|
مشكلة مع كوكاتيلي .... قصدي مشاكل
السلام عليكم ورحمة الله أول كوكاتيل ليه صار له عندي شهر الا يومين بالضبط. وعمره الآن سبع شهور الا إسبوع. أطلب مشورتكم العاجلة لو سمحتوا بأهم مشكلة واجهتني معاه وصارت اليوم من ثلاث ساعات تقريبا. حاولت أقص ريش جناحه وقصيت ريشة دم بالغلط ونزف كثير صراحة. أ عترف إني أخطأت لأني ماقريت كويس قبل لا أقدم على هالخطوة لأني إكتشفت إنو أفضل حل لهالمشكلة هو نزع الريشة بأسرع وقت بالمقابل إستمريت في عملية ترويضه والي هي المحاولة الأولى لي أطلعه برا القفص وأنا لابس قفاز. عموما الي صار صار وهو الحين شويتين تعبان ونافش ريشة ويرجف شوييية ونايم على مايبدو . حابب بس أطمن إذا حياته في خطر مع العلم إني نزعت الريشة الدامية والنزيف توقف. وإذا في حاجة أقدر أسويها عشان أحميه من أي مضاعفات. شكرا |
رد: مشكلة مع كوكاتيلي .... قصدي مشاكل
كل اللي سويته بالبدايه تقريبا خطاء في خطاء وبعذر الطير لو صار مايبغاك
اذا كنت مبتدئ ياشيخ تروح للبيطري احسن وافضل واضمن لك وللطير لانه ماراح يحقد عليك انك تحاول تسوي معه اشياء ترعبه ولا عمرك تغامر باشياء تجهل فيها لو شوي .. بصراحه مااقدر افيدك بكل شي لكن عليك الان انك تخلي الطير يرتاح من افلام الرعب اللي سويتها خلك معه عادي جدا لين يبدا يتأقلم عليك .. .. اذا تحسن مزاجه بتتحسن صحته .. دلعه يعني .. |
رد: مشكلة مع كوكاتيلي .... قصدي مشاكل
طيب كل هالتحطيم للرجال .. هو قال ادري غلطت مو لهدرجة مسكين ..
.. اتمتى انك تكون تعلمت من غلطت وان شاء الله راح يحبك الطير ويتعود عليك بس اهتم فيه .. وتقدر تشيل الاكل من القفص لمدة اسبوعين وتاكله بيدك |
رد: مشكلة مع كوكاتيلي .... قصدي مشاكل
اقتباس:
|
رد: مشكلة مع كوكاتيلي .... قصدي مشاكل
اقتباس:
هو والله من ناحية حطمني فحطمني ههههههههه وتسلمين عالنصيحة بس هو وصل معاي لمرحلة إنه ياكل من إيدي .. أتمنى مايكون فقد ثقته. طيب هل أشيل الأكل نهائيا لأني في الشغل من الصباح للعصر... أحس وقت طويل. أنا أشيل أكله المفضل الي هو الأكل الخاص حق الكروان. وأخليله أشياء ياكلها ويحبها بس مش بشراهة أتصور كافيه ولا شرايك؟ معليش إذا كثرت بأسئلتي تراني راعي طويلة :o |
رد: مشكلة مع كوكاتيلي .... قصدي مشاكل
وعليكم السلام
الحبوب المخصصة للكروان لابد تكون موجودة بشكل دائم واساسي بالقفص! لاالاا الاكل الثاني مش كافي.. لاتحرم الطير من الاكل اللي يحبة واللي يعتبر اساسي بالنسبة له وخصوصاً ان فترة دوامك تعتبر طويلة ... اقصد لو تبغى تجوعة لغرض التدريب المفروض ما تزيد فترة التجويع عن ساعتين .. -- بالتوفيق |
رد: مشكلة مع كوكاتيلي .... قصدي مشاكل
مثل كلام الاح ثا مالي نيرس بس انا كنت احسبك طالب عشان كذا قلت يمكن فاضي :)
|
رد: مشكلة مع كوكاتيلي .... قصدي مشاكل
نصيحتي لك و افضل انك تسويها
انك تسيب الكروان لمدة تقريبا اسبوع معى انك توفر الطعام و تغير الماء له كل يوم وليش الكروان صار يخاف منك ومن يدك على وجه التحديد بسبب انك قصيت جناحه وذا يعتبر إعتداء عليه بنسبه له وعادي الرجفه ذا من الخوف اللي حصله بسبب قص الجناح فصار يكرهك شويه ههههه عشان كذا يفضل انه المربي او المدرب ما يقص الجناح يا يروح عند اخوه او صاحبه او دكتور بيطري و للأسف يمكن ترجع تدربه من اول جديد ذا الأمر يعتمد على الطائر بس المهم نفذ الكلام اللي كاتبه فوق و اهم شي لا تجوعه ابد طبق كلامي على حذافيره |
رد: مشكلة مع كوكاتيلي .... قصدي مشاكل
تسلمون يا إخوان ماقصرتوا معاي صراحة. الحمدلله تركتله الحبوب وانا في الدوام ورجعت لقيته هادي وصحته كويسة ومديت له عصا الحبوب والبسكويت الخاص للكروان وأكل من إيدي لكن بحذر زايد يعني مارجعنا لنقطة الصفر وهذا أهم شي بالنسبة ليز وماعندي مشكلة أبدا أصبر عليه.
تسلمون |
| جميع الأوقات بتوقيت GMT +3. الساعة الآن 09:37 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو