|
ساعدوني.,جزاكم الله خير!
السلام عليكم ورحمه الله وبركاته
يا اخوان اتمنى تفيدوني كوكتيلي من ثاني يوم شريته لاحظت فيه رجفه خفيفه فـ رجله اعتقدت انه يحتاج لقص اظافر وديته عند الصيدلي عشان يقص اظافره لكن للاسف زادت الرجفه اللي فـ رجله ولما سألت الصيدلي قالي شي طبيعي وراح يروح بعد يومين لكن نفس اليوم العصر نزف الطير وصار كل القفص دم رجعته لصيدلي وحط شاش على رجله وعطاني مرهم زنيكوم حطيته عليه لمده يومين صبح ومساء لكن للاسف مافاد وسات حالته لدرجه انه صار يعض رجله لين قطع ظفره بالكامل ونزف مره ثانيه خذيته لعياده بيطريه عطاني له بخاخ و مضاد احطه فالماي ومرهم والنزيف وقف لكن الرجفه في رجله ماوقفت وللحين يعضها !!!! وانا الى الان ماعرف شنو مشكلته او ليش مش قاعد يتحسن :confused: اتمنى تفيدوني بخبراتكم شنو ممكن يكون ف طير ؟وهل هذا شي طبيعي اللي يصير فيه ؟ |
رد: ساعدوني.,جزاكم الله خير!
وعليكم السلام ورحمة الله وبركاتة
شيء طبيعي بتشوف رجفة عند الكروان اول ما تشترية او اول ما تجيبة عندك بالبيت لان بالغالب راح يكون خايف من المكان الجديد! انا شايف ان ماكان في داعي لقص الاضافر لكن صار اللي صار ... حالياً استمر على العلاج حسب ما اوصاك الطبيب البيطري وانشاء الله خير الطير جالس يعضها علشان يتخلص من الالم انصحك بالفترة هذة تحاول تطلعة من القفص وتلعب معاه علشان ينسى الالم ومايعض اصبع رجله -- تحياتي |
رد: ساعدوني.,جزاكم الله خير!
اخوي بالعكس الرجفه اللي فيه ماكانت رفجفه خوف
يأكل من يدي وعادي لكن هاذي رجفه الم ولا أعرف سببها لأنها كانت فيه قبل لا يقصون اظافره بس كانت خفيفه وفرجل وحده اللي هي اليمين! الرجل ماثتثبت على المجثم من كثر ماهي ترجف عموما مشكور ع الرد وماقصرت أن شاء الله راح اطلعه والعبه عشان انسيه الألم ويارب يتحسن |
| جميع الأوقات بتوقيت GMT +3. الساعة الآن 06:43 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو