منتديات تو زوو - أستفسار بخصوص جرو

منتديات تو زوو (http://www.2zoo.com/vb/index.php)

- سؤال و جواب لقسم هواة الكلاب (http://www.2zoo.com/vb/forumdisplay.php?f=38)

- - أستفسار بخصوص جرو (http://www.2zoo.com/vb/showthread.php?t=311757)

أستفسار بخصوص جرو

مساء الخير عليكم جميعا

انا من يومين اشتريت جروين جيرمن شيبرد يوم ما جم كانوا بياكلوا عادى
هما عندهم حوالى 35 يوم بس مكملوش 45 يوم رضاعه انا بحطلهم لبن ومره لبن على بيض نى وسكر وفى الغداء باعملهم بطاطس مهروسه على بيض مسلوق وجبنه مثلثات
امبارح وانهارده لاحظت ان اكلتهم خافه قوى مش بياكلوا زى اول يوم بياكلوا حجات خفيفه خالص ممكن اجبلهم فاتح الشهيه بتاع الاطفال من الصيدليه البشريه وادهولهم عادى ؟ ولو ينفع ادى كل واحد فيهم كام سم ؟؟

رد: أستفسار بخصوص جرو

اخي الغالي الجراء صغيرة كان لازم تتركهم عند امهم افضل لهم

رد: أستفسار بخصوص جرو

زي ماقالك الاستاذ ابن سورية خليهم عند امهم لحد ما يتفطمو من الرضاعه لانهم بالشكل ده معرضين لا قدر الله للامراض و تفقدهم في اسوء الاحتمالات

رد: أستفسار بخصوص جرو

يا جماعه انا اشترتهم وخلاص وشاريهم من محافظه تانيه وماينفعش ارجعهم خلاص اعمل ايه علشان ااكلهم واحافظ عليهم الفتره دى ؟؟؟؟

رد: أستفسار بخصوص جرو

اقتباس:

المشاركة الأصلية كتبت بواسطة elsayedfans (المشاركة 2887006)

طيب شوف الكلام ده ان شاء الله يفيدك طبعا منقول للامانه

غذاء الجراء :
تتغذى الجراء بعد الولادة بالرضاعة من لبن الام ولمدة اسبوعين من تاريخ الولادة مع ملاحظة ومتابعة الجراء التي لم تستوف حاجتها من الرضاعة وارضاعها بالرضاعة الصناعية .. وبعدها تحتاج الى زيادة كمية الغذاء فتقدم لها الغذاء من الانواع التي تحتوي على المواد الصالحة وسهلة الهضم مثل : اللبن المغلي وشوربة اللحم المضاف اليها الخبر والارز وشوربة الخضار ولا مانع من اضافة كمية متوسطة من اللحم المسلوق بعد فرمه وتكون الكميات مناسبة لسن وحجم الجسم .. لا بالقليلة فيتسبب عنها ضعف الجراء ولا بالكثيرة فتمتلئ بطونها مما يسبب ثقل المعدة على القوائم فتاخذ في الاعوجاج وبالتالي تؤثر على ارتفاعها وتكون القائمة قصيرة والمنظر مشوه .
--------------------------------------------------------------------------------
طريقة تقديم الغذاء :
1. تقدم الغذاء بعد طهيه في اواني منخفضة حتى تتمكن الجراء من تناولها ويستحسن ان تقدم دفعة واحدة حتى تتولد المنافسة والتسابق على تناول الطعام مع ملاحظتها وحجز من يتناول كمية حتى لا يتمكن من الحصول على كمية اكثر .
2. المقدار المخصص للجرو كغذاء يومي يجزأ إلى اربعة اجزاء يقدم كل جزء منه كوجبة حتى يكون ما يتناوله الجرو مناسبا لجسمه .
3. اذا امتنع جرو عن تناول الغذاء يفحص بمعرفة الطبيب البيطري لمعرفة اسباب ذلك .
4. يقدم الغذاء وترفع الاواني بالفضلات اذا وجدت خلال ثلاثين دقيقة .
5. وجود المياه المعدة للشرب وبصفة مستديمة على ان تجدد بماء نظيف كل اربع ساعات على الاقل .
6. تناول الام غذائها مع جرائها بالاضافة الى اعطائها اللبن المغلي هي وجرائها .
--------------------------------------------------------------------------------
ملحوظة :
اذا نفقت الام عقب الولادة او اصيبت بمرض ففي هذه الحالة يجب الاسراع بتقديم الغذاء للجراء بالطريق الصناعي (بزازة) وهناك طريقة اخرى غير متيسرة في اغلب الاحيان وهي نقل الجراء الى كلبة تكون قد وضعت بالفترة التي ولدت فيها الجراء ليتناولو غذائهم منها رضاعة مع اولادها اذا هي الفت ذلك ، كما لا يجب الحاق الجراء بام تكون سابقة في الولادة بمدة اكثر من اسبوع لان دسامة اللبن فيها يكون اكثر من لبن الام عقب الولادة اما في حالة المرض فيجب عزل الام على الفور حتى تعالج وتغذى الجراء بالطريقة السابقة هذا اذا كانت الجراء في حالة عدم تفتيح اعينها وهي لمدة اسبوعين من الولادة اما اذا كانت الجراء كاملة التفتيح فيمكنها ان تتناول غذائها بنفسها وهذا اصلح لها .

رد: أستفسار بخصوص جرو

تسلم يا غالى :) بس برضه موضوع فاتح الشهيه ايه ظروفه انا سالت دكتور بيطرى وقالى على نوع بتاع اطفال اديلهم كل يوم 1 سم ؟

رد: أستفسار بخصوص جرو

اقتباس:

المشاركة الأصلية كتبت بواسطة elsayedfans (المشاركة 2887435)

انا في رأي انهم مش محتاجين فاتح شهية ... هما محتاجين بس ياخدو على المكان شوية و التغذية الصحيحه للجراء في عمرهم حاول معاهم تاني ... لو برضو الحال زي ما هوا ... اديهم فاتح الشهية زي ما الدكتور البيطري وصفه لك

رد: أستفسار بخصوص جرو

اخي الغالي ممكن اعطائهم عن طريق السرنج منزوع الابرة عن طريق الفم

رد: أستفسار بخصوص جرو

الحقونى يا جماعه انا اديت الجرو بندكس للديدان بشرى اديته 3 سم بعدها على طول بدقايق راح عمل حمام لونه ابيض كده وكله ديدان بيضه كتير وفى نقط دم كمان
يا ترى الدم ده اعراض البارفوا ولا من الديدان ؟؟ وفقد الشهيه وقلة الحركه ده من الديدان برضه انا والله عندى امتحان بكره بس مش قادر اركز خااااالص علشان خايف للجرو يموت ولا يحصله حاجه

رد: أستفسار بخصوص جرو

ان شاءالله مافي شي
بس من الافضل تروح فيه اليوم الى
عيادة بيطرية يتأكد من الحراره واعراض البارفو
عشان لو بين عليه اعراض البارفو يكون من بدري
ياخذ العلاج ويتقبل العلاج
وان شاءالله مافي الا العافيه
وتطمن اكثر ويصبح هذا من شراب الديدان فقط
يوم يومين ويرجع يتحسن
بس لازم تتأكد عن طريق دكتور محترف