
و حتيالي عنده معلومات عن الملك سنيك
ان شاء الله مايقصر
:D


اخوكم
مزيون

رد: ابي اشتري حيه و محتار بين نوعين (( ساعدوني ))
 

اذا كنت ترغب بالكينج سينك .. لا تتردد اخذ واحد .. وهي من الثعابين الجميلة

لكن ما اعرف معلومات عنها وايد .. وانشاءالله الاعضاء يفيدونا عنها

رد: ابي اشتري حيه و محتار بين نوعين (( ساعدوني ))
 

ان كنت تقصد البل بايثن ان اخذتة بيجيب لك القلق من ناحية الاكل.
فالاختيار الصحيح الميلك سنيك والحقيقة انا اربي الميلك سنيك حوالى سبع او ثمان شهور ولا عمره عضني او سمعت احد من الشباب بالمنتدى عضه.

رد: ابي اشتري حيه و محتار بين نوعين (( ساعدوني ))
 

::

تسلمون لي
و الله علرد و ماقصرتو

و الباثن اعتقد النوع العادي

و milk snake
ماتحتاج لاشيه خاصه

لو تعطوني
معلومات تفيدني
بكون شاكر لكم

و مره ثانيه
ماقصرتو

رد: ابي اشتري حيه و محتار بين نوعين (( ساعدوني ))
 

الكنج سنيك محتاج لوجبة كل سبعة أيام وما ياكل صفار بيض أما لو كان صغير فمحتاج ياكل بينكي كل 5 أو 6 أيام

ما راح يعضك أبدا إلا لو يدك فيها ريحة فار (لازم تغسل يدك تمام قبل ما تمسك الثعبان)

من أسهل الأنواع في التربية وما يحتاج عناية خاصة

لو أخذت أكثر من واحد لا تحطهم سوا لأنهم ياكلون الثعابين حتى اللي من نفس النوع

تحياتي

رد: ابي اشتري حيه و محتار بين نوعين (( ساعدوني ))
 

رد: ابي اشتري حيه و محتار بين نوعين (( ساعدوني ))
 

حاول انك ما تشتري ثعبان صغير مرة اي بحجم الاصبع لانك بتجد صعوبة في الحصول على اكل مناسب لحجمة

رد: ابي اشتري حيه و محتار بين نوعين (( ساعدوني ))
 

السلام عليكم أخوي مزيون...

أنا صراحة ما قد ربيت لا الملك سنيك و لا البايثن, بس لو أنا مكانك, راح اختار الملك سنيك لأنه أجمل في نظري من البايثن. و إن عضت, ما أتوقع عضتها تجي بقوة عضة البايثن :)
و بعدين البايثن ممكن يكون خطر إذا عندك صغار في البيت لأن حجم البالغ منه أكبر من حجم الملك سنيك البالغ!! بالتالي يحتاج مساحه أكبر و عنايه أكثر شويه.
و بالنسبه للعض, ماأتوقع في أحد يربي ثعابين و ما عضته حيّه!! بالعربي...العض لابد منه (بشكل عام).
عموماً...القرار قرارك في النهايه, و أنا أفضل إنك تقرأ بكثافه و تسأل عن هذه الثعابين اللي محطيها في بالك قبل ما تقدم على شرائها. بس عشان تعرف اللي يناسبك.
و بالتوفيق...

رد: ابي اشتري حيه و محتار بين نوعين (( ساعدوني ))
 

تسلمون على ردودكم
و ماقصرتو و الله


Ghoroub
تسلم على الرد
بس انه ماكنت اقصد ثعبان الملك
كنت اقصد milk snake
:)



و قررت اني اشتري
milk snake

بس ياليت تعطوني معلومات عن هالنوع
شنو ياكل
و كم حجمه
شنو البيئه الي يحب يعيش فيها

:)

رد: ابي اشتري حيه و محتار بين نوعين (( ساعدوني ))
 

الملك سنيك جميله جدا وناعمه حتى في حركتها ونعم تحتاج وجبه كل سبعه الى ثماني ايام وهي نادرا ما تعض وفعلا حتى اذا عضتك فعضتها بسيطه وهناك نوع جميل منها وهو البينوا نيلسون ابيض وبرتقالي